A Pas anun o Pol torom a taro Rom 15:2 - Nupela Testamen long tokples Kandas

² Dat rop taktakai dat in nuk pasi kai a pasandat, ma dat in pam a kum utna ra in waruti, ra in udekdek anun a nurnur.

A Pas anun o Pol torom a taro Rom 15:2 Iomraidhean Croise

A Pas anun o Pol torom a taro Rom 14:19

I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai.

1 Korin 10:23

Sako taio in watungi lena, “A kum utna rop i wakak kut sur dat in pami,” ikut, awu sur a kum utna rop in warut dat. “A kum utna rop i wakak kut sur dat in pami,” ikut, awu sur a kum utna rop in udekdek dat.

1 Korin 10:24

Gong taio i uwakak pasi ut, in uwakak pas a taro gisen.

1 Korin 10:33

A nemi sur an ugasgas a taro rop una kum utna rop ra a ser pami. Ka pam tu utna sur in uwakak iau, awu, a pam a kum utna sur in uwakak lako susut na taro, sur o God in ulaun pas det.

1 Korin 13:5

Ke laulau a magirano, ke nuk pasi ut, ke ser kankan lakit, ke ser nuk ukai a sakino ra di pami uni.

1 Korin 14:26

A kum tistising, asau an watungi? Ra mot kis tomo una lotu, ara taro det in kelekele, ara taro det in ususer a taro, ara taro det in wasiso puaso un tu utna ra o God i sa ese tari tandet, ara taro det in wasiso nama wur ngas na wasiso, ma ara taro kai det in palos a kukuraino. A kum utna rop ri din pami sur in udekdek a taro na lotu.

1 Korin 14:3

Ikut, taio ra i wasiso na poropet, i wasiso torom a taro sur in udekdek det, in uragot det ma in umarom det.

2 Korin 12:19

Pepetlai, mot nuki lena met wasiso bat met kut gusun mot? Awu. Met wasiso nama lingmulus umatan o God elar nama kum tultul anun o Karisito. A kum wakak na paspasa met, a kum utna rop ra met pami, met pami sur in warut mot.

2 Korin 13:9

Ra mot dekdek ma met kalako dekdeki met, met gas kut. Ma met wararing sur mot in tokodos una numot a nurnur.

Epeses 4:12

sur det in waninar a taro anun o God, sur det ra, det in papam toromi, sur dat a pinin o Karisito dat in lubung.

Epeses 4:29

Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot.