Pilimon 1:9 - Nupela Testamen long tokples Kandas

⁹ Ikut, a saring wakak ui, uni a nem ui. Iau, o Pol, a sa takano, ma uniri a kis na karabus, uni a nurnur un o Karisito Iesu,

Pilimon 1:9 Iomraidhean Croise

A Pas anun o Pol torom a taro Rom 12:1

I mo ra a kum tistising, a saring mot sur mot in pitar tar a pinimot rop torom o God, uni o God i maris doko mot. Mot in pitari elar nama etabor ra i laun, ma katu dur uni, ma i elar nam anun a nemnem ut. I ra anumot a lotu mulus torom o God.

2 Korin 5:20

I mo ra met tur ukinalong o Karisito. Ra met wasiso, i elar nam o God ut i saring mot sur mot in emarom nami, ma met saring mot una risan o Karisito, sur mot in emarom nam o God.

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

Galesia 3:26

Uniri mot rop a kum nutnutun o God, uni mot nurnur un o Karisito Iesu.

Epeses 3:1

I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Epeses 6:20

Uni o God i sa ubek tar iau sur an tene warawai nama Wakak na Wasiso, ma a kis na karabus uni a pam a pinapam ri. Mot in wararing sur iau sur an dekdek sur an upuaso tar a Wakak na Wasiso torom a taro, ma kan ngara.

1 Timoti 1:12

A watung wakak torom o Karisito Iesu anundat a Labino, ra i pitar tar a dekdek tang. A watung wakak toromi uni i nurnur un iau, ma i ubek tar iau sur an papam toromi.

Taitus 2:2

Un ususer a kum musano ra a kum mugano tam, sur det in tumarong a magirandet, det in los a ngas na nilaun ra a taro det in ru det uni, det in tamtamabat wakak anundet a nilaun, det in lingmulus una nundet a nurnur, anundet a marmaris ma anundet a tuntunur dekdek ra det etorom a mamaut.

Ibru 13:19

Ma a saring dekdek mot, sur mot in wararing, sur o God in tulu lakit melet iau torom mot.

1 Pita 2:11

A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot.