A Pas anun o Pol torom a taro Rom 2:13 - Nupela Testamen long tokples Kandas

¹³ Uni, awu sur det rop ra det longoro a Warkurai det tokodos umatan o God, awu. Det kut ra det mur rop a Warkurai, din watung det a kum tene tokodos.

A Pas anun o Pol torom a taro Rom 2:13 Iomraidhean Croise

Luk 18:14

A watungi tamot, a musano ri, ra i milet melet sur anun a rumu, i sa tokodos umatan o God, ma ara pasander awu. Uni det rop ra det ulabo pas det, din unatino det. Ma osi ra i unatino pasi, din ulabo pasi.”

Luk 8:21

Ra i balu det lena, “Det ra det longoro a wasiso anun o God ma det muri, det ra o nang ma a kum tistising.”

A Wakak na Wasiso un o Iesu Karisito o Jon i tumusi 13:17

Ra mot tasman a kum utna ri, ma mot pami, mot in dan.

Aposel 13:39

Ikut, det rop ra det nurnur un o Iesu, din watung det a kum tene tokodos.

A Pas anun o Pol torom a taro Rom 10:5

O Moses i tumtumus una taro ra det mur a kum Warkurai, det in tokodos pepetlai umatan o God. I watungi lenri, “Osi ra in mur sot rop pas det, in laun uni i mur a kum Warkurai.” Wkp 18:5

A Pas anun o Pol torom a taro Rom 2:25

Ra u mur a kum Warkurai, a tinotok talilis ra di pam tari un ui, i lingmulus. Ikut, ra ko mur a kum Warkurai, u elar kut nam taio ra ka di tok talilis a pinino.

A Pas anun o Pol torom a taro Rom 3:20

I mo ra, katutaio in tokodos umatan o God, uni i mur a kum Warkurai. A kum Warkurai i ser ese dat kut una nundat a kum sakino petutna.

A Pas anun o Pol torom a taro Rom 3:23

Uni a taro rop det sa pam tar a sakino petutna, ma det kis bakbak gusun a minamar anun o God.

A Pas anun o Pol torom a taro Rom 3:30

Uni ara God kut, ma in watung a taro Juda lena, det tokodos umatano una nurnur. Lenkutkai ra torom a taro gisen, in watung det lena, det tokodos una nurnur utkai.

1 Korin 4:4

Uni ka nuk pas tu utna ra a raro uni, ikut a nuknuking ri ken ulangolango ru iau. A Labino ut in kuro iau.

Galesia 2:16

Ikut, dat tasmani lena o God ke watung taio a tene tokodos uni i mur a kum Warkurai anun o Moses. Awu! O God in watung taio a tene tokodos uni i nurnur kut un o Iesu Karisito. Lenkutkai ra torom dat, dat nurnur un o Karisito Iesu, sur dat in tokodos umatan o God. Dat tokodos uni dat nurnur un o Karisito, ma awu sur i kibino uni dat mur a kum Warkurai. Uni o God ken watung taio a tene tokodos ra i mur a kum Warkurai.

Galesia 5:4

Ra mot nemi sur o God in watung mot a kum tene tokodos uni mot mur a kum Warkurai, mot sa kis susuaro gusun o Karisito. Mot sa wan gisen gusun a marmaris anun o God.

Jems 1:27

Ikut, ra dat warut a kum nat na soi, ma a kum ula, ra det pot na marmaris, ma dat tumarong dat kai gusun a kum dur na petutna tagun a rakrakon bual, iri a lingmulus na lotu, ra i tokodos, ma katu utna i raro uni umatan o God a Tamandat.

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.

1 Jon 3:7

A kum nutnutung liklik, gong mot madek tar taio sur in ben raro mot. Osi ra i pam a tokodos na magirano, i tokodos elar nam o Karisito.