A Pas anun o Pol torom a taro Rom 5:12 - Nupela Testamen long tokples Kandas

¹² Ara musano kut i pam a sakino petutna, ma una petutna ra, a sakino petutna i wanpat una rakrakon bual. A sakino petutna i pam pat a minat. Ma una kisapi ra, a minat i wan sur a taro rop, uni det rop det pam a sakino petutna.

A Pas anun o Pol torom a taro Rom 5:12 Iomraidhean Croise

A Pas anun o Pol torom a taro Rom 3:23

Uni a taro rop det sa pam tar a sakino petutna, ma det kis bakbak gusun a minamar anun o God.

A Pas anun o Pol torom a taro Rom 5:18

I mo ra un ara petutna na lakai warkurai kut anun o Adam, a taro rop det kis una warkurai na minabalu anun o God. Lenutkai ra, un ara tokodos na petutna ra o Iesu i pami, o God in watung a taro rop a kum tene tokodos, ma det in laun.

A Pas anun o Pol torom a taro Rom 5:19

Una pitarngat anun ara musano kut, a susut na taro det a kum tene sakino. Lenkutkai ra, una mur wasiso anun ara musano kut, o Iesu Karisito, a susut na taro det a kum tene tokodos.

A Pas anun o Pol torom a taro Rom 5:21

A taro det kis utuntudu ina dekdekin a sakino petutna, ra i pitar a minat torom det. Ikut uniri, a taro ra det kis utuntudu ina dekdekin a marmaris anun o God, o God i watung det a kum tene tokodos, ra i pitar a nilaun tukum torom det, kibino una pinapam ra o Iesu Karisito anundat a Labino i sa pam tari.

A Pas anun o Pol torom a taro Rom 6:21

Numugu mot ser pam a kum sakino petutna, ra uniri mot maimai uni. Ra mot pami, i warut mot pepetlai? I ben mot kut sur a minat.

A Pas anun o Pol torom a taro Rom 6:23

Uni a kunukul ina sakino petutna, a minat. Ikut a etabor, ra o God i pitar orosi kut, i a nilaun tukum. A nilaun ra dat losi, kibino una pinapam anun o Karisito Iesu anundat a Labino.

1 Korin 15:56

A minibirin a minat, a sakino petutna. A sakino petutna i los pas a dekdekino gusun a Warkurai anun o Moses.

Epeses 2:3

Numugu, dat kai dat laun elar nama taro na pitarngat. Dat kai dat ugasgasi kut a pinindat, ma dat mur a kum nemnem ina pinindat ma a nuknukin dat. Di usus pas dat kai a kum tene sakino ut, ma a kankan anun o God i kis un dat, elar nami ra i kis un det a taro na pitarngat.

Jems 1:15

Numur, ra anundet a laulau na nemnem in labo, in usus pat pas a sakino petutna. Ra a sakino petutna in labo, in usus pat pas a minat.

Jems 3:2

Dat rop dat raro una susut na utna. Ikut, ra taio ke raro un tu utna una nun a wasiso, i ra i tokodos sakit, ma in pet lar pasi sur in ukodos pas anun a nilaun rop.