A Pas anun o Pol torom a taro Rom 4:11 - Nupela Testamen long tokples Kandas

¹¹ Ra kabaut di tok talilis o Abaram, o God i watungi lena i tokodos umatano, kibino una nun a nurnur ut. Ra o Abaram i los pas a ukinalong na tinotok talilis, i ese i lena i tokodos umatan o God. I mo ra o Abaram a taman a taro ra ka di tok talilis det. Det nurnur, ra o God i watung det, det tokodos umatano.

A Pas anun o Pol torom a taro Rom 4:11 Iomraidhean Croise

Matiu 16:16

Ra o Saimon Pita i balu i lena, “Ui a Karisito, a Nutun o God ra i laun.”

Matiu 8:11

A watungi tamot lena kura numur a susut na taro det in nan tagitiro na matmatano tobar ma a matmatano lubur, ra det in kis tomo nam o Abaram, o Aisak ma o Jekop una lukaro una matanitu sapat una langit.

Luk 19:9

Ra o Iesu i watungi tan o Sakias lena, “Uniri, di sa ulaun pas det ra det kis una rumu ri, uni o Sakias kai tagun a kum tumtubun o Abaram.

A Wakak na Wasiso un o Iesu Karisito o Jon i tumusi 3:33

Ikut det ra det nurnur una nun a wasiso, det mulaot lena o God i a lingmulus.

A Wakak na Wasiso un o Iesu Karisito o Jon i tumusi 3:36

Osi ra i nurnur una Nutun o God, i sa utur ukai a nilaun tukum. Ikut, osi ra i rosumur gusun o Nutunu, ken utur ukai a nilaun, uni a kankan anun o God kura uni.”

A Wakak na Wasiso un o Iesu Karisito o Jon i tumusi 6:35

O Iesu i balu det lena, “Iau ut a beret na nilaun. Osi ra in nan torom iau ken murak, ma osi ra in nurnur un iau ken muruk melet mo.

A Wakak na Wasiso un o Iesu Karisito o Jon i tumusi 6:40

Una nemnem anun o Tita, det rop ra det tamtama torom o Nutunu ma det nurnur uni, det in laun tukum, ma iau an ukatutur pas det gusun a minat una bung na warkurai.”

A Wakak na Wasiso un o Iesu Karisito o Jon i tumusi 6:47

A inanos mot nama lingmulus, osi ra i nurnur un iau, i sa los pas a nilaun tukum.

A Wakak na Wasiso un o Iesu Karisito o Jon i tumusi 8:33

Det balu o Iesu lena, “Met a kum nutnutun o Abaram, tuk uniri ka met tene ititula anun taio. Sur asau ra u watungi lena a lingmulus in ulangolango met?”

A Pas anun o Pol torom a taro Rom 10:11

Elar nami ra di sa tumus tari una Buk Tabu lenri, “Osi ra in nurnur uni, ken maimai.” Ais 28:16

A Pas anun o Pol torom a taro Rom 10:4

Uni a kum Warkurai anun o Moses i tuk taru kut un o Karisito, sur det ra det nurnur un o Karisito det in tokodos umatan o God.

A Pas anun o Pol torom a taro Rom 10:6

Ma a Buk Tabu i watungi kai una taro ra det nurnur, ra o God i watung det lena det tokodos umatano. I watungi lena, “Gong mot nuki lena: Osi in nan usapat netes una langit?” I lenra mot nemi sur mot in ben pirso pas o Karisito urin.

A Pas anun o Pol torom a taro Rom 3:22

A kisapi ri tan o God, ma i lenri: A taro rop ra det nurnur kut un o Iesu Karisito, o God in watung det lena det tokodos. A taro Juda ma a taro gisen kai det elar kut.

A Pas anun o Pol torom a taro Rom 3:26

Ikut uniri, i pami lenri sur in ese anun a tokodos na petutna, sur i ut, i tokodos, ma i o naro ra i watung a taro lena, det tokodos ra det nurnur un o Iesu.

A Pas anun o Pol torom a taro Rom 3:30

Uni ara God kut, ma in watung a taro Juda lena, det tokodos umatano una nurnur. Lenkutkai ra torom a taro gisen, in watung det lena, det tokodos una nurnur utkai.

