A Pas anun o Pol torom a taro Rom 5:1 - Nupela Testamen long tokples Kandas

¹ Una nundat a nurnur ut, o God i watung dat lena dat tokodos umatano. I mo ra dat kis na malmal tomo nam o God, kibino una nundat a Labino o Iesu Karisito.

A Pas anun o Pol torom a taro Rom 5:1 Iomraidhean Croise

Luk 19:38

“A king ra i wanpat nama risan a Labino i dan! Sng 118:26 A malmal sapat netes una langit, ma a minamar sapat netes sakit!”

Luk 19:42

“Gunuk ra uniri, mot sa tasman tar a kisapi ra i topas a malmal! I parau umatamot!

Luk 2:14

“Dat in watung ulabo pas o God sapat netes sakit, ma a malmal una rakrakon bual rop torom det ra o God i gas sur det.”

A Wakak na Wasiso un o Iesu Karisito o Jon i tumusi 14:27

A pitar a malmal torom mot. Anung a malmal ra, a tabor mot nami. Ka tabor mot elar nama rakrakon bual i etabor. Gong a balamot i mamaut, ma gong mot ngara.

A Wakak na Wasiso un o Iesu Karisito o Jon i tumusi 16:33

“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”

A Wakak na Wasiso un o Iesu Karisito o Jon i tumusi 20:31

Ikut di tumus ukai pas a ramano kum utna ri, sur mot in nurnur lena o Iesu i a Karisito, a Nutun o God. Ra mot in nurnur uni, mot in laun nama risano.

A Wakak na Wasiso un o Iesu Karisito o Jon i tumusi 5:24

“A inanos mot nama lingmulus, osi ra i longoro anung a kum wasiso ma i nurnur un o naro ra i tulu ru iau urin, i sa utur ukai a nilaun tukum, ma ken iru una warkurai. I sa wan gusun a minat sur a nilaun tukum.

Aposel 10:36

Mot tasmani lena, o God i sa pitar tar anun a wasiso torom a taro Israel. A wasiso ri, i a Wakak na Wasiso na malmal. A malmal epotor tan o God ma a taro, ra i kibino un o Iesu Karisito, i ra a Labino anun a taro rop.

A Pas anun o Pol torom a taro Rom 1:17

Uni a Wakak na Wasiso i upuaso a kisapi ra o God i pami, sur a taro det in tokodos umatan o God. A kisapi na nurnur kut, a taro det in tokodos uni, a nurnur sot kut tagun a turturkibino tuk una ururopino. Elar nami ra di sa tumus tari una Buk Tabu lenri, “Osi kut ra i nurnur, o God in watungi a tene tokodos, ma in laun.” Hab 2:4

A Pas anun o Pol torom a taro Rom 1:7

A tumtumus torom mot rop tiro o Rom, ra o God i maris mot, ma i kabo pas mot sur mot anun a taro. A marmaris ma a malmal tan o God a Tamandat ma a Labino o Iesu Karisito in kis tomo nam mot.

A Pas anun o Pol torom a taro Rom 10:10

Uni, ra u nurnur namin balam, o God i watung ui lena u tokodos umatano. Ma, ra u upuaso i nam anum a wasiso lena, o Iesu i a Labino, o God in ulaun ui.

A Pas anun o Pol torom a taro Rom 10:15

Ra kataio i tulu a kum tene warawai, det in nan pepetlai nama wasiso? Elar nami ra di sa tumus tari una Buk Tabu lena, “A inawan pat anundet ra det wanpat nama Wakak na Wasiso, i wakak doko.” Ais 52:7

A Pas anun o Pol torom a taro Rom 14:17

Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 15:33

O God, i a kibin a malmal, in kis tomo nam mot rop. Amen.

A Pas anun o Pol torom a taro Rom 3:22

A kisapi ri tan o God, ma i lenri: A taro rop ra det nurnur kut un o Iesu Karisito, o God in watung det lena det tokodos. A taro Juda ma a taro gisen kai det elar kut.

A Pas anun o Pol torom a taro Rom 3:30

Uni ara God kut, ma in watung a taro Juda lena, det tokodos umatano una nurnur. Lenkutkai ra torom a taro gisen, in watung det lena, det tokodos una nurnur utkai.

A Pas anun o Pol torom a taro Rom 4:5

Ikut o God ken watung taio lena i tokodos uni i pam tar a pinapam. In watungi lena, i tokodos uni i nurnur. Uni i nurnur un o God ra i ser watung a kum tene sakino lena det tokodos.

A Pas anun o Pol torom a taro Rom 5:11

Awu sur i kut ra. Uniri dat gas utkai tomo nam o God, kibino ut una nundat a Labino o Iesu Karisito, ra i umarom tomo tar dat nam o God.

A Pas anun o Pol torom a taro Rom 5:18

I mo ra un ara petutna na lakai warkurai kut anun o Adam, a taro rop det kis una warkurai na minabalu anun o God. Lenutkai ra, un ara tokodos na petutna ra o Iesu i pami, o God in watung a taro rop a kum tene tokodos, ma det in laun.

A Pas anun o Pol torom a taro Rom 6:23

Uni a kunukul ina sakino petutna, a minat. Ikut a etabor, ra o God i pitar orosi kut, i a nilaun tukum. A nilaun ra dat losi, kibino una pinapam anun o Karisito Iesu anundat a Labino.

A Pas anun o Pol torom a taro Rom 9:30

I mo ra asau mo dat in watungi una kum utna ri? Det ra awu sur a taro Israel awu sur det dekdek sur det in tokodos umatan o God. Ikut o God i watung det lena det tokodos umatano, kibino una nundet a nurnur.

Galesia 2:16

Ikut, dat tasmani lena o God ke watung taio a tene tokodos uni i mur a kum Warkurai anun o Moses. Awu! O God in watung taio a tene tokodos uni i nurnur kut un o Iesu Karisito. Lenkutkai ra torom dat, dat nurnur un o Karisito Iesu, sur dat in tokodos umatan o God. Dat tokodos uni dat nurnur un o Karisito, ma awu sur i kibino uni dat mur a kum Warkurai. Uni o God ken watung taio a tene tokodos ra i mur a kum Warkurai.

Galesia 3:25

Ikut uniri, dat sa nurnur, ra ka dat kis melet mo utuntudu ina kum Warkurai.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Epeses 2:7

O God i pami lenra, sur in ese anun a marmaris torom dat un o Karisito Iesu, sur anun a labino marmaris sakit in nanpat talapor torom a kum taun taro numur.

Pilipai 3:9

ma an patop tomo nami. Ma awu sur iau a tene tokodos uni a mur a kum Warkurai, awu, kibino kut uni a nurnur un o Karisito. O God i watung dat a kum tene tokodos uni dat nurnur un o Karisito.

Kolosi 1:20

Ra una minatin o Nutunu, a kum utna rop det milet melet toromi, sur det in kis na emarom tomo nami, a kum utna nin upiso ma a kum utna sapat netes una langit. I pam a malmal nama gapin o Nutunu ra i mat unin nanai kutus.

Kolosi 3:15

I wakak sur a malmal ra o Karisito i tabor mot nami in mugu mot una numot a nilaun. Uni mot ara pinin o Karisito kut, ma o God i kabo pas mot sur mot in kis tomo nama malmal. Ra i wakak sur mot in ser watung wakak torom o God.

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

2 Tesalonaika 3:16

Metul wararing sur a Labino ra i pitar a malmal, i ut in tabor mot nama malmal una kum du bung rop ma una kum ngas na kinkinis na nilaun rop. A Labino in kis tomo nam mot rop.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.