Pilipai 4:5 - Nupela Testamen long tokples Kandas

⁵ Mot in ese puaso anumot a wowowon na petutna torom a taro rop. Milau mukut a Labino in nanpat.

Pilipai 4:5 Iomraidhean Croise

Matiu 6:25

“I mo ra a watungi tamot lena, gong mot nuknuk doko una numot a nilaun sur asau mot in nani, ma asau mot in inumi. Ma gong mot nuknuk doko una pinimot kai sur asau mot in emar nami. A nilaun i labo taun a utna na inangon, niko? Ma a pinindi kai i labo taun in namalu, niko?

Matiu 6:34

I mo ra gong mot nuknuk doko sur a bung markan, uni markan in nuknuk ut suri. A ninunuk sur ara bung taktakai i topasi ut a bung ra.”

Luk 21:34

“Mot in tumarong mot, sako mot in balon nama pam lukaro ma a ininum, ma a nginara sur a kum utna una nilaun nin upiso, ma a bung ra in nanpat kisin torom mot elar namin nukun.

1 Korin 16:22

Osi ra ke nem a Labino, in iru tukum. Wan urin a Labino!

1 Korin 6:7

A ngasino ri, mot ser muri ra mot ubek mot melet ut una warkurai, i upuaso i lena mot sa puku. Ilai ra ka mot madek ru det ra det pam a sakino torom mot? Ilai ra ka mot madek ru det ra det wolong mot?

1 Korin 8:13

Ra a utna ra a wani, in upuku a tising una sakino, kan nan meleti mo tu du wewegua, sur gong a upuku a tising una sakino petutna.

1 Korin 9:25

A taro rop ra det ser wapap, det ulason dekdek a pinindet. Det pami sur det in los pas a ikul ra in rop kut. Ikut dat, dat ulason dat sur dat in los pas a ikul ra ken rop.

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

2 Tesalonaika 2:2

gong a nuknuki mot i talara lakit ma i lokolokor ra mot longoro i lena, a bung anun a Labino i sa wanpat. Ra tu wasiso na poropet, o tu inarang, o tu pas in wasiso lenra, ma din watungi kai lena taginin tametul, gong mot nurnur uni.

Taitus 3:2

Gong det emang, det in balano molmol, det in pam a wakakino torom a taro, ma det in unatino pas det torom a taro rop.

Ibru 10:25

Gong dat mana gusun anundat a kum kinkinis tomo una lotu, elar nama ramano taro det ser pami. Dat in uragot etalai dat, ma dat in dekdek uni, uni mot tama i lena a bung na inawan pat anun a Labino i sa milau.

Ibru 10:37

Uni, milau mukut, “O naro ra in nanpat, in nanpat ut, ma ken balbalon.

1 Pita 1:11

A Nion o Karisito i kis un det, ma i inanos mugu tar det una kum ngunungut ra o Karisito in taramo i, ma una nun a minamar numur. Det tiktikin sur nangisin mulus, ma osi ra a kum utna ri in nanpat uni.

1 Pita 4:7

A ururop ina kum utna rop i sa milau. I mo ra mot in nuknuk wakak ma mot in tamtamabat wakak anumot a nilaun, sur mot in pet lari sur mot in wararing.

Tamtama 22:20

O naro ra i wasiso talapor una kum utna ri, i watungi lena, “Lingmulus, milau mo an nanpat.” Amen. Labino o Iesu wan urin.

Tamtama 22:7

O Iesu i watungi lena, “Tama i, milau mo an nanpat! Osi ra i mur a kum wasiso na poropet tagun a buk ri, i dan.”