Pilipai 1:27 - Nupela Testamen long tokples Kandas

²⁷ Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Pilipai 1:27 Iomraidhean Croise

Matiu 12:25

O Iesu i sa tasman a nuknukin det, ra i watungi tandet lena, “Ra tu gapman det melet ut det in waim etalai, a gapman ra in rop kut. Ra tu tamon, o lako taro tagun tu rumu, det in waim etalai melet kut, ka det in kis tomo melet mo.

Aposel 2:46

Det ser kis tomo ubalan in noworo ina rumu na etabor una kum bung rop. Ra det ser wangon tomo una nundet a kum rumu nama gasgas ma a lingmulus ubalandet.

Aposel 24:24

A kabano bung bat tari, o Peliks i wanpat melet, der nama nun a ino o Darusila, a ino Juda. O Peliks i itula sur o Pol, ra i longoro anun a wasiso una nurnur un o Karisito Iesu.

Aposel 4:32

A kum tene nurnur rop, i takai kut a nuknukin det ma a balandet, ma kataio tagun det i watung tu utna sur anunu kut. Det ubek tomo a kum utna sur anundet rop.

A Pas anun o Pol torom a taro Rom 1:16

Ka maimai una Wakak na Wasiso, uni i a dekdekin o God sur in ulaun pas a taro rop ra det nurnur. Torom met a taro Juda mugu, ma uniri torom mot kai, ra awu sur a taro Juda.

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

A Pas anun o Pol torom a taro Rom 1:9

A papam torom o God nama nung a nilaun rop, ra a ser warawai nama Wakak na Wasiso un o Nutunu, ma o God ut i tasmani lena, a ser nuk pas mot

A Pas anun o Pol torom a taro Rom 10:8

A kukurai ina wasiso ri i lenri, “A wasiso anun o God i sa milau. Kura ut uwamot, ma ubalamot kai.” Lo 30:12-14 Iri a wasiso una nurnur ra met warawai nami.

A Pas anun o Pol torom a taro Rom 15:16

sur an tene pinapam anun o Karisito Iesu torom a taro ra awu sur a taro Juda. A elar nama tene etabor torom o God. A warawai nama Wakak na Wasiso anun o God, sur a taro ra awu sur a taro Juda, det anung a etabor torom o God ra in gas nami. Ma a Tokodos na Nion i sa rus talapor tar det.

A Pas anun o Pol torom a taro Rom 15:29

Ma a tasmani lena, ra an nanpat torom mot, an bukus nama kum utna na nion ra o Karisito i udan tar iau nami, sur in warut mot.

1 Korin 1:10

A kum tistising, a saring mot nama risan anundat a Labino o Iesu Karisito, sur mot rop mot in tur tomo, ma gong mot taptapagol. Ma in takai kut a nuknuki mot, ma anumot a nemnem kai.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

2 Korin 4:4

O Satan, a god taginin una rakrakon bual, i sa upulu pas a nuknukin a taro ra ka det nurnur, sur ka det in tama a talapor ina Wakak na Wasiso ra i upuaso a minamar anun o Karisito, i ra a malalarin o God.

2 Korin 9:13

A pinapam ri mot pami, i upuaso a wakak na magiramot. Ma a susut na taro det in watung ulabo pas o God, uni anumot a nurnur una Wakak na Wasiso un o Karisito, i pam pati kai a petutna na mur wasiso. Ma det in watung ulabo pas o God, una numot a wakak na petutna ra mot tabor det, ma a taro gisen kai.

Galesia 1:7

A etowo ra, awu sur a Wakak na Wasiso. Ara taro det ulokolokor a nuknuki mot ma det lari sur det in pukus a Wakak na Wasiso anun o Karisito.

Epeses 1:13

Ma mot kai tagun o Karisito, uni mot longoro a lingmulus na wasiso ri, a Wakak na Wasiso lena o God in ulaun pas mot. Ra mot nurnur un o Karisito, o God i ubek tar anun a ukinalong un mot, a Tokodos na Nion, ra i sa uliliman mugu taru uni.

