Matiu 9:6 - Nupela Testamen long tokples Kandas

⁶ A wasiso ra an watungi, an watungi sur mot in tasmani lena, o God i pitar a warkurai torom a Nutun a Musano, sur in unus ru a kum sakino petutna nin upiso.” Ra i watungi torom a musano a pinino i mat lena, “Un katutur, un los anum a lu, ra un nan sur anum a rumu.”

Matiu 9:6 Iomraidhean Croise

Matiu 4:24

Ma a wasiso un o Iesu i wan sarara una papor Siria rop. Ra det ben rop pas a taro ra a kum wur ngas na misait i ban laulau det, a taro ra a dekdek na ngunungut i ban laulau det, ma det ra a kum laulau na nion kura un det, det kai ra det ser mat lalang ma det ra a pinpinin det i mat. Ra o Iesu i ulangolango pas det rop.

Matiu 8:20

Ra o Iesu i watungi tano lena, “A kum lomlom na pap anundet a kum tung ut, ma a kum piko kai anundet a kum pios ut, ikut a Nutun a Musano katu rumu na ininep.”

Matiu 9:2

Ra a ramano kum musano det los pat ara musano toromi, a pinino i mat, ma i inep taru kut una lu. O Iesu i tama anundet a nurnur, ra i inanos a musano ra lena, “Nutunglik, gong u ngara, di sa unus ru anum a kum sakino petutna.”

Matiu 9:5

Osi na wasiso ra ke ngangitin sur an watungi? Pepetlai, an watungi lena, ‘Di sa unus ru anum a kum sakino petutna,’ o, an lena, ‘Un katutur, ma un nan’?

Matiu 9:7

I katutur mut, ra i wan sur anun a rumu.

A Wakak na Wasiso un o Iesu Karisito o Mak i tumusi 2:10

A wasiso ra an watungi, an watungi sur mot in tasmani lena, o God i pitar a warkurai torom a Nutun a Musano, sur in unus ru a kum sakino petutna nin upiso.” Ra i watungi torom a musano a pinino i mat lena,

A Wakak na Wasiso un o Iesu Karisito o Mak i tumusi 2:7

“Ilai sur a musano ri i wasiso lenra? I watung laulau o God uni i wasiso lar i o God. Osi i elar sur in unus ru a kum sakino petutna? O God sot kut.”

Luk 5:21

A kum tene ususer tagun a Warkurai ma a kum Parisi, det nuknuk doko lena, “Osi na ngas na musano ri? I watung laulau o God uni i wasiso lar i o God. Osi i elar sur in unus ru a kum sakino petutna? O God sot kut.”

A Wakak na Wasiso un o Iesu Karisito o Jon i tumusi 10:28

Ma a pitar a nilaun tukum tandet, ma ka det in iru. Ma kataio in ras ru det gusun a lamang.

A Wakak na Wasiso un o Iesu Karisito o Jon i tumusi 17:2

U pitar tar a dekdek tang sur an warkurai sur a taro rop, sur an pitar a nilaun tukum torom det rop ra u pitar tar det tang.

A Wakak na Wasiso un o Iesu Karisito o Jon i tumusi 5:27

O God i pitar tar a dekdek tano sur in warkurai a taro nami, uni, i a Nutun a Musano.

A Wakak na Wasiso un o Iesu Karisito o Jon i tumusi 5:8

O Iesu i watungi tano lena, “Un katutur, un los anum a bat ra un nan.”

Aposel 5:31

I ut ra o God i ulabo pasi ma i ukisi una papor sot na lamano, sur in Labino Mugumugu ma in Tene Ulaun, ma in pam a kisapi sur a taro Israel det in nukpukus, ma din unus ru anundet a kum sakino petutna.

Aposel 9:34

Ra o Pita i watungi tano lena, “Ainias, o Iesu Karisito i sa ulangolango pas ui. Un katutur, ma un pul pas a bam.” Ra uniutra i katutur.

2 Korin 2:10

Ra mot dumano ru a sakino anun taio, iau kai an dumano ru i. Ra a musano ra i sa pam tar tu sakino, a sa dumano ru i umatan o Karisito. A dumano ru i, uni a nuk pas mot,

2 Korin 5:20

I mo ra met tur ukinalong o Karisito. Ra met wasiso, i elar nam o God ut i saring mot sur mot in emarom nami, ma met saring mot una risan o Karisito, sur mot in emarom nam o God.

Epeses 4:32

Ikut, mot in pam a wakakino ma mot in nem etetalai mot. Ma ra taio tagun mot i pam a sakino torom mot, mot in dumano ru i, elar nami ra o God i pami un mot un o Karisito.

Kolosi 3:13

Ma gong mot balano sungun ra taio tagun mot i raro un lako kum utna, mot in dumano ru anun a sakino petutna, elar nama Labino i sa unus ru anumot a kum sakino petutna.