Pilimon 1:2 - Nupela Testamen long tokples Kandas

² ma torom o Apia a tisindat a ino, ma torom o Arkipus a pasandat una inaim nama Wakak na Wasiso, ma torom a taro na lotu ra mot ser wan tomo una num a rumu.

Pilimon 1:2 Iomraidhean Croise

A Pas anun o Pol torom a taro Rom 16:1

A inanos mot una tisindat o Pibi. A ino ri, a wakak na tene pinapam tagun a taro na lotu tong o Senkria.

A Pas anun o Pol torom a taro Rom 16:5

Mot in pitar anung a marmaris kai torom a taro na lotu ra det ser lotu tomo una nunder a rumu. Mot in pitar anung a marmaris torom a wakak na pasang o Epenetus, i a mugano musano tagitong una papor Asia ra i nukpukus ma i nurnur un o Karisito.

1 Korin 16:19

A taro na lotu una kum tamon nin una papor Asia det pitar anundet a marmaris torom mot. O Akuila ma o Prisila ma a taro na lotu kai ra det ser lotu tomo una nunder a rumu, det pitar anundet a labino marmaris torom mot una risan a Labino.

Pilipai 2:25

A nuki lena, in wakak ra an tulu melet o Epaproditus, a tisindat torom mot. Mir papam tomo ma i ser tur warut iau una inaim sur a Wakak na Wasiso, ma i a tultul anumot ra mot tulu ru i sur in warut iau, nama kum utna ra a sibo suri.

Kolosi 4:15

Mot in pitar anung a marmaris torom a kum tistisin dat kurong o Laodisia, ma torom a ino ri, o Nimpa, ma a taro na lotu kai, ra det ser lotu tomo una nun a rumu.

Kolosi 4:17

Mot in inanos o Arkipus lena, in pam rop ru a pinapam ra o God i sa pitar tari tano.