Epeses 1:15

I mo ra, a ser wararing sur mot. Ra a longoro i lena mot sa nurnur una Labino o Iesu, ma mot nem a taro rop anun o God, ka mana nama watung wakak torom o God un mot. Ma una nung a kum niaring a ser nuk pas mot.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Pilipai 1:5

uni mot tur tomo nam iau una Wakak na Wasiso, turpasi ut una mugano bung ra mot longoro i tuk uniri.

Pilipai 2:12

A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

Pilipai 2:24

Ma a nurnur una Labino lena, milau mo, iau ut an nanpat torom mot.

Pilipai 3:18

Uni a susut na dino a sa inanos tar mot lena, a susut, det laun elar nama kum ebar anun in nanai kutus anun o Karisito. Ra uniri a inanos melet mot, ma a lurlur na matang i puku.

Pilipai 3:20

Ikut dat, a taro tagisapat una langit. Ra dat kis langlang nama labino nemnem sur a Tene Ulaun, ra in nan pirso tagisapat netes, a Labino o Iesu Karisito.

Pilipai 4:1

I mo ra a kum tistising, mot in tur dekdek una Labino, lenutra a sa inanos tar mot nami. A nem doko mot, ma a nem doko i sur an tama mot, uni mot anung a gasgas ma mot elar nama ikul una nung a pinapam.

Kolosi 1:10

Mir wararing lenri, sur anumot a nilaun in elar nama petutna anun a Labino, ra mot in ser pam a kum utna ra in gas uni. Ra in lenra, anumot a nilaun in wu a wimot una kum wakak na pinapam rop ra mot in pami, ma mot in lubung una numot a tastasman un o God.

Kolosi 1:4

uni mir sa longoro i lena, mot sa nurnur un o Karisito Iesu, ma mot nem a taro rop anun o God.

1 Tesalonaika 3:6

Uniri o Timoti i sa milet melet gusun mot sur urin nisamir. I los a wakak na wasiso talapor un mot torom mir, una numot a nurnur ma anumot a marmaris. I inanos mir lena, mot ser gas ra mot ser nuk melet pas anundat a kum kinkinis tomo numugu, ma mot nem doko i sur mot in tama metul, elar nam metul kai metul nem doko i sur metul in tama mot.

1 Tesalonaika 4:1

A kum tistisi metul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra.

1 Timoti 1:11

A tokodos na etowo i kis una Wakak na Wasiso, ra o God i pitar tari tang sur an wasiso talapor nami. A Wakak na Wasiso ri, i wan tagisapat tan o God, a God na minamar ra i dan tukum.

1 Timoti 1:19

Un tur dekdek una num a nurnur, ma un mur a wakak na nuknuk. A ramano taro ka det pami lenri, ra anundet a nurnur i puku elar nama sip ra a top i rapus regerege ru i.

2 Timoti 4:7

A sa pam sot pas anung a wakak na inaim ma anung a kinalabor una ililu, ma a sa mur sot pas a lingmulus na nurnur.

Taitus 2:10

Gong det wolong anundet a kum mugumugu. Det in upuaso anundet a wakak na petutna, sur anundet a kum mugumugu det in nurnur un det, sur in upuaso i lena, a etowo un o God a Tene Ulaun anundat i wakak.

Pilimon 1:5

Uni a longoro i lena, u nem a taro rop anun o God, ma u nurnur una Labino o Iesu.

Jems 3:18

A tene malmal ra i ser papam nama malmal, i elar nama tene minarut. Ma a utna ra i pasong pasi, i a tokodos na petutna.

2 Pita 3:11

Ra a kum utna rop ri det in laulau lenri, osi na ngas na nilaun ra mot in muri? I wakak ra anumot a nilaun in tokodos, ma mot in pam a petutna ra i wakak umatan o God.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

A Pas anun o Jud 1:3

A kum wakak na paspasang, a nem doko i sur an tumtumus torom mot una pinapam anun o God ra i ulaun pas dat. Ikut uniri, a nuki lena an tumtumus sur an udekdek mot, sur mot in dekdek sur mot in tamtamabat wakak a Wakak na Wasiso gusun a kum ebar. A Wakak na Wasiso ra di sa pitar tari torom a taro anun o God, ra kataio in pukus lar pasi.