Pilimon 1:5 - Nupela Testamen long tokples Kandas

⁵ Uni a longoro i lena, u nem a taro rop anun o God, ma u nurnur una Labino o Iesu.

Pilimon 1:5 Iomraidhean Croise

Aposel 20:21

A warawai torom a taro rop, a taro Juda ma det ra awu sur a taro Juda kai, sur det in nukpukus torom o God ma det in nurnur una nundat a Labino o Iesu.

A Pas anun o Pol torom a taro Rom 12:13

Ra a taro anun o God det sibo sur tu utna, mot in warut det. Mot in dekdek sur mot in gas pas a kum usiro.

1 Korin 16:1

An inanos mot un asau ra mot in pami nama mani ra mot woro tomo i sur a taro anun o God ra det kis sapat o Jerusalem. Mot in pami elar nami ra a sa inanos tar a taro na lotu una kum tamon tong una papor Galesia sur det in pami.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Epeses 1:15

I mo ra, a ser wararing sur mot. Ra a longoro i lena mot sa nurnur una Labino o Iesu, ma mot nem a taro rop anun o God, ka mana nama watung wakak torom o God un mot. Ma una nung a kum niaring a ser nuk pas mot.

Kolosi 1:4

uni mir sa longoro i lena, mot sa nurnur un o Karisito Iesu, ma mot nem a taro rop anun o God.

1 Tesalonaika 3:6

Uniri o Timoti i sa milet melet gusun mot sur urin nisamir. I los a wakak na wasiso talapor un mot torom mir, una numot a nurnur ma anumot a marmaris. I inanos mir lena, mot ser gas ra mot ser nuk melet pas anundat a kum kinkinis tomo numugu, ma mot nem doko i sur mot in tama metul, elar nam metul kai metul nem doko i sur metul in tama mot.

Pilimon 1:7

Tisinglik, anum a marmaris torom a taro anun o God i sa pitar tar a labino gasgas tang, ma i uragot iau, uni u ugasgas a nilaun anundet.

1 Jon 3:23

A warkurai anun o God i lenri: Dat in nurnur una risan o Nutunu, o Iesu Karisito, ma dat in nem etetalai dat, elar nam anun a warkurai torom dat.