Matiu 8:4 - Nupela Testamen long tokples Kandas

⁴ Ra o Iesu i watungi tano lena, “Gong u inanos tar taio nami. Un nan ma un ese mugu tar ui torom a tene etabor torom o God, ma un pitar a etabor torom o God elar nami ra o Moses i sa watung tari. Ra un pami lenra, a taro det in tasmani lena u sa langolango.”

Matiu 8:4 Iomraidhean Croise

Matiu 10:18

Ma din dat pas mot sur a warkurai sa numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det ma torom a taro ra awu sur a taro Juda.

Matiu 16:20

Ra o Iesu i turbat anun a kum nat na ususer sur gong det inanos tar taio lena i a Karisito.

Matiu 17:9

Ra det wan pirso nanan tagisapat una tangai, o Iesu i turbat tar detul lena, “Gong motul inanos tar taio un asau ri motul sa tama tari, tuk una bung ra a Nutun a Musano in katutur melet gusun a minat.”

Matiu 3:15

Ra o Iesu i balu i lena, “Un baptaiso iau kut. I wakak ra un pami, sur dar in pam sot pas asau rop ra i tokodos umatan o God.” Ra o Jon i mulaot kut tano.

Matiu 5:17

“Gong mot nuki lena a wanpat sur an rakon ru a kum Warkurai anun o Moses ma a kum etowo anun a kum poropet, awu. Ka wanpat sur an rakon ru det, a wanpat sur an pam sot pas det.

Matiu 6:1

“Mot in tumarong mot sur gong mot pam anumot a wakak na pinapam umatan a taro kut, sur det in tama i ma det in watung ulabo pas mot. Ra mot pami lenra, katu ikul anumot tan a Tamamot ra i kis sapat una langit.

Matiu 9:30

Uniutra der tamtama. Ra o Iesu i sakbat dekdek tar der lena, “Gong mur inanos tar taio nami.”

A Wakak na Wasiso un o Iesu Karisito o Mak i tumusi 13:9

“Mot in tumarong mot. A taro det in pitar mot ulaman a kum tene warkurai, ma det in miras mot una kum rumu na lotu. Mot in tur una kum warkurai numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det.

A Wakak na Wasiso un o Iesu Karisito o Mak i tumusi 3:12

Ikut i turbat dekdek det, sur gong det inanos tar taio lena, i osi.

A Wakak na Wasiso un o Iesu Karisito o Mak i tumusi 5:43

O Iesu i turbat dekdek det sur gong det inanos tar taio un asau ra i sa pam tari. Ma i inanos det sur det in tabor a inolik nam lako utna na inangon.

A Wakak na Wasiso un o Iesu Karisito o Mak i tumusi 6:11

Ra a taro tagun tu tamon ka det in gas pas mot, ma ka det in longoro anumot a wasiso, ra mot in nan gusun a tamon ra, mot in tang ru a kubus gusun a kikimot. Mot in tang ru a kubus sur a ukinalong na utumarong torom det.”

A Wakak na Wasiso un o Iesu Karisito o Mak i tumusi 7:36

Ra o Iesu i turbat dekdek a taro sur gong det inanos tar taio uni. Ikut ka det longoro i, ma a wasiso uni, i wan sarara kut.

A Wakak na Wasiso un o Iesu Karisito o Mak i tumusi 8:30

Ra i turbat dekdek det sur gong det inanos tar taio nami.

A Wakak na Wasiso un o Iesu Karisito o Mak i tumusi 9:9

Ra det wan pirso nanan tagisapat una tangai, o Iesu i turbat tar detul sur gong detul inanos tar taio un asau ra detul sa tama tari, tuk una bung ra a Nutun a Musano in katutur melet gusun a minat.

Luk 17:14

Ra o Iesu i tama det, i watungi tandet lena, “Mot in nan, ma mot in ese tar mot torom a kum tene etabor torom o God.” Ra det wan nanan, det langolango mut.

Luk 21:13

I ra, a wakak na du bung, sur mot in wasiso talapor un iau torom det.

Luk 4:41

Ma a kum laulau na nion kai det pirso gusun a susut, ra det kakabo lena, “Ui a Nutun o God.” Ra o Iesu i turbat det, sur gong det wasiso, uni det tasmani ut lena i a Karisito.

Luk 5:14

Ra o Iesu i wasiso dekdek taru toromi lena, “Gong u inanos tar taio nami. Un nan ma un ese mugu tar ui torom a tene etabor torom o God, ma un pitar a etabor torom o God elar nami ra o Moses i sa watung tari, sur un talapor umatan o God. Ra un pami lenra, a taro det in tasmani lena u sa langolango.”

Luk 8:56

O tamano ma o nano der kisin doko, ikut o Iesu i turbat der sur gong der inanos tar taio un asau ra i wanpat.

Luk 9:21

Ra i turbat dekdek det sur gong det inanos tar taio nami.

A Wakak na Wasiso un o Iesu Karisito o Jon i tumusi 5:41

“Ka ling sur a taro det in ulabo pas iau.

A Wakak na Wasiso un o Iesu Karisito o Jon i tumusi 7:18

Osi ra i wasiso kut nama nuknukino, i nemi kut sur din ulabo pasi. Ikut iau, a nemi sur din ulabo pas o God ra i tulu ru iau urin. A wasiso nama lingmulus, ma katu torotoro i kis un iau.

A Wakak na Wasiso un o Iesu Karisito o Jon i tumusi 8:50

Ka pam a kum utna ri sur a taro det in ulabo pas iau uni. Ikut ara sot kut, a tene warkurai, i ulabo pas iau.