Matiu 8:8 - Nupela Testamen long tokples Kandas

⁸ A mugumugu ra i balu i lena, “Labino, ka tokodos sur un ruk una nung a rumu. Un watung tu wasiso kut, ra anung a tultul in langolango.

Matiu 8:8 Iomraidhean Croise

Matiu 3:11

Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.

Matiu 3:14

O Jon i nem na turbati, ra i watungi tano lena, “Ilai ra u wan torom iau sur an baptaiso ui? In wakak sur ui un baptaiso iau.”

Matiu 8:3

O Iesu i kodos a lamano, ma i pam a pinino, ra i watungi tano lena, “A nemi ut, un langolango.” Uniutra a lepra i rop gusuni.

Matiu 8:7

O Iesu i watungi tano lena, “An nan ma an ulangolango pasi.”

Matiu 8:9

Uni iau a musano ra a ser mur a warkurai anundet ra det labo tang, ma di pitar tar a warkurai kai tang sur a taro na inaim. Ra an watungi tan taio lena, ‘Un nan,’ in nan kut. Ma torom taio kai lenri, ‘Un nan urin,’ in nan kut urin. Ma torom anung a tultul lena, ‘Un pam a utna ri,’ in pami kut.”

Luk 15:19

Iau ka wakak mo sur un watung iau a nutumlik. Un ubek tar iau mukut sur an elar nam ara tagun anum a kum tultul.” ’

Luk 15:21

Ra o nutunulik i watungi tano lena, ‘Tita, a sa pam tar a sakino petutna torom o God ma torom ui kai. Ka wakak mo sur un watung iau a nutumlik.’

Luk 5:8

O Saimon ma det ra det wan tomo nami det kisin una kum kiripo ra det dat pasi, lenkutkai ra torom aru paspasano, Jems ma o Jon, aru nutun o Sebedi. Ra o Saimon Pita i tama a utna ri, i puku nama urur tiro na kikin o Iesu ra i watungi tano lena, “Labino, wan gusun iau, iau a tene sakino.” O Iesu i balu i lena, “Gong u ngara. Turpasi uniri, un tene ben taro.”

A Wakak na Wasiso un o Iesu Karisito o Jon i tumusi 1:27

I ra, in mur tang. Ka elar sur an palos aru su gusun aru kikino, uni a natino doko tano.”