A Wakak na Wasiso un o Iesu Karisito o Mak i tumusi 12:33 - Nupela Testamen long tokples Kandas

³³ Dat in nem o God nama balandat rop, a nuknukin dat rop ma a dekdekin dat rop, ma dat in nem a kum paspasan dat elar nami ra dat nem dat ut. Ra dat in mur aru warkurai ri, i labo taun a kum etabor ma a kum etabor kai ra di tuntuni torom o God.”

A Wakak na Wasiso un o Iesu Karisito o Mak i tumusi 12:33 Iomraidhean Croise

Matiu 12:7

Di sa tumus tari una Buk Tabu lenri, ‘A nem a marmaris, ma ka nem a etabor ra di ser tuni.’ Os 6:6 Ra gunuk mot sa tasman a kukurai ina wasiso ri, ka mot in takun det ra ka det raro.

Matiu 9:13

Mot in nan, ma mot in sisio sur a kukurai ina wasiso ri tagun a Buk Tabu, ‘A nem a marmaris, ma ka nem a etabor ra di ser tuni.’ Os 6:6 Uni ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”

Ibru 10:8

A mugano wasiso anun o Karisito i lena, “A kum etabor ra ka di tuni ma a kum etabor ra di ser tuni, ma a kum etabor di tun rop ru i ma a kum etabor una sakino petutna ko nemi, ma ko gas nam det.” Ikut a kum etabor ri, di pitar tari elar nama Warkurai anun o Moses.