Pilipai 1:4 - Nupela Testamen long tokples Kandas

⁴ Ma una nung a kum niaring rop sur mot rop, a ser wararing nama gasgas,

Pilipai 1:4 Iomraidhean Croise

A Wakak na Wasiso un o Iesu Karisito o Mak i tumusi 5:5

Una kum mirum ma a waspi, i ser kukukuk abit tiro una kum kulam na minat ma una kum tangai, ma i ser tok a pinpinino nama watat.

Luk 15:10

A watungi tamot, i lenkutkai ra a gasgas epotor nisan a kum ensel anun o God un ara tene sakino ra i nukpukus.”

Luk 15:7

A watungi tamot, i lenkutkai ra sapat una langit, a gasgas una tene sakino ra i nukpukus in labo taun a gasgas una lisu na noino ma lisu ra det sa tokodos, ma ka det in nukpukus melet.

A Pas anun o Pol torom a taro Rom 1:9

A papam torom o God nama nung a nilaun rop, ra a ser warawai nama Wakak na Wasiso un o Nutunu, ma o God ut i tasmani lena, a ser nuk pas mot

Pilipai 2:2

Ra a nemi sur in takai kut a nuknuki mot, mot in nem etetalai mot, ma mot in tur tomo una numot a kum pinapam, ma in takai kut a balamot. Ra mot in pami lenra, in ubukus anung a gasgas.

Pilipai 3:18

Uni a susut na dino a sa inanos tar mot lena, a susut, det laun elar nama kum ebar anun in nanai kutus anun o Karisito. Ra uniri a inanos melet mot, ma a lurlur na matang i puku.

Pilipai 4:1

I mo ra a kum tistising, mot in tur dekdek una Labino, lenutra a sa inanos tar mot nami. A nem doko mot, ma a nem doko i sur an tama mot, uni mot anung a gasgas ma mot elar nama ikul una nung a pinapam.

Kolosi 2:5

A lingmulus, a kis gisen gusun mot una pining, ikut una niong a kis tomo ut nam mot, ma a gas ra a tama i lena, mot warkurai kodos anumot a nilaun, ma mot tur dekdek una numot a nurnur un o Karisito.

1 Tesalonaika 1:2

Metul ser watung wakak torom o God un mot rop, ma metul ser pitar tar mot torom o God una numetul a kum niaring.

Pilimon 1:7

Tisinglik, anum a marmaris torom a taro anun o God i sa pitar tar a labino gasgas tang, ma i uragot iau, uni u ugasgas a nilaun anundet.

2 Jon 1:4

A gas doko ra a longoro i lena, a ramano kum nutnutum, det mur a lingmulusino, elar nama warkurai ra a Tamandat i sa pitar tari torom dat.