A Pas anun o Pol torom a taro Rom 3:2 - Nupela Testamen long tokples Kandas

² Ra taio a te Juda i wakak doko toromi. A mugano utna ut, o God i sa ubek tar anun a wasiso una laman a taro Juda.

A Pas anun o Pol torom a taro Rom 3:2 Iomraidhean Croise

A Wakak na Wasiso un o Iesu Karisito o Jon i tumusi 5:39

Mot ser luki ut a Buk Tabu, uni mot nuki lena mot in los a nilaun tukum uni. Ikut a Buk Tabu kai i wasiso ut un iau!

Aposel 7:38

O Moses i kis tomo nama kum tumtubun dat tagun numugu, a taro Israel, una nubual kalako taro uni. Ra a ensel i wasiso toromi una Tangai Sainai. O Moses i los pas a wasiso na nilaun, ma i tumus ukai tari sur anundat uniri.

A Pas anun o Pol torom a taro Rom 1:2

A Wakak na Wasiso ri, o God i sa uliliman mugu taru uni ma anun a kum poropet det sa tumus tari una Buk Tabu.

A Pas anun o Pol torom a taro Rom 2:18

Mot ser warango mot lena, mot tasman a nemnem anun o God, ma mot gas una kum wakak na petutna, uni mot sa rakon pas a etowo una kum Warkurai.

A Pas anun o Pol torom a taro Rom 3:1

Ra taio a te Juda, anun a kinkinis na te Juda in warut petlani? Ra taio di sa tok talilis tari, anun a kinkinis na tinotok talilis in warut petlani?

A Pas anun o Pol torom a taro Rom 3:3

I pepetlai ra ara taro Juda ka det nurnur? Ra ka det nurnur, pepetlai, i topasi sur in turbat o God sur gong i pam sot anun a wasiso?

A Pas anun o Pol torom a taro Rom 9:4

Det a taro Israel, ra o God i ras pas det sur det a kum nutnutunu. I ese anun a minamar tandet, i pam a kum kunubus tomo nam det, i pitar tar a kum Warkurai tandet, i ese tar det una kisapi na lotu mulus, ma i uliliman tar det.

1 Korin 9:17

Ra iau ut a nemi sur an warawai, an losi ut anung tu ikul. Ikut, ra awu sur anung tu nemnem suri, an pami kut a pinapam ra o God i sa pitar tari tang.

2 Korin 5:19

Un o Karisito, o God i marom nama taro taginin una rakrakon bual. Ken nuk melet pasi mo anundet a kum sakino petutna sur in warkurai det uni. Iri a wasiso na emarom, ra i pitar tari tamet.

Galesia 2:7

Det tama lele i ra o God ut i pitar tar a pinapam ri tang, sur an warawai nama Wakak na Wasiso torom det ra awu sur a taro Juda, elar nam o Pita kai, ra o God i pitar tar a pinapam toromi sur in warawai nama Wakak na Wasiso torom a taro Juda.

1 Timoti 6:20

Timoti, un tamtamabat wakak a pinapam ra o God i pitar tari tam. Un nan gisen gusun a kum wasiso ororos kut, ra ke elar nama nemnem anun o God, ma gusun a wasiso na engaras una utna di watungi nama “mananos”, ikut awu sur a mananos mulus.

Ibru 5:12

Mot sa nurnur suano mot, ra uniri i sot mo sur mot a kum tene ususer. Ikut, mot sibo utmakai sur taio in ususer mot melet una kum mugano ususer una wasiso anun o God. Ka mot nan lar pas a dekdek na utna, mot sus kut.

1 Pita 4:11

Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.

Tamtama 19:10

Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”

Tamtama 22:6

A ensel i watungi tang lena, “A kum wasiso ri, i lingmulus ma i topasi sur din nurnur uni. A Labino, o God ra i mugu a nion a kum poropet sur det in upuaso anun a kum wasiso, i tulu ru anun a ensel sur in ese tar anun a kum tultul una kum utna ra milau in nanpat.”