A Pas anun o Pol torom a taro Rom 8:7 - Nupela Testamen long tokples Kandas

⁷ Osi ra a nuknukino i kis utuntudu ina sakino nemnem ina pinino, der ebar nam o God. Uni osi ra a nuknukino i lenra, ke unatino pasi utuntudu ina kum Warkurai anun o God, ma ken pet lar pasi.

A Pas anun o Pol torom a taro Rom 8:7 Iomraidhean Croise

Matiu 12:34

Mot a kum nutnutun a kum sui! Mot ra a laulau na taro, mot in watung petlan tu wakak na wasiso? Uni a wan a taro i watung puaso a petutna ra i bukus una nundet a nilaun.

Matiu 5:19

Osi ra in lakai tu nat na warkurai tagun a kum Warkurai ri, ma in ususer raro a taro sur det kai det in lakai i, din watungi lena, i natino doko una matanitu sapat una langit. Ikut osi ra in mur a kum Warkurai ri, ma in ususer a taro uni, din watungi lena, i labo una matanitu sapat una langit.

A Wakak na Wasiso un o Iesu Karisito o Jon i tumusi 7:7

A taro tagun a rakrakon bual ka det in nget mot, ikut det nget iau, uni a inanos det una nundet a kum sakino petutna.

A Pas anun o Pol torom a taro Rom 1:28

I kai ri, ka det nuk pasi mo o God, det nuki lena, a etowo un o God i utna oros kut. I mo ra i madek tar det sur in laulau a nuknukin det, ma det pami mukut a kum utna ra ke sot sur din pami.

A Pas anun o Pol torom a taro Rom 1:30

det emang, det nget o God, det waim, det uman labino, ma det warango pas det. Det nuknuk sur a kum matok na kisapi, sur a pam sakino. Det pitarngat torom a kum tamandet, ma a kum nandet.

A Pas anun o Pol torom a taro Rom 3:31

Pepetlai, ra dat nurnur dat nuki lena a kum Warkurai i utna oros kut? Awu ut! Una nurnur dat ese i lena a kum Warkurai a dekdekin det ut.

A Pas anun o Pol torom a taro Rom 5:10

Ra dat kis na ebar utmakai nam o God, i tulu ru o Nutunu sur in mat sur dat, sur dat in emarom melet nam o God. Ra dat kis na emarom nam o God, i lingmulus sakit, in ulaun pas dat, kibino una nilaun anun o Nutunu.

A Pas anun o Pol torom a taro Rom 7:22

Una nuknuking a nem doko a kum Warkurai anun o God.

A Pas anun o Pol torom a taro Rom 8:4

I pami sur a tokodos na petutna, ra a kum Warkurai det wasiso uni, in nanpat mulus una nundat a nilaun. Ka dat mur meleti mo a sakino nemnem ina pinindat, dat muri mukut a nemnem anun a Tokodos na Nion.

1 Korin 2:14

Ikut, osi ra a Tokodos na Nion ke kis uni, ken utur ukai a kum etowo, ra i wanpat gusun a Nion o God. Uni a kum etowo ra, a kum longlong na utna kut toromi. Ma ken tasman lele a kum etowo, uni a Tokodos na Nion ke kis uni sur in utalapori toromi.

1 Korin 9:21

Ra a kis tomo nama taro ra ka det kis utuntudu ina Warkurai anun o Moses, iau kai ka kis utuntudu ina kum Warkurai ra, sur an ben pukus pas det torom o Karisito. Ikut, awu sur a rosumur una Warkurai anun o God, awu. A kis utuntudu ina Warkurai anun o Karisito.

Kolosi 1:21

Numugu mot kis bakbak gusun o God, ma una nuknuki mot, mot anun a kum ebar, kibino una kum sakino petutna ra mot ser pami.

Kolosi 2:18

Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino.

2 Timoti 3:4

Det in usobor a kum paspasan det, det in pam a kum tuptup na petutna, det in ulabo pas det ut, det in nem doko a gasgas tagun a rakrakon bual, ma ka det in nem o God.

Ibru 8:10

A Labino i watungi lena: Iri a kunubus ra an pami tomo nama taro Israel, una kum bung numur. An ubek tar anung a kum warkurai una nuknukin det, ma an tumus tari unin balandet. Ma iau a God anundet, ma det anung a taro.

Jems 4:4

Mot sa wan gusun o God, elar nama ino ra i wan pas gusun anun a musano, ra i nolin tomo nama ara musano bulung. Ka mot tasmani lena, ra mot nem a petutna tagun a rakrakon bual, mot a kum ebar anun o God? Osi ra i pilok pas a rakrakon bual sur der pasano, i a ebar anun o God.

2 Pita 2:14

A kum bung rop, a matandet i tamtama kut sur tu ino anun taio o tu musano kai anun tu ino, sur det in pam a sakino tomo nami. Ka det mana gusun anundet a kum sakino petutna. Det ulam raro a taro ra ka det tur dekdek. Det lason doko una nemnem sur a susut na ululeng. Ikut, anundet a iniru i sa waninar.