A Pas anun o Pol torom a taro Rom 9:3 - Nupela Testamen long tokples Kandas

³ Ra gunuk an pet lar pasi, a nemi sur an tur keles a kum tistising, anung a taro Juda, ma din ubek tari mukut anundet a warkurai na minabalu un iau, ma din rakon ru iau gusun o Karisito, sur din ulaun pas det.

A Pas anun o Pol torom a taro Rom 9:3 Iomraidhean Croise

Aposel 13:26

“A kum tistising, a kabotaro anun o Abaram, ma mot a taro gisen kai ra mot lotu torom o God, di sa pitar tar a wasiso torom dat lena o God i sa ulaun pas a taro.

Aposel 22:5

A mugumugu na tene etabor torom o God ma a taro na kiwung rop det talapor una kum utna ri, ma det pet lar pasi sur det in wasiso uni. A los pas a kum pas gusun det ra det tumusi torom a kum tistisin det a kum te Juda tong o Damaskus. Ra a wan utong sur an ker pas a taro ra det mur a Kisapi anun a Labino, ma an ben det usapat o Jerusalem sur din ukadik det.

Aposel 28:21

Ra det watungi tano lena, “Katu pas tagisa o Judia i wanpat torom met un ui, ma katu tisimet kai i wanpat nam tu wasiso tagisa un ui, o tu wasiso un tu sakino utna ra u pam tari.

A Pas anun o Pol torom a taro Rom 1:3

A Wakak na Wasiso i wasiso un o Nutunulik, ra di usus pasi tagun a kabotaro anun o king Dewid.

A Pas anun o Pol torom a taro Rom 11:1

I mo ra a iting lena, pepetlai, o God i rosumur gusun anun a taro? Awu, i nuk pas det ut. Iau kai, a te Israel ut, o tubun o Abaram ma tagun a kabotaro Benjamin.

A Pas anun o Pol torom a taro Rom 11:14

Una nung a pinapam ri, a nemi sur an ukatutur a nuknukin anung a kabotaro, sur lako taro tagun det, det in nemnem sur a wakakino ra o God i pam tari un mot, ra in ulaun pas det.

A Pas anun o Pol torom a taro Rom 16:11

Mot in pitar anung a marmaris torom o Erodion, a kukung. Mot in pitari kai anung a marmaris torom det tagun a rumu anun o Nakisus ra det tagun a Labino.

A Pas anun o Pol torom a taro Rom 16:21

O Timoti, ra mir papam tomo una pinapam anun o Karisito, i pitar anun a marmaris torom mot. Ma a tulu kukung kai, o Lusius, o Jeson ma o Sosipater, detul pitar anundetul a marmaris torom mot.

A Pas anun o Pol torom a taro Rom 16:7

Mot in pitar anung a marmaris kai torom o Andronikus ma o Junias, aru kukung ra der kis tomo nam iau una karabus. Epotor tan a kum aposel a risander i wan sarara. Der aru mugano te Karisito tang, ma iau, a mur tander.

A Pas anun o Pol torom a taro Rom 9:2

A nuknuking i maut doko, ma ka mana nama tupunuk.

1 Korin 12:3

I mo ra an watungi tamot lenri, katutaio ra a Nion o God in mugu i, in watung lar pasi lena, “O Iesu in iru tukum.” Ma katutaio in watung lar pasi lena, “O Iesu a Labino,” ra a Tokodos na Nion ke mugu i.

1 Korin 16:22

Osi ra ke nem a Labino, in iru tukum. Wan urin a Labino!

2 Korin 12:15

A gas kut sur an pitar tar anung a kum utna rop, ma anung a nilaun kai, sur u warut mot. A nem doko mot, ma pepetlai, anumot a marmaris torom iau in natino kut?

Galesia 1:8

Ikut ra met ut, o tu ensel kai tagisapat una langit in warawai nam tu se etowo, ra ke elar nama Wakak na Wasiso ra met sa warawai taru nami torom mot, i wakak ra in iru tukum una warkurai anun o God.

Galesia 1:9

A sa inanos mugu tar mot, ma iri an watung meleti lena, ra taio in warawai torom mot nam tu etowo ra ke elar nama Wakak na Wasiso ra mot sa utur ukai pasi, i wakak ra in iru tukum una warkurai anun o God!

Galesia 3:10

Det ra det nuki lena, det in mur a kum Warkurai sur o God in watung det a kum tene tokodos, a dekdek na kankan anun o God i sa kis un det. Uni di sa tumus tari una Buk Tabu lena, “A dekdek na kankan anun o God i kis un det rop ra ka det mur sot pas a kum warkurai rop ra di sa tumus tari una Buk na Warkurai.” Lo 27:26

Galesia 3:13

A kum Warkurai i ubek tar dat una dekdek na kankan anun o God. Ikut o Karisito i kul langolango pas dat gusun a kankan ra. I ut i tur keles dat, ra i rakon pas a dekdek na kankan. I elar nami ra di sa tumus tari una Buk Tabu lena, “Osi ra di ukete i netes unin nanai, a dekdek na kankan anun o God i kis uni.” Lo 21:23

Epeses 6:5

Mot a kum tene ititula, mot in mur a wasiso anun anumot a kum mugumugu taginin una rakrakon bual, ma mot in ngara ma mot in urur torom det. Mot in pami nama lingmulus unin balamot, elar nami ra mot mur a wasiso anun o Karisito.