Pilipai 2:7 - Nupela Testamen long tokples Kandas

⁷ I wan gusun anun a labino kinkinis ra, i rakon pas a magiran ara tultul, di ususi, i wanpat a mulusino.

Pilipai 2:7 Iomraidhean Croise

Matiu 12:18

“Iri anung a tultul ra a sa pilok pasi, anung a nat na wakak, a gas doko nami. An uruk tar a Niong uni, ra in upuaso a warkurai ra i tokodos torom a taro tagun a kum gapman.

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

A Wakak na Wasiso un o Iesu Karisito o Mak i tumusi 9:12

I balu detul lena, “A lingmulus ut, o Elaija in nanpat mugu ma in ukodos melet a kum utna rop. Ma ilai ra di sa tumus tari una Buk Tabu lena, a Nutun a Musano in taramo a susut na ngunungut ma din ipul ru i?

Luk 22:27

Osi ra i labo? O naro ra i kis una inangon, o, o naro ra i ser taromlu i? I ut ra i kis una inangon, niko? Ikut iau, a kis epotor tamot elar nami ra i ser taromlu.

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

A Pas anun o Pol torom a taro Rom 1:3

A Wakak na Wasiso i wasiso un o Nutunulik, ra di usus pasi tagun a kabotaro anun o king Dewid.

A Pas anun o Pol torom a taro Rom 15:3

Uni o Karisito kai, awu sur i nuk pasi ut, awu. I pami elar nami ra di sa tumus tari una Buk Tabu lena, “O God, a kum sakino wasiso ra di watungi un ui, i ukadik iau utkai.” Sng 69:9

A Pas anun o Pol torom a taro Rom 15:8

A watungi tamot lena, o Karisito i wanpat elar nama tultul anun a taro Juda, sur in pam sot pas a kum liliman anun o God ra i sa pam tari torom a kum tumtubun det. Ra i pami lenra, i ese i lena a wasiso anun o God i lingmulus.

A Pas anun o Pol torom a taro Rom 8:3

A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai. Ikut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna.

2 Korin 13:4

I lingmulus, ra di sak wat o Karisito unin nanai kutus, katu dekdekino. Ikut una dekdekin o God, i laun melet. Lenkutkai ra kalako dekdeki met tomo nam o Karisito, ikut met laun tomo nami nama dekdekin o God, sur met in papam torom mot.

2 Korin 8:9

Uni mot tasman a marmaris anun anundat a Labino o Iesu Karisito. I ut i tadaru sakit nama susut na utna, ikut i wan gusun anun a wakak na kinkinis sapat netes una langit, uni i maris mot, ma i kis na sibo nin una rakrakon bual, sur mot, mot in tadaru nama wakak na nilaun.

Galesia 4:4

Ra a kilalo i sot, o God i tulu ru o Nutunulik urin. A ino i usus pasi, ma i kis utuntudu ina Warkurai.

Pilipai 2:6

I elar mulus nam o God, ikut ke nuki sur in pam sikot anun a labino kinkinis ra i elar nam o God, awu.

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 13:3

Mot in nuk pas det ra det kis una karabus, elar nami ra mot karabus tomo utkai nam det. Mot in nuk pas det kai ra di ban laulau det, elar nami ra di ban laulau mot utkai.

Ibru 4:15

I tasmani lena katu dekdekin dat sur dat in winim pas a sakino, ma i maris pas dat. Uni di sa lar mugu tari nama wur ngas na ululam rop lenkutkai ra di ser lar dat nami, ikut ke pam tu sakino petutna.