A Pas anun o Pol torom a taro Rom 14:2 - Nupela Testamen long tokples Kandas

² Ara taro det nurnur lena, i wakak kut ra det in nan a kum utna rop. Ma ara taro ra ke dekdek anundet a nurnur, ka det wan a komonong ina kum wewegua. Det wani kut a utna ra di maruti.

A Pas anun o Pol torom a taro Rom 14:2 Iomraidhean Croise

A Pas anun o Pol torom a taro Rom 14:1

Mot in gas pas taio ra ke dekdek anun a nurnur, ma gong mot tama pisopiso i. Gong mot engaras una kum utna ra ke talapor toromi.

A Pas anun o Pol torom a taro Rom 14:14

Uni iau tagun a Labino o Iesu, a tasman mulusi lena, katu utna na inangon in ban ling tar dat sur dat in laulau umatan o God. Ikut, ra taio i nuki lena in laulau umatan o God ra in nan tu ngas na utna, i ut i tasmani lena ke tokodos toromi sur in nani.

A Pas anun o Pol torom a taro Rom 14:20

Ma gong mot ban laulau a pinapam anun o God, kibino una utna na inangon kut. A kum utna na inangon rop i wakak kut umatan o God, ikut ra taio in nan tu utna ra in ban ling tar taio sur in puku una nun a nurnur, a utna ra i pami ke tokodos.

A Pas anun o Pol torom a taro Rom 15:1

Dat ra dat tur dekdek, i wakak sur dat in warut det ra ka det tur dekdek una nurnur. Ma gong dat nuk pas dat kut.

1 Korin 10:25

A kum wewegua ra di siuru i una rumu na siuru, mot in nani. Ma gong mot iting lena, di sa etabor taru nami torom a torotoro na god o awu, sur gong a nuknuki mot in takun mot lena mot pam a sakino.

1 Korin 8:9

Mot langolango sur mot in nan a utna ra taio i sa etabor taru nami torom a kum torotoro na god. Ikut mot in tumarong mot, sur gong anumot a petutna ra, in ben tar det ra anundet a nurnur ke dekdek, sur det in puku.

1 Korin 9:22

Ra a kis tomo nama taro ra ka det dekdek, iau kai ka dekdek, sur an ben pukus pas det torom o Karisito. A elaro iau sur an elar nama kum ngas na taro rop, ma a mur a kum ngas na kisapi rop sur an ulaun lako taro.

Galesia 2:12

Numugu, ra i kis tong o Antiok, i wangon tomo nama taro na lotu ra awu sur a taro Juda. Ikut, a ramano kum te Juda ra o Jems i tulu ru det toromi, det wanpat. Ra o Pita ke wangon tomo melet mo nam det ra awu sur a taro Juda. I kis gisen mukut gusun det, uni i ngaran a taro Juda, det ra det nemi sur din tok talilis a taro na nurnur rop.

1 Timoti 4:4

Uni a kum utna rop ra o God i ukis tar det, det wakak, ra gong dat ngaran ru det. Dat in watung wakak torom o God uni, ra dat in nani.

Taitus 1:15

A kum utna rop i tokodos torom det ra det tokodos, ikut torom det ra ka det tokodos ma ka det nurnur, a kum utna rop kai ken tokodos. A balandet i laulau doko, ma katu tokodosino tiro una nuknukin det.

Ibru 13:9

Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.

Ibru 9:10

A kum warkurai ri tagun a inangon ma a ininum ma a kum pinapam na gos talapor a taro umatan o God. Det a kum warkurai kut tagun a pinindat. Det tur kut, tuk una bung ra o God i umatok a kum utna.