A Pas anun o Pol torom a taro Rom 1:26 - Nupela Testamen long tokples Kandas

²⁶ I mo ra, o God i madek tar det una nundet a labino nemnem sur a kum sakino petutna na maimai. I lenri: A wardain det keles ru a kisapi na nolin, ra di sa ukis tari, ma det ser inep etetalai nam det melet ut.

A Pas anun o Pol torom a taro Rom 1:26 Iomraidhean Croise

A Pas anun o Pol torom a taro Rom 1:24

I mo ra, o God i madek tar det sur det in pam a kum dur na petutna elar nama kum sakino nemnem tagun a balandet, ra det in pam a petutna na maimai etetalai una pinindet.

A Pas anun o Pol torom a taro Rom 1:28

I kai ri, ka det nuk pasi mo o God, det nuki lena, a etowo un o God i utna oros kut. I mo ra i madek tar det sur in laulau a nuknukin det, ma det pami mukut a kum utna ra ke sot sur din pami.

1 Korin 6:9

Pepetlai, ka mot tasmani lena det ra det pam a sakino ka det in rakon a matanitu anun o God? Gong mot toro mot ut. Uni det ra det pam a kum pamuk na petutna, ma det ra det lotu torom a kum torotoro na god, ma det ra ka det ru a kinkinis na nolin, ma det ra a kum pamuk na musano ra det siuru a pinpinin det, ma a kum musano ra det nolin melet nama kum musano,

Epeses 4:19

Katu maimai indet mo una kum sakino ra det ser pami, ma det pitar tar det mukut sur a kum sakino nemnem, nama kum ngas na dur na petutna, ma anundet a nemnem sur det in pam a sakino ken mana.

Epeses 5:12

Uni a utna na maimai sakit, ra dat in wasiso una kum petutna ra a kum tene pitarngat det ser pam eno i.

1 Tesalonaika 4:5

Ma gong mot mur a dekdek na nemnem ina pamuk na petutna, elar nam det ra ka det tasman o God.

1 Timoti 1:10

det ra det pam a sakino nam tu ino anun taio o nam tu musano anun taio, a kum musano ra det nolin melet kut nama kum musano, det ra det pam sikot pas a taro sur det in siuru det, a kum tene torotoro, det ra det liliman torotoro, ma det rop ra det pam a kum utna ra ke elar nama tokodos na etowo anun o God.

A Pas anun o Jud 1:10

Ikut a taro ri det wasiso laulau una kum utna ra ka det talapor uni. Ma anundet a mananos i elar kut nama mananos anun a kum wewegua, ra det muri kut a nemnem ina pinindet. A utna ra, det in iru uni.

A Pas anun o Jud 1:7

Lenkutkai ra torom o Sodom ma o Gomora, ma a kum tamon milau der. A taro tagitiro iai, det pam a petutna na pamuk, ma det pam a sakino petutna melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena, a labino sungun ra ken mat, i kis sur a kum tene sakino sur din tun det uni.