A Pas anun o Pol torom a taro Rom 7:4 - Nupela Testamen long tokples Kandas

⁴ Lenkutkai ra torom mot, a kum tistising, ra o Karisito i mat, mot kai mot mat tomo nami. I mo ra mot kai mot langolango gusun a kum Warkurai, sur mot tagun ara gisen, o Karisito, i ra i sa katutur melet gusun a minat. Dat tagun o Karisito, sur dat in wu a windat sur o God in gas nami.

A Pas anun o Pol torom a taro Rom 7:4 Iomraidhean Croise

Matiu 26:26

Det wangon utmakai, ra o Iesu i los pas a beret, i watung wakak pas uni, i tibiki, ma i tabor anun a kum nat na ususer nami, ra i watungi lena, “Mot in rakoni ma mot in nani. Iri a pining.”

A Wakak na Wasiso un o Iesu Karisito o Mak i tumusi 4:20

Ikut a ramano taro det elar nama kum pitino, ra det lubung sapat una wakak na piso. Det longoro a wasiso ma det muri, ra det wu. A ramano det wu a tulu noino, a ramano a wonom na noino, ma a ramano ara mar na windet.”

A Wakak na Wasiso un o Iesu Karisito o Jon i tumusi 15:8

“Ra mot in wu a susut na wimot, o Tita in los a minamar, ma a wimot in ese i lena mot anung a kum nat na ususer mulus.

A Wakak na Wasiso un o Iesu Karisito o Jon i tumusi 3:29

Tu musano ra i nolin nam tu ino, anun a ino ut ra. A pasan a musano ra i nolin, in tur ma in longoro suri. Ra in longoro in nalngano, in gas doko. Uniri, anung a gasgas i elar nam anun a gasgas, ra anung a gasgas i sot maragom.

A Wakak na Wasiso un o Iesu Karisito o Jon i tumusi 6:51

Iau ut a beret ra i laun, ra i wan pirso tagisapat una langit. Osi ra in nangon tagun a beret ri, in laun tukum. A lingmulus, a beret ra an etabor nami, i a pining. A pitari sur a taro una rakrakon bual det in laun nami.”

A Pas anun o Pol torom a taro Rom 6:11

Lenkutkai ra, mot in nuk pas mot lena mot sa mat gusun anumot a kum sakino petutna, ma mot, ra tagun o Karisito Iesu, mot laun sur mot in mur a nemnem anun o God.

A Pas anun o Pol torom a taro Rom 6:14

Ka mot in kis melet mo utuntudu ina dekdekin a sakino petutna, uni ka mot kis mo utuntudu ina kum Warkurai. Uniri mot sa kis utuntudu ina marmaris anun o God.

A Pas anun o Pol torom a taro Rom 6:2

Awu! Dat mat gusun anundat a sakino petutna. Dat in laun pepetlai melet mo uni?

A Pas anun o Pol torom a taro Rom 6:22

Ikut uniri di sa ulangolango pas mot gusun a sakino petutna, ma mot tene ititula mukut anun o God. A win a ngas na nilaun ra, i ben mot sur mot in talapor, ma katu dur un mot, ra o God in pitar a nilaun tukum torom mot.

A Pas anun o Pol torom a taro Rom 7:3

I mo ra a ino, ra in nolin melet nam tu musano, ma anun a musano i laun utmakai, a ino ra i pam a sakino. Ikut ra anun a musano i sa mat, a ino ra i langolango gusun a warkurai na nolin, ma ra in nolin melet nam tu musano, awu sur i pam a sakino.

A Pas anun o Pol torom a taro Rom 7:6

Ikut uniri, dat mat gusun a kum Warkurai ra i ker ukai dat numugu. Ma di sa ulangolango pas dat gusun a dekdekin a Warkurai, ma dat papam torom o God nama matok na kisapi, ra a Tokodos na Nion i pitari torom dat. Awu sur i elar nama mugano kisapi, ra dat muri kut a kum Warkurai ra di tumus tari.

