A Pas anun o Pol torom a taro Rom 10:4 - Nupela Testamen long tokples Kandas

⁴ Uni a kum Warkurai anun o Moses i tuk taru kut un o Karisito, sur det ra det nurnur un o Karisito det in tokodos umatan o God.

A Pas anun o Pol torom a taro Rom 10:4 Iomraidhean Croise

Matiu 3:15

Ra o Iesu i balu i lena, “Un baptaiso iau kut. I wakak ra un pami, sur dar in pam sot pas asau rop ra i tokodos umatan o God.” Ra o Jon i mulaot kut tano.

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

A Pas anun o Pol torom a taro Rom 3:22

A kisapi ri tan o God, ma i lenri: A taro rop ra det nurnur kut un o Iesu Karisito, o God in watung det lena det tokodos. A taro Juda ma a taro gisen kai det elar kut.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

Galesia 3:24

A Warkurai i elar kut nama tene tamtamabat torom dat, sur in ben dat torom o Karisito, sur dat in nurnur uni, ra o God in watung dat lena dat tokodos.

Galesia 4:5

I wanpat sur in kul langolango pas det ra det kis utuntudu ina Warkurai, sur dat in nanpat a kum nutnutun o God.

Kolosi 2:10

Ma mot tagun o Karisito, i mo ra anumot a nilaun i kudulano. Ma o Karisito ut, i labo taun a kum nion rop ra det utur ukai a dekdek, ma a kum nion rop ra det utur ukai a warkurai.

Kolosi 2:17

A kum warkurai ri, det elar kut nama malalar ina utna ra in nanpat numur. Ikut, a utna mulus, i o Karisito.

Ibru 10:14

Uni, una ra etabor takai kut, i sa utokodos tukum pas a taro anun o God, det ra i ser gos talapor det.