A Pas anun o Pol torom a taro Rom 12:12 - Nupela Testamen long tokples Kandas

¹² Mot in kis langlang nama gasgas sur a kum utna ra numur a Labino in tabor mot nami. Ra mot etorom a kum mamaut, mot in tur dekdek, ma gong mot mana nama niaring.

A Pas anun o Pol torom a taro Rom 12:12 Iomraidhean Croise

Matiu 5:12

Mot in gas, uni i labo sakit anumot a ikul sapat una langit. Uni di sa ban laulau mugu tar a kum poropet ra det laun numugu tamot, lenkutkai ra di pami un mot.

Luk 10:20

Ikut, gong mot gas, uni a kum laulau na nion det mur anumot a wasiso. Mot in gas, uni di sa tumus tar a risamot sapat una langit.”

Luk 21:19

Anumot a tuntunur dekdek in ulaun mot.

Luk 8:15

Ikut a kum pitino ra det puku una wakak na piso, det elar nam ara taro ra det longoro a wasiso, ma a balandet i wakak ma i tokodos, ra det pam ukai dekdek a wasiso ra det muri tuk det wu a windet.

Aposel 1:14

Det tomo nam o Maria o nan o Iesu, ma a kum tistisin o Iesu, ma a ramano kum wardain kai. Det rop ka det mana nama niaring una kum bung.

Aposel 12:5

Ikut, ra o Pita i kis una karabus, a taro na lotu rop ka det mana nama niaring torom o God suri.

Aposel 2:42

Ma det pitar tar anundet a nilaun una etowo anun a kum aposel, una kinkinis tomo nama marmaris, ma una inangon tomo, ma una niaring.

Aposel 6:4

Ma met, met in balon ut nama niaring ma a pinapam na warawai nama wasiso anun o God.”

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 15:4

Uni a kum wasiso rop ra di sa tumus tari numugu utmakai una Buk Tabu, di tumus tari sur in ususer dat, sur dat in tur dekdek una anundat a nurnur, ma in warut dat kai, sur dat in kis langlang nama nurnur sur a kum utna o God in pami numur.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

A Pas anun o Pol torom a taro Rom 8:25

Ikut dat, dat kis langlang nama nurnur sur a utna ra ke wanpat utmakai. Dat kis langlang, ma a pinindat ke ngoro.

1 Korin 13:13

A tulu utna ri detul kis tukum: a nurnur, a kinkinis langlang nama nurnur sur asau ra o God in pami, ma a marmaris. Ikut a marmaris i labo sakit tandetul.

2 Korin 12:8

A sa mantulu saring a Labino, sur in rakon ru i gusun iau.

Pilipai 3:1

A kum tistising, a ururop na wasiso ri, a tumusi torom mot: Mot in gas uni mot anun a Labino. A gas sur an tumus melet a kum utna ra a sa tumus tari munung torom mot, sur in warut mot.

Pilipai 4:4

Mot in ser gas una kum bung rop, uni mot tagun a Labino. Ma an watung meleti lena, mot in gasgas.

Kolosi 1:11

Ra o God in udekdek mot nama dekdek rop, tagun a wakak na labino dekdekino, sur mot in kis wowowon ma mot in tur dekdek una kum maut rop ra mot taramo i. Ma mot in gas,

Kolosi 1:27

O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

Kolosi 4:2

Mot in dekdek nama niaring. Ra mot wararing, a nuknuki mot in talapor, ma mot in watung wakak torom o God.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 5:8

Ikut dat tagun a waspi, i wakak sur dat in tamtamabat wakak anundat a nilaun. Dat in emar nama nurnur ma a marmaris sur in tamtamabat dat, elar nama du pino aen ra a tene inaim i ubek bat a romrobono nami. Ma dat in emar kai nama kinkinis langlang nama nurnur sur o God in ulaun dat, elar nama tene inaim i ubek bat in lorino nama kukup na inaim.

2 Tesalonaika 1:4

I mo ra, metul ut metul ser warango pas mot torom a taro na lotu anun o God una kum tamon. Metul ser warango pas mot una numot a tuntunur dekdek ma anumot a nurnur, ubalan a kum mamaut ra mot taramo i ma a kum ngunungut ra a taro det ban laulau mot nami.