A Pas anun o Pol torom a taro Rom 8:2

Uni, ra iau tagun o Karisito Iesu, a dekdekin a Tokodos na Nion, ra i ser pitar a nilaun, i ulangolango pas iau gusun a dekdekin a sakino petutna, ra i pitar a minat tang.

1 Korin 10:16

Ra dat inum tagun a kap ra di sa watung wakak pas uni torom o God, dat takai mukut nam o Karisito, una gapino. Ma ra dat wangon tagun a beret ra dat tibiki, dat takai mukut nam o Karisito, una pinino.

2 Korin 11:2

A ngara doko un mot, elar nam o God i ngara un mot, sako mot in nan gisen gusun o Karisito. A sa ubek bat tar mot sur mot anun o Karisito, elar nama wakak na toraro ra kabaut i kis tomo nam tu musano.

Galesia 3:13

A kum Warkurai i ubek tar dat una dekdek na kankan anun o God. Ikut o Karisito i kul langolango pas dat gusun a kankan ra. I ut i tur keles dat, ra i rakon pas a dekdek na kankan. I elar nami ra di sa tumus tari una Buk Tabu lena, “Osi ra di ukete i netes unin nanai, a dekdek na kankan anun o God i kis uni.” Lo 21:23

Galesia 5:18

Ikut, ra a Tokodos na Nion i mugu mot, ka mot kis utuntudu ina Warkurai.

Epeses 2:15

Ra i mat, i urop ru a kum Warkurai anun a taro Juda, sur in dat tomo aru kabotaro, sur ara matok na kabotaro mukut, sur dat rop dat in kis na malmal.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Pilipai 4:17

Awu sur anumot a etabor ra a ling suri. A nemi kut sur mot in los a ikul kura numur una numot a wakak na pinapam ra.

Kolosi 1:10

Mir wararing lenri, sur anumot a nilaun in elar nama petutna anun a Labino, ra mot in ser pam a kum utna ra in gas uni. Ra in lenra, anumot a nilaun in wu a wimot una kum wakak na pinapam rop ra mot in pami, ma mot in lubung una numot a tastasman un o God.

Kolosi 1:22

Ikut uniri, o God i sa dat pas mot toromi, sur mot pasano melet. I pam a pinapam ri, nama pinin o Karisito ra i mat, sur in ben pas mot umatan o God, ma mot anun a taro, ra katu niraro kura un mot, ma katu etakun in los mot.

Kolosi 1:6

ra i wanpat torom mot. A Wakak na Wasiso, ra i lubung, ma i wu a wino una rakrakon bual rop, elar nami ra i wu epotor tamot, turpasi una bung ra mot longoro i, ma mot tasman mulus a marmaris anun o God.

Kolosi 2:14

Dat ser rosumur gusun a kum Warkurai anun o Moses, ra a etakun i kis un dat. Ikut o God i unus ru a etakun, ra i sak wat tari sapat netes unin nanai kutus.

Kolosi 2:20

Mot sa mat tomo nam o Karisito, ma mot sa langolango gusun a kum etowo tan a kum laulau na nion tagun a rakrakon bual. Asau a kibino ra mot laun melet kut elar nam mot taginin una rakrakon bual ma mot mur a kum warkurai taginin? A kum warkurai lenri:

Ibru 10:10

O Iesu Karisito i mur sot pas a nemnem anun o God ra i pitar tar a pinino ut, sur a etabor torom o God. I pitar tari ara dino kut ma ken pam meleti mo. Ra anun a etabor ra i gos talapor pas dat umatan o God.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

Tamtama 19:7

Dat in gas, ma dat in watung ulabo pasi! Uni a bung na unolin anun a Barman na Sipsip i sa wanpat, ma nun a ino i sa waninar.

Tamtama 21:9

Ara tagun a wonom mawit na ensel, ra det pam a wonom mawit na dis ra i bukus nama wonom mawit na ururop na ukadik, i wanpat ma i watungi tang lena, “Wan urin, an ese tar ui una matok na nolin, a ino anun a Barman na Sipsip.”