A Pas anun o Pol torom a taro Rom 6:7 - Nupela Testamen long tokples Kandas

⁷ Uni osi ra i mat tomo nam o Karisito, i sa langolango gusun a sakino petutna.

A Pas anun o Pol torom a taro Rom 6:7 Iomraidhean Croise

Matiu 11:19

A Nutun a Musano i wanpat, i wangon ma i inum, ra det watungi uni lena, ‘Tama i, a musano ri a tene inangon ma a tene ininum, a pasan a kum tene los takis ma a kum tene sakino.’ Ikut a kum pinapam anun o God i upuaso i lena, anun a mananos i a mananos mulus.”

A Pas anun o Pol torom a taro Rom 6:2

Awu! Dat mat gusun anundat a sakino petutna. Dat in laun pepetlai melet mo uni?

A Pas anun o Pol torom a taro Rom 6:8

Ra dat mat tomo nam o Karisito, dat nurnur lena dat in laun utkai tomo nami.

A Pas anun o Pol torom a taro Rom 7:2

Lenra an wasiso elelar una warkurai na nolin: Ra ara ino i nolin, a warkurai na nolin i ker tomo der nam anun a musano, ra a musano i laun utmakai. Ikut ra anun a musano i sa mat, a ino i sa langolango gusun a warkurai na nolin.

A Pas anun o Pol torom a taro Rom 7:4

Lenkutkai ra torom mot, a kum tistising, ra o Karisito i mat, mot kai mot mat tomo nami. I mo ra mot kai mot langolango gusun a kum Warkurai, sur mot tagun ara gisen, o Karisito, i ra i sa katutur melet gusun a minat. Dat tagun o Karisito, sur dat in wu a windat sur o God in gas nami.

A Pas anun o Pol torom a taro Rom 8:1

I mo ra det ra tagun o Karisito Iesu, katu warkurai na minabalu mo anun o God torom det.

1 Pita 4:1

O Karisito i taramo a ngunungut una pinino. I mo ra, mot kai, mot in waninar sur mot in taramo a ngunungut elar nami. Uni osi ra i taramo a ngunungut una pinino, i sa mana gusun a pam a sakino petutna.