A Pas anun o Pol torom a taro Rom 12:11 - Nupela Testamen long tokples Kandas

¹¹ Mot in papam dekdek, ma gong a pinimot i ngoro. Mot in papam torom a Labino nama labino gasgas una balamot.

A Pas anun o Pol torom a taro Rom 12:11 Iomraidhean Croise

Matiu 24:12

A marmaris anun lako susut in rop, uni a kum sakino petutna in labo nanan.

Matiu 25:26

Anun a labino i balu i lena, ‘Ui a laulau na tultul, a tabalamat na musano ui. U sa tasman tari lena, a pasong a utna ra ka marut tari, ma a git pasi kai a wino utna ra ka marut tari.

Aposel 18:25

Di sa ususer tari una Kisapi anun a Labino, ma i gas doko sur in warawai. I ususer tokodos det un o Iesu, ikut i tasmani kut a baptais anun o Jon.

Aposel 20:19

A taro Juda det wasiso tomo sur det in pam a kum sakino petutna un iau, ma a taramo a mamaut uni. Ikut, a papam ut torom a Labino, ma a unatino pas iau, ma a lurlur na matang i puku.

1 Korin 7:22

Uni i ra a tene ititula ra a Labino i sa kabo pasi, i a langolango na musano mo anun a Labino. Lenkutkai ra, i ra awu sur a tene ititula ra a Labino i sa kabo pasi, i a tene ititula mo anun o Karisito.

Epeses 4:28

Osi ra i ser wolong, gong melet mo i wolong. I wakak sur in pam a wakak na pinapam nam aru lamano, sur in pam pat a utna sur in tabor a sibo na taro nami.

Kolosi 4:1

Mot a kum mugumugu, mot in pam a tokodos na petutna torom anumot a kum tene ititula, ma a magiramot in elar kut torom det rop, uni mot tasmani lena, mot kai, anumot a mugumugu i a Labino, ra i kis sapat una langit.

1 Timoti 5:13

Det in ukio anundet a kum du bung nama inawan tuptupukus una kum rumu. Ma det in wasiso eno, det in wasiso una utna ra awu sur anundet, ma det in watung a kum wasiso ra ke wakak sur det in watungi.

Ibru 12:28

Dat in watung wakak torom o God, uni dat sa utur ukai a matanitu ra ken tugunu. Dat in lotu torom o God nama urur ma a nginara ra i elar nam anun a nemnem,

Jems 5:16

I mo ra mot in wasiso puaso etetalai torom mot una numot a kum sakino petutna, ra mot in wararing un mot etetalai, sur a Labino in ulangolango pas mot. A niaring anun a tene tokodos i dekdek sakit, ma i wu pat a wino.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Pita 4:8

Iri a utna ra i labo sakit taun a kum utna rop, mot in nem etetalai mot nama lingmulus, uni a marmaris i pulus bat a susut na sakino petutna.

Tamtama 2:4

Ikut a takun mot una utna ri: Ka mot nem iau mo elar nami ra numugu mot nem iau.