A Pas anun o Pol torom a taro Rom 4:10

Nangisin ra o God i watung o Abaram lena i tokodos? Numugu tan a bung ra di tok talilis a pinino, o numur? Numugu, awu sur numur.

A Pas anun o Pol torom a taro Rom 9:30

I mo ra asau mo dat in watungi una kum utna ri? Det ra awu sur a taro Israel awu sur det dekdek sur det in tokodos umatan o God. Ikut o God i watung det lena det tokodos umatano, kibino una nundet a nurnur.

A Pas anun o Pol torom a taro Rom 9:33

Elar nami ra di sa tumus tari una Buk Tabu lenri, “Tama i, a ubek tar a wat sapat o Saion, ra a taro det in tutuka uni, ma det in puku. Ma osi ra in nurnur uni, ken maimai.” Ais 8:14; 28:16

A Pas anun o Pol torom a taro Rom 9:6

Ra a watungi lenra, awu sur a watungi lena o God ke pam sot pas anun a liliman torom a taro Israel, awu. Uni awu sur a taro Israel rop, det a taro Israel mulus umatan o God.

2 Korin 1:22

I sa ubek tar anun a ukinalong un dat sur in talapor lena, dat anunu ut. Ma i ukis a Niono unin balandat, elar nama ukinalong ra numur dat in rakon a kum utna, ra o God i sa waninar tari sur dat.

Galesia 3:22

Ikut a Buk Tabu i watung puaso i lena, a taro rop una rakrakon bual, anundet a sakino petutna i ukarabus det. Lenra, det kut ra det nurnur un o Iesu Karisito det in los pas a etabor ra o God i liliman taru nami.

Galesia 3:29

Ra mot anun o Karisito, mot a kum nutnutun o Abaram, ma mot in rakon asau ra o God i liliman taru nami toromi.

Galesia 3:7

Mot in tasmani lena det ra det nurnur, det a kum nutnutun o Abaram.

Galesia 5:5

Ikut dat, una dekdekin a Tokodos na Nion dat kis langlang nama nurnur sur o God in watung dat lena a kum tene tokodos uni dat nurnur.

Galesia 6:16

A malmal ma a marmaris torom a taro rop ra det mur anung a etowo ri, det a taro Israel mulus anun o God.

Epeses 1:13

Ma mot kai tagun o Karisito, uni mot longoro a lingmulus na wasiso ri, a Wakak na Wasiso lena o God in ulaun pas mot. Ra mot nurnur un o Karisito, o God i ubek tar anun a ukinalong un mot, a Tokodos na Nion, ra i sa uliliman mugu taru uni.

Epeses 4:30

Ma gong mot utupunuk a Tokodos na Nion o God, ra o God i sa ukinalong tar mot nami lena mot anunu. Ma a ukinalong ra, i ese i lena a bung in nanpat ra o God in ulangolango mot.

Pilipai 3:9

ma an patop tomo nami. Ma awu sur iau a tene tokodos uni a mur a kum Warkurai, awu, kibino kut uni a nurnur un o Karisito. O God i watung dat a kum tene tokodos uni dat nurnur un o Karisito.

Ibru 11:7

O Noa i longoro a utumarong anun o God toromi una kum utna ra in nanpat ra ka di tama i utmakai. Ra una nun a nurnur, i ru pas o God ma i mur anun a wasiso, ma i pam a sip, ra i ulaun pas det tamtamano uni. A nurnur anun o Noa i upuaso a kum sakino petutna anun a taro una rakrakon bual, ra o God i kuro det uni. Ma o God i watung o Noa a tene tokodos, kibino una nun a nurnur.

2 Pita 1:1

Iau o Saimon Pita, a tultul ma aposel anun o Iesu Karisito. A tumtumus torom mot, ra o God i sa tabor tar mot nama wakak na nurnur, elar nami ra i tabor met kai nami, kibino una tokodos na petutna anun o Iesu Karisito, i ra a God anundat, ma anundat a Tene Ulaun.

Tamtama 9:4

Di len tandet lena gong det ban laulau a wuliso una rakrakon bual, ma a kum duwai kai. Det in ban laulau det kut ra katu ukinalong anun o God una kum masarindet.