Pilipai 1:21 - Nupela Testamen long tokples Kandas

²¹ Uni a nuknuking i lenri: Ra a laun, a laun sur o Karisito. Ra an mat, an rakon pas a labino utna sakit.

Pilipai 1:21 Iomraidhean Croise

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

1 Korin 3:22

O Pol, o Apolos, o Pita, a rakrakon bual, a nilaun, a minat, a kum utna tagun uniri, ma a kum utna ra in nanpat numur, anumot rop kut.

2 Korin 5:1

A pinindat i elar nama rumu na sel ra dat laun uni nin una rakrakon bual. Ma dat tasmani lena, ra in laulau, o God in pitar a rumu torom dat sapat una langit. A rumu ra, awu sur a taro det pami nama lamandet, awu. O God ut i sa pam tari, ma a rumu ra in tur tukum.

2 Korin 5:6

I mo ra ka met tusako ma met tasmani ut lena, ra met laun nama pinimet ri, kabaut met kis tomo nama Labino.

2 Korin 5:8

Ikut met tasman mulusi lena, met in gas ra met in nan gusun a pinimet ri, ma met in kis tomo nama Labino.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

Pilipai 1:20

A nurnur lena, kan pam tu utna ra an maimai uni. An tur dekdek ma kan ngara, sur an ulabo pas o Karisito una nung a kum petutna rop elar nami ra numugu a ser pami. Sako an laun o an mat, an ulabo pasi ut.

Pilipai 1:22

Ra a laun, anung a pinapam in wu a wakak na wino. Ka tasmani osi na pasander mo ra an pilok pasi, a nilaun, o a minat.

Pilipai 1:23

Aru nuknuking. Ara, a nem doko i, sur an nan ma an kis tomo nam o Karisito, i ra i wakak sakit tan ara pasander.

Pilipai 2:21

Uni, a taro rop det nuk pas det ut ma anundet a kum pinapam, ma ka det nuk pas o Iesu Karisito ma anun a pinapam.

Kolosi 3:4

O Karisito i ra anumot a nilaun. Ra in nanpat, mot kai mot in nanpat puaso tomo nami una nun a minamar.

Tamtama 14:13

Numur a longoro in nalngan ara tagisapat una langit i watungi lena, “Un tumus a wasiso ri: Det ra det mat nama nurnur una Labino, turpasi uniri ma tuk numur, det dan.” A Tokodos na Nion i watungi lena, “Lingmulus, det in mana gusun anundet a kum pinapam, uni anundet a kum pinapam ra det sa pam tari in nan tomo nam det.”