A Pas anun o Pol torom a taro Rom 6:2 - Nupela Testamen long tokples Kandas

² Awu! Dat mat gusun anundat a sakino petutna. Dat in laun pepetlai melet mo uni?

A Pas anun o Pol torom a taro Rom 6:2 Iomraidhean Croise

Luk 20:16

In nanpat ma in um doko ru a taro na pinapam, ma in pitar tar a kinobot torom lako taro gisen, sur det in tamtamabati.” Ra a taro det longoro a wasiso ri, det watungi lena, “Awu, ken lenra!”

A Pas anun o Pol torom a taro Rom 5:11

Awu sur i kut ra. Uniri dat gas utkai tomo nam o God, kibino ut una nundat a Labino o Iesu Karisito, ra i umarom tomo tar dat nam o God.

A Pas anun o Pol torom a taro Rom 6:15

Ka dat kis mo utuntudu ina kum Warkurai, dat kis utuntudu ina marmaris anun o God. Pepetlai, dat in pam melet a sakino petutna? Awu ut!

A Pas anun o Pol torom a taro Rom 7:4

Lenkutkai ra torom mot, a kum tistising, ra o Karisito i mat, mot kai mot mat tomo nami. I mo ra mot kai mot langolango gusun a kum Warkurai, sur mot tagun ara gisen, o Karisito, i ra i sa katutur melet gusun a minat. Dat tagun o Karisito, sur dat in wu a windat sur o God in gas nami.

A Pas anun o Pol torom a taro Rom 7:6

Ikut uniri, dat mat gusun a kum Warkurai ra i ker ukai dat numugu. Ma di sa ulangolango pas dat gusun a dekdekin a Warkurai, ma dat papam torom o God nama matok na kisapi, ra a Tokodos na Nion i pitari torom dat. Awu sur i elar nama mugano kisapi, ra dat muri kut a kum Warkurai ra di tumus tari.

Galesia 2:19

“Uniri a sa tasmani lena kan tokodos uni a mur a kum Warkurai. A sa mat gusun det. A kum Warkurai ut i ubek tar iau una minat. A mat sur an laun sur o God.

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

Kolosi 2:20

Mot sa mat tomo nam o Karisito, ma mot sa langolango gusun a kum etowo tan a kum laulau na nion tagun a rakrakon bual. Asau a kibino ra mot laun melet kut elar nam mot taginin una rakrakon bual ma mot mur a kum warkurai taginin? A kum warkurai lenri:

Kolosi 3:3

Uni mot sa mat gusun a ngas na nilaun tagun a rakrakon bual, ma uniri anumot a nilaun i kis eno tomo nam o Karisito, un o God.

1 Pita 1:14

Mot a kum nutnutun o God, ra mot ser mur anun a wasiso, gong mot mur a kum sakino nemnem ra numugu mot ser pami ra ka mot mananos utmakai.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

1 Jon 3:9

Det rop ra a kum nutnutun o God, ka det ser pami mo a kum sakino petutna, uni a nilaun anun o God i kis un det. Ka det in ser pam a sakino petutna, uni det a kum nutnutun o God.