A Pas anun o Pol torom a taro Rom 9:5 - Nupela Testamen long tokples Kandas

⁵ Det a kabotaro anun o Abaram, o Aisak ma o Jekop. Ra o Karisito i wanpat a musano mulus, i wanpat tagun det, i a Karisito ra i warkurai sur a kum utna rop, ma i ut ra o God. Dat in watung ulabo pasi, ma ken rop. Amen.

A Pas anun o Pol torom a taro Rom 9:5 Iomraidhean Croise

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

Matiu 6:13

Gong u ben met una ululam. Un ulaun met gusun a Tene Sakino.’

Luk 20:44

O Dewid i watung a Karisito lena, i anun a Labino. Ra i lenra, der tamano pepetlai?”

A Wakak na Wasiso un o Iesu Karisito o Jon i tumusi 10:30

Mir nam o Tita, mir takai kut.”

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 3:13

O God ut i pami. A God anun o Abaram, a God anun o Aisak ma a God anun o Jekop, a God anun a kum tumtubun dat tagun numugu, i ulabo tar a risan o Iesu anun a tultul. Mot pitar tari sur din um doko i, ma mot ipul ru i kut umatan o Pailat, ra i nem na palos ru i.

A Pas anun o Pol torom a taro Rom 1:25

Det keles ru a lingmulus na etowo anun o God sur a torotoro. Det lotu ma det wararing mukut torom a kum utna ra o God i ukis tar det, ma ka det lotu mo torom a Tene Ukukis, i ra din watung ulabo pasi ma in tur tukum. Amen.

A Pas anun o Pol torom a taro Rom 1:3

A Wakak na Wasiso i wasiso un o Nutunulik, ra di usus pasi tagun a kabotaro anun o king Dewid.

A Pas anun o Pol torom a taro Rom 10:12

Ke senene torom a taro Juda ma torom a taro gisen kai: Ara Labino kut anundat rop. Ma in watung udan a taro rop ra det wararing toromi.

A Pas anun o Pol torom a taro Rom 11:28

A taro Israel det a kum ebar anun o God, uni ka det nurnur una Wakak na Wasiso, sur in udan mot a taro gisen. Ikut, o God i maris doko det, uni i pilok pas a kum tumtubun det tagun numugu.

1 Korin 14:16

Ra u watung wakak torom o God una niom nama wur ngas na wasiso, taio ra ke talapor una kukurai ina num a wasiso, in watung “Amen” pepetlai? Uni ke tasman asau ra u watungi.

2 Korin 11:31

O God, i ra a God anun a Labino o Iesu ma i o Tamano, ra a wasiso na ululabo toromi ken rop ma ken rop, i tasmani ut lena, ka toro.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

1 Timoti 6:15

Ra a bung in sot, o God ut in tulu ru i sur in nanpat melet. O God ara sot kut, a labino Tene Warkurai ma i dan tukum, a King anun a kum king, ma a Labino anun a kum lamlabino.

2 Timoti 2:8

Un nuk pas o Iesu Karisito, i ra tagun a kabotaro anun o Dewid, ra i katutur melet gusun a minat. Iri a Wakak na Wasiso ra a warawai nami.

Ibru 7:24

Ikut o Iesu, i a tene etabor ra anun a pinapam in tur tukum, uni i laun tukum.

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.

Tamtama 1:18

Iau a laun. A sa mat pas, tama i, a sa laun tukum ma a pam ukai a kum ki ina minat ma ina tamon Edes, a tamon anundet ra det mat.

Tamtama 22:16

“Iau o Iesu, a tulu ru anung a ensel sur in pitar a wasiso talapor ri torom mot a taro na lotu una kum tamon. Iau in wakakorin o Dewid ma a tubunu, ma in borodo ra i talapor doko.”

Tamtama 22:20

O naro ra i wasiso talapor una kum utna ri, i watungi lena, “Lingmulus, milau mo an nanpat.” Amen. Labino o Iesu wan urin.

Tamtama 5:14

Ma a wat na utna ra det laun, det watungi lena, “Amen,” ma a kum mugumugu det puku pirso nama urur ma det lotu.