A Pas anun o Pol torom a taro Rom 3:19 - Nupela Testamen long tokples Kandas

¹⁹ Dat tasmani lena, asau ra a warkurai i wasiso uni, ke wasiso una taro ra awu sur a taro Juda kut, i wasiso una taro Juda utkai, ra det kis utuntudu ina kum Warkurai. I mo ra, a taro rop tagun a rakrakon bual det in tur na warkurai umatan o God, ma kataio in ipul lar pas.

A Pas anun o Pol torom a taro Rom 3:19 Iomraidhean Croise

A Wakak na Wasiso un o Iesu Karisito o Jon i tumusi 15:25

Di pami lenri, sur din pam sot pas a wasiso ra di sa tumus tari una Buk na Warkurai lena, ‘Det nget iau, ma katu kibino.’ Sng 35:19

A Wakak na Wasiso un o Iesu Karisito o Jon i tumusi 8:9

Det longoro tar a wasiso ri anun o Iesu, ra det rop det pirso. A kum takano det pirso mugu. Ra numur det rop det pirso taktakai. O Iesu mukut i kis tiro iai, der nama ino ra di utur tari nisano.

A Pas anun o Pol torom a taro Rom 1:20

Turpasi una ukukis ina rakrakon bual, a taro det tama a kum ukukis. I mo ra det pet lar pasi sur det in tasman a kum magiran o God, a kum magiran o God, ra ka din tama i. Det tasmani lena, a dekdekino in tur tukum, ma i o God. I mo ra katu kisapi sur det in ipul ru i.

A Pas anun o Pol torom a taro Rom 3:2

Ra taio a te Juda i wakak doko toromi. A mugano utna ut, o God i sa ubek tar anun a wasiso una laman a taro Juda.

A Pas anun o Pol torom a taro Rom 3:23

Uni a taro rop det sa pam tar a sakino petutna, ma det kis bakbak gusun a minamar anun o God.

A Pas anun o Pol torom a taro Rom 3:4

Awu ut! Ra a taro rop det in torotoro, a wasiso anun o God i lingmulus ut. Elar nama wasiso torom o God ra di sa tumus tari una Buk Tabu lena, “Anum a wasiso na warkurai i ese i lena u tokodos. Ma ra din takun ui, ka din sio pas tu niraro.” Sng 51:4

A Pas anun o Pol torom a taro Rom 3:9

Asau ra dat in watungi una utna ri? Pepetlai, met a taro Juda met tokodos taun a taro gisen? Awu ut! A sa watung tari lena, a kum te Juda ma a taro gisen kai det elar kut. Dat rop dat kis utuntudu ina sakino petutna.

1 Korin 1:29

I pami lenra sur gong taio i warango pasi ut umatan o God.

Galesia 3:10

Det ra det nuki lena, det in mur a kum Warkurai sur o God in watung det a kum tene tokodos, a dekdek na kankan anun o God i sa kis un det. Uni di sa tumus tari una Buk Tabu lena, “A dekdek na kankan anun o God i kis un det rop ra ka det mur sot pas a kum warkurai rop ra di sa tumus tari una Buk na Warkurai.” Lo 27:26

Galesia 4:21

Mot ra mot nem na mur a Warkurai, mot in inanos iau: Pepetlai, mot tasmani ut a kukurai ina Warkurai?

Galesia 4:5

I wanpat sur in kul langolango pas det ra det kis utuntudu ina Warkurai, sur dat in nanpat a kum nutnutun o God.

Galesia 5:18

Ikut, ra a Tokodos na Nion i mugu mot, ka mot kis utuntudu ina Warkurai.