A Wakak na Wasiso un o Iesu Karisito o Mak i tumusi 10:1 - Nupela Testamen long tokples Kandas

¹ O Iesu i wan tagitiro utong una papor Judia, ma un ara papor danim Jodan kai. A kunur na taro det wan melet toromi, ra i ususer melet det elar nama ngasino anunu.

A Wakak na Wasiso un o Iesu Karisito o Mak i tumusi 10:1 Iomraidhean Croise

Matiu 26:55

Una du bung ra, o Iesu i watungi tan a kunur na taro lena, “Pepetlai, kutiro iau a tene inaim ma a tene wolong, sur i mo ri mot wanpat nama kum totok na inaim ma a kum nalnal sur mot in pam ukai pas iau? Una kum bung rop a ser kis ubalan in noworo ina rumu na etabor, a ser ususer a taro, ma ka mot pam ukai iau.

Matiu 4:23

O Iesu i wan tuptupukus una papor Galili rop, ma i ususer a taro una nundet a kum rumu na lotu. I warawai nama Wakak na Wasiso una matanitu anun o God. Ma i ulangolango pas a taro gusun a kum wur ngas na misait rop.

A Wakak na Wasiso un o Iesu Karisito o Mak i tumusi 1:21

Det wan utong o Kapernaum. Ra una Bung na Sabat o Iesu i ruk utiro una rumu na lotu, ma i ususer a taro.

A Wakak na Wasiso un o Iesu Karisito o Mak i tumusi 10:2

A ramano kum Parisi det wan toromi sur det in lari. Det tingi lena, “I tokodos ut elar nam anundat a Warkurai sur a musano in lakro ru anun a ino, o awu?”

A Wakak na Wasiso un o Iesu Karisito o Mak i tumusi 12:35

Ra o Iesu i ususer det ubalan in noworo ina rumu na etabor, i watungi lena, “Ilai ra a kum tene ususer tagun a Warkurai det watungi lena, a Karisito i a nutun o Dewid?

A Wakak na Wasiso un o Iesu Karisito o Mak i tumusi 14:49

Una kum bung rop dat ser kis tomo ubalan in noworo ina rumu na etabor, a ser ususer a taro, ma ka mot pam ukai iau. Ikut di pami lenri sur din pam sot pas a wasiso na Buk Tabu.”

A Wakak na Wasiso un o Iesu Karisito o Mak i tumusi 2:13

O Iesu i wan melet utiro una papor ina du tasi Galili. A labino kunur na taro det wanpat toromi, ra i ususer det.

A Wakak na Wasiso un o Iesu Karisito o Mak i tumusi 4:2

I ususer det una susut na utna nama kum wasiso elelar. I ususer det lena,

A Wakak na Wasiso un o Iesu Karisito o Mak i tumusi 6:2

Una Bung na Sabat, i turpasi sur in ususer a taro tiro una rumu na lotu. A susut na taro ra det longoro i, det kisin doko, ra det watungi lena, “A musano ri i tasman lan a kum utna ri? A ngas na mananos sau ri di pitari tano, ra i pam a kum lamlabino utna na ukisin nami?

A Wakak na Wasiso un o Iesu Karisito o Mak i tumusi 6:34

Ra det sot, o Iesu i tama a labino kunur na taro. I maris doko det, uni det elar mukut nama kum sipsip ra katu tene tamtamabat anundet. Ra i turpas a towo det nama susut na utna.

A Wakak na Wasiso un o Iesu Karisito o Mak i tumusi 6:6

I kisin, uni ka det nurnur uni. Numur o Iesu i wan nanan una kum tamon, ra i ususer a taro.

A Wakak na Wasiso un o Iesu Karisito o Jon i tumusi 10:40

O Iesu i wolos melet a danim Jodan sur a nubual ra numugu o Jon i baptaiso iai, ra i kis tiro.

A Wakak na Wasiso un o Iesu Karisito o Jon i tumusi 11:7

Numur o Iesu i inanos a kum nat na ususer lena, “Dat in milet melet utong una papor Judia.”

A Wakak na Wasiso un o Iesu Karisito o Jon i tumusi 18:20

O Iesu i balu i lena, “A sa wasiso talapor umatan a taro rop, ma a ser ususer det una kum rumu na lotu ma ubalan in noworo ina rumu na etabor, ra a taro Juda det ser wan tomo iai. Ka inanos eno tar det un tu utna.