2 Tesalonaika 3:5

Metul wararing sur a Labino in mugu a nuknuki mot sur mot in tasman mulus a marmaris anun o God, ma mot in tasmani kai a kisapi sur mot in tur dekdek una kum mamaut ra o Karisito i sa ese tari torom dat.

1 Timoti 6:11

Ikut ui, Timoti, ui a musano anun o God, un nan gisen gusun a kum utna ri. Un dekdek sur un mur a tokodos na petutna, ma a petutna ra i wakak umatan o God, a nurnur mulus, a marmaris, a tuntunur dekdek, ma a wowowon na petutna.

2 Timoti 3:10

Ui Timoti, u sa tasman rop anung a kum etowo, a magirang, a kum utna ra a ngara suri, anung a nurnur, anung a kinkinis wowowon, anung a marmaris, anung a tuntunur dekdek una kum ngunungut,

Taitus 2:13

ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar.

Taitus 3:7

I ulaun dat, sur dat in rakon a nilaun tukum, ra dat kis langlang suri nama nurnur. Ra i ulaun dat, i watung dat lena dat tokodos umatano, kibino una nun a marmaris.

Ibru 10:32

Mot in nuk pas a kum bung numugu ra mot sa los pas a talapor una numot a nilaun, ra di pitar a kum labino mamaut ma a kum ngunungut torom mot, ikut mot tur dekdek ut.

Ibru 10:36

Gong a pinimot i ngoro, mot in tur dekdek sur mot in mur a nemnem anun o God, ma numur mot in los pas a kum utna ra i sa uliliman taru uni.

Ibru 12:1

A susut na tene nurnur tagun numugu det tur talilis pas dat ma det upuaso a petutna na nurnur. I mo ra, i wakak sur dat in lakro ru a kum sau rop ra i ser turbat dat una nundat a inawan, ma a kum sakino petutna kai ra i ser ker ukai dat. Ma dat in kalabor, ma gong a pinindat i ngoro una kalkalabor una nundat a kinalabor, ra o God i sa waninar tari sur dat.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Ibru 5:7

Ra o Iesu i laun nin una rakrakon bual, i kukukuk nam anun a kum niaring nama lurlur na matano torom o God, i ra i pet lar pasi sur in ulaun pasi gusun a minat. Ma o God i longoro i, uni i unatino pasi utuntudu ino.

Ibru 6:12

Ka met nemi sur mot in tabalamat, awu. Met nemi sur mot in mur a magirandet ra det nurnur ma det kis langlang ma pinindet ke ngoro, ra det in utur ukai asau ra o God i sa uliliman taru nami.

Ibru 6:15

Ra o Abaram i kis langlang ma a pinino ke ngoro, ra numur i utur ukai asau ra o God i sa uliliman tari nami.

Jems 5:7

A kum tistising, gong a pinimot i ngoro lakit, ra mot kis langlang sur a inawan pat melet anun a Labino. Mot tama a tene minarut, a pinino ke ngoro lakit, ra i kiskis langlang sur a bato in puk a piso, ma sur a wakak na makus tagun ana kinobot.

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.

1 Pita 4:7

A ururop ina kum utna rop i sa milau. I mo ra mot in nuknuk wakak ma mot in tamtamabat wakak anumot a nilaun, sur mot in pet lari sur mot in wararing.

2 Pita 1:6

Ma mot in palataun a mananos un o God nama petutna ra mot tamtamabat wakak anumot a nilaun. Ma mot in palataun a petutna ra, nama tuntunur dekdek. Ma mot in palataun a tuntunur dekdek nama petutna ra i wakak umatan o God.

Tamtama 13:10

Ra o God i sa mulaot tar taio sur in karabus, in karabus ut. Ra i sa mulaot tar taio sur din tau doko i namin totok na inaim, din um doko i ut nami. Ra i lenra, i wakak sur a taro anun o God det in tur dekdek ma det in nurnur.