A Pas anun o Pol torom a taro Rom 3:4 - Nupela Testamen long tokples Kandas

⁴ Awu ut! Ra a taro rop det in torotoro, a wasiso anun o God i lingmulus ut. Elar nama wasiso torom o God ra di sa tumus tari una Buk Tabu lena, “Anum a wasiso na warkurai i ese i lena u tokodos. Ma ra din takun ui, ka din sio pas tu niraro.” Sng 51:4

A Pas anun o Pol torom a taro Rom 3:4 Iomraidhean Croise

Matiu 11:19

A Nutun a Musano i wanpat, i wangon ma i inum, ra det watungi uni lena, ‘Tama i, a musano ri a tene inangon ma a tene ininum, a pasan a kum tene los takis ma a kum tene sakino.’ Ikut a kum pinapam anun o God i upuaso i lena, anun a mananos i a mananos mulus.”

Luk 20:16

In nanpat ma in um doko ru a taro na pinapam, ma in pitar tar a kinobot torom lako taro gisen, sur det in tamtamabati.” Ra a taro det longoro a wasiso ri, det watungi lena, “Awu, ken lenra!”

A Wakak na Wasiso un o Iesu Karisito o Jon i tumusi 3:33

Ikut det ra det nurnur una nun a wasiso, det mulaot lena o God i a lingmulus.

A Pas anun o Pol torom a taro Rom 11:1

I mo ra a iting lena, pepetlai, o God i rosumur gusun anun a taro? Awu, i nuk pas det ut. Iau kai, a te Israel ut, o tubun o Abaram ma tagun a kabotaro Benjamin.

A Pas anun o Pol torom a taro Rom 11:11

I mo ra a iting melet lena, pepetlai, ra a taro Israel det puku, det puku tukum? Awu! Ikut, o God i ulaun pas a taro gisen, kibino una sakino petutna anun a taro Israel, sur in ukatutur a nuknukin a taro Israel, sur det kai det in nemnem sur o God in ulaun pas det.

A Pas anun o Pol torom a taro Rom 3:31

Pepetlai, ra dat nurnur dat nuki lena a kum Warkurai i utna oros kut? Awu ut! Una nurnur dat ese i lena a kum Warkurai a dekdekin det ut.

A Pas anun o Pol torom a taro Rom 6:15

Ka dat kis mo utuntudu ina kum Warkurai, dat kis utuntudu ina marmaris anun o God. Pepetlai, dat in pam melet a sakino petutna? Awu ut!

A Pas anun o Pol torom a taro Rom 6:2

Awu! Dat mat gusun anundat a sakino petutna. Dat in laun pepetlai melet mo uni?

A Pas anun o Pol torom a taro Rom 7:13

Pepetlai, a utna ra i wakak i um doko iau? Awu ut! A sakino petutna i um doko iau. A sakino petutna i papam nama kum wakak na wasiso na Warkurai, ra i pitar a minat tang, sur in talapor lena a ngas na petutna ri i laulau. Una kum Warkurai dat tama lele pasi lena, a sakino petutna i laulau doko.

A Pas anun o Pol torom a taro Rom 7:7

I mo ra asau mo dat in watungi? Pepetlai, a kum Warkurai a sakino petutna? Awu ut! Ra katu Warkurai, kan tasmani kai a sakino petutna. Lenri, ra o God ken watung tari una kum Warkurai lena, “Gong u nuknuk laulau sur a utna anun taio,” kan tasmani kai lena, a nuknuk laulau sur a utna anun taio i a sakino petutna.

A Pas anun o Pol torom a taro Rom 9:14

I mo ra, asau mo dat in watungi? Pepetlai, o God ke pam a tokodos na petutna? Awu!

1 Korin 6:15

Pepetlai, ka mot tasmani lena, a pinimot, a kum du pinin o Karisito ut? Pepetlai, an upitapo pas lako kum du pinin o Karisito tomo nama pamuk na ino sur der in takai mukut? Awu, ken elar mulus!

2 Korin 1:18

O God i lingmulus, lenkutkai ra anumet a wasiso i lingmulus. Ra met mulaot, a kukuraino lena, met in pam sot pasi.

Galesia 2:17

“Umatan a taro Juda dat a kum tene sakino, uni dat nurnur un o Karisito, sur dat in tokodos umatan o God, ma ka dat mur a kum Warkurai, sur dat in tokodos umatano. Pepetlai, o Karisito i a kibino ra dat a kum tene sakino? Awu ut!

Galesia 2:21

A marmaris anun o God torom iau i labo doko, ma kan madek oros ru i kut. Ra gunuk o God in watung taio a tene tokodos, uni i mur a Warkurai, o Karisito i mat oros kut.”

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

Taitus 1:2

A nurnur ra, ma a tastasman ra, i wanpat tagun a kinkinis langlang nama nurnur sur a nilaun tukum. A nilaun tukum ra o God i uliliman taru nami, ra ke ukisi utmakai a rakrakon bual. Ma o God ke ser toro.

Ibru 6:18

Aru utna ri, a liliman, ma a risano ra i udekdek anun a liliman nami, ka din keles lar pasi, ma o God ken toro lar pas nami. O God i pami lenra sur in uragot dat, ra dat sa kalabor bakit taru uni, sur dat in tur dekdek una nundat a kinkinis langlang nama nurnur sur a liliman anun o God, ra kura numur in nanpat.

1 Jon 5:10

Osi ra i nurnur una Nutun o God, i sa utur ukai a wasiso talapor anun o God unin balano. Ikut osi ra ke nurnur una wasiso talapor anun o God, i nuki lena o God a tene torotoro, uni ke nurnur una wasiso talapor anun o God un o Nutunu.

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.

Tamtama 3:7

“Un tumtumus torom a ensel anun a taro na lotu tong o Piladelpia lenri: O naro ra i tasur, ma i lingmulus, ma i pam a ki anun o Dewid, i papos a matansako, ra kataio in tagar lar pasi, ma i tagari, ra kataio in papos lar pasi. I watung a wasiso ri: