Pilimon 1:1 - Nupela Testamen long tokples Kandas

¹ Iau, o Pol, a karabus, uni a nurnur un o Karisito Iesu. Mir nam o Timoti a tisindat, mir tumus a pas ri torom ui Pilimon, a wakak na pasamet una pinapam,

Pilimon 1:1 Iomraidhean Croise

Aposel 16:1

O Pol ma o Sailas der wanpat tiro o Derbe ra numur utiro o Listra. Tiro o Listra, ara tagun a taro na ususer kura iai, a risano o Timoti. O nano a ino Juda ma a tene nurnur, ma o tamano a te Grik.

1 Korin 3:9

Uni mir aru tene pinapam tomo anun o God. Ma mot, mot elar nama kinobot anun o God, ma mot elar kai nama rumu anun o God ra i papam nanan uni.

2 Korin 1:1

Iau o Pol, a aposel anun o Karisito Iesu, una nemnem anun o God, mir nam o Timoti a tisindat, mir tumus a pas ri torom mot a taro na lotu anun o God tiro o Korin, ma torom a taro rop anun o God una papor Akaia.

Galesia 3:26

Uniri mot rop a kum nutnutun o God, uni mot nurnur un o Karisito Iesu.

Epeses 3:1

I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Epeses 6:20

Uni o God i sa ubek tar iau sur an tene warawai nama Wakak na Wasiso, ma a kis na karabus uni a pam a pinapam ri. Mot in wararing sur iau sur an dekdek sur an upuaso tar a Wakak na Wasiso torom a taro, ma kan ngara.

Pilipai 1:1

Iau o Pol, mir nam o Timoti, aru tultul anun o Karisito Iesu, mir tumtumus torom mot, a taro rop anun o God, tiro una tamon Pilipai. Torom mot ra mot laun un o Karisito Iesu, ma mot kai a kum mugumugu na lotu ma a kum tene warut.

Pilipai 2:25

A nuki lena, in wakak ra an tulu melet o Epaproditus, a tisindat torom mot. Mir papam tomo ma i ser tur warut iau una inaim sur a Wakak na Wasiso, ma i a tultul anumot ra mot tulu ru i sur in warut iau, nama kum utna ra a sibo suri.

Pilipai 4:3

Ma ui kai ara lingmulus na tene pinapam tomo nam iau, a saring ui sur un warut aru ino ri, uni der papam dekdek tomo nam iau sur a Wakak na Wasiso in nan sarara. Met papam tomo nam o Klemen, ma ara taro kai ra a kum risandet i sa kis una buk na nilaun.

Kolosi 1:1

Iau o Pol, a aposel anun o Karisito Iesu una nemnem anun o God. Mir nam o Timoti a tisindat una nurnur, mir tumtumus

Kolosi 4:11

O Iesu, ara risano kai o Jastus, i kai i pitar anun a marmaris torom mot. Detul ri, detul a tulu te Juda ra detul nurnur, ma detul sot kut tagun a taro Juda, detul papam tomo nam iau sur a matanitu anun o God. Ma detul udekdek iau.

1 Tesalonaika 3:2

Ra mir sa tulu ru o Timoti a tisindat, ma a tene pinapam anun o God tomo nam mir, ra metul ser wasiso talapor nama Wakak na Wasiso un o Karisito. Mir sa tulu ru i torom mot, sur in udekdek mot, ma in uragot mot una numot a nurnur,

2 Tesalonaika 1:1

Iau o Pol, o Sailas ma o Timoti, metul tumtumus torom mot a taro na lotu tong o Tesalonaika, mot ra mot laun un o God a Tamandat ma a Labino o Iesu Karisito.

2 Timoti 1:8

Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui.

Pilimon 1:23

O Epapras, i ra i karabus tomo nam iau, uni i nurnur un o Karisito Iesu, i pitar ru anun a marmaris torom ui.

Pilimon 1:24

Ma det kai ri, o Mak, o Aristakus, o Demas ma o Luk. Met paspasano tomo una pinapam.

Pilimon 1:9

Ikut, a saring wakak ui, uni a nem ui. Iau, o Pol, a sa takano, ma uniri a kis na karabus, uni a nurnur un o Karisito Iesu,