A Pas anun o Pol torom a taro Rom 12:8 - Nupela Testamen long tokples Kandas

⁸ Ma osi ra o God i pitar tar a etabor na ururagot tano, i wakak sur in uragot a taro nami. Ma osi ra o God i pitar tar a etabor sur in tene etabor, i wakak sur in palos lamano torom a taro. Ma osi ra o God i pitar tar a etabor sur in mugumugu, i wakak sur in papam dekdek sur in mugu wakak a taro. Ma osi ra o God i pitar tar a etabor sur in tene marmaris, i wakak sur in maris a taro nama gasgas.

A Pas anun o Pol torom a taro Rom 12:8 Iomraidhean Croise

Matiu 25:40

“A king in balu det lena, ‘A inanos mot nama lingmulus, asau ra mot sa pam tari torom tu musano oros kut tagun a kum tistising ri, mot sa pam tari ut un iau.’

Aposel 11:23

O Banabas i ara wakak na musano, i bukus nama Tokodos na Nion ma a nurnur. Ra i wanpat, i tama asau ra a marmaris anun o God i pami una nundet a nilaun, ra i gas doko. Ra i uragot det rop sur det in tur dekdek mulus nama nurnur torom a Labino una nundet a nilaun rop. Ra a susut na taro det tupukus torom a Labino.

Aposel 13:12

Ra a mugumugu i tama a utna ri i wanpat, i nurnur, uni i kisin una etowo una Labino.

Aposel 13:15

Ra di sa luk tar a kum wasiso tagun a Buk na Warkurai anun o Moses, ma a kum wasiso anun a kum poropet, a kum mugumugu tagun a rumu na lotu det pitar a wasiso torom der lena, “Aru tistisi met, ra tu wasiso na ururagot kura sur mur in inanos a taro nami, mur in wasiso kut.”

Aposel 15:32

O Judas ma o Sailas der pitar a susut na wasiso sur der in uragot a taro ra det tar tistisino una nurnur, ma sur der in udekdek det, uni der aru poropet.

Aposel 20:2

I wan papas una kum tamon ra, ma i uragot tar det nama susut na wakak na wasiso. Numur i wan utong o Grik.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 4:36

Ma o Josep kai, ara musano tagun a ailan Saipras, tagun a kabotaro Liwai, ma a kum aposel det watungi nam o Banabas, a kukurai ino lena “tene ururagot”.

A Pas anun o Pol torom a taro Rom 12:13

Ra a taro anun o God det sibo sur tu utna, mot in warut det. Mot in dekdek sur mot in gas pas a kum usiro.

A Pas anun o Pol torom a taro Rom 13:6

I mo ra mot ser pitari kai a takis torom a gapman, uni a kum mugumugu tagun a gapman det a kum tultul anun o God, ma det ser pitar anundet a nilaun una pinapam na tamtamabat a taro.

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

1 Korin 14:3

Ikut, taio ra i wasiso na poropet, i wasiso torom a taro sur in udekdek det, in uragot det ma in umarom det.

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

2 Korin 11:3

Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa.

2 Korin 8:12

Ra mot gasgas sur mot in etabor, o God in gas uni. O God i nemi sur mot in etabor tagun a utna ra mot utur ukai i, awu sur tagun a utna ra ka mot utur ukai i.

2 Korin 9:11

O God in tabor mot nama kum utna rop, sur mot kai mot in ser tabor a taro gisen. Ra mot in pami lenra, a susut na taro det in watung wakak torom o God una numot a etabor, ra met in pitari tandet.

2 Korin 9:13

A pinapam ri mot pami, i upuaso a wakak na magiramot. Ma a susut na taro det in watung ulabo pas o God, uni anumot a nurnur una Wakak na Wasiso un o Karisito, i pam pati kai a petutna na mur wasiso. Ma det in watung ulabo pas o God, una numot a wakak na petutna ra mot tabor det, ma a taro gisen kai.

2 Korin 9:7

Mot taktakai, mot in pitari kut a utna ra mot sa nuki lena, mot nem na pitari. Ma gong mot pitar a utna ra ka mot gas sur mot in pitari, ma gong mot etabor uni di ungongos tar mot kut. Uni o God i nem det ra det etabor nama gasgas.

Epeses 6:5

Mot a kum tene ititula, mot in mur a wasiso anun anumot a kum mugumugu taginin una rakrakon bual, ma mot in ngara ma mot in urur torom det. Mot in pami nama lingmulus unin balamot, elar nami ra mot mur a wasiso anun o Karisito.

Kolosi 3:22

Mot a kum tene ititula, mot in mur a wasiso anun anumot a kum mugumugu taginin upiso una kum pinapam rop. Gong mot papam wakak kut ra det tama mot, sur mot in ugasgas tar det kut. Mot in papam wakak torom det nama lingmulusino tiro ubalamot, ma a urur torom a Labino.

1 Tesalonaika 2:3

Ra metul saring mot sur mot in nukpukus, awu sur anumetul a wasiso i raro, awu sur kai metul wasiso nam tu sakino nuknuk, ma awu sur metul toro pas mot.

1 Tesalonaika 2:8

Metul nem doko mot, ra metul gas doko sur metul in inanos mot una Wakak na Wasiso anun o God. Awu sur i kut ra, awu, metul gas utkai sur metul in pitar anumetul a nilaun kai torom mot, uni mot labo doko umatametul.

1 Timoti 4:13

Un dekdek nama luk a Buk Tabu torom a kum tene nurnur, ma nama warawai ma a etowo torom det, tuk an nanpat.

1 Timoti 5:17

I wakak sur din pitar a urur ma a wakak na ikul torom a kum mugumugu na lotu ra det pam wakak a pinapam. Din pami lenra torom det ra det papam dekdek una warawai ma a etowo.

1 Timoti 6:18

Un inanos det sur det in pam a wakakino, ma det in bukus nama kum wakak na pinapam, det in ser etabor, ma det in ser isuaro a utna kai torom lako taro.

Ibru 10:25

Gong dat mana gusun anundat a kum kinkinis tomo una lotu, elar nama ramano taro det ser pami. Dat in uragot etalai dat, ma dat in dekdek uni, uni mot tama i lena a bung na inawan pat anun a Labino i sa milau.

Ibru 13:17

Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.

Ibru 13:22

A kum tistising, a saring pas mot sur mot in longoro wakak a wasiso na warut ri, uni a pas ri a tumusi torom mot awu sur i walos.

Ibru 13:24

Mot in pitar anumet a marmaris torom anumot a kum mugumugu rop, ma torom a taro rop anun o God. Det kai tagitong o Itali det pitar anundet a marmaris torom mot.

Ibru 13:7

Mot in nuk pas anumot a kum mugumugu, ra numugu det sa ususer tar mot una wasiso anun o God. Mot in nuk pas anundet a ngas na nilaun, ma mot in mur anundet a nurnur.