Matiu 8:26 - Nupela Testamen long tokples Kandas

²⁶ Ma i watungi torom det lena, “Anumot a nurnur i natino doko. Sur asau ra mot ngara?” I katutur ra i turbat a wuwu ma a top, ra i mililo rop.

Matiu 8:26 Iomraidhean Croise

Matiu 16:8

O Iesu i tasman anundet a wasiso ra i watungi tandet lena, “I natino doko anumot a nurnur. Ilai ra mot wasiso etalai un mot ra ka mot los lako beret?

Matiu 17:20

Ma i balu det lena, “Uni anumot a nurnur i natino doko. A inanos mot nama lingmulus, ra anumot a nurnur in natino elar namin pitino mastad, mot in pet lar pasi sur mot in watungi tan a tangai ri lena, ‘Un karai taginin utong,’ ra in karai kut. Katu utna in ngangitin torom mot.”

Matiu 6:30

O God i mar a kum wuliso sa ubual nama kum wakak na purpurindet, ra i puspus uniri, ra markan din tun ru i una sungun. Ra i pami lenra una kum wuliso, pepetlai, ken mar mot kai? Anumot a nurnur i natino doko.

Matiu 8:27

Ra a kum nat na ususer det kisin uni, ma det watungi lena, “Osi na ngas na musano mulus ri? A wuwu ma a top der mur anun a wasiso!”

Luk 4:35

O Iesu i sakbati lena, “Gong u wasiso! Pirso gusun a musano ra!” Ma a laulau na nion i woro pirso tari epotor tandet rop, i pirso gusuni, ma katu du pinino i laulau.

A Pas anun o Pol torom a taro Rom 4:20

Ikut o Abaram ke wur nuknuk una liliman anun o God. I tur dekdek una nun a nurnur ma o God i udekdek anun a nurnur, ra o Abaram i watung ulabo pas o God.

Tamtama 10:2

I pam pas a nat na buk ra di ser puli, kura i papos una lamano. I utur tar a sot na kikino netes una tasi, ma a kair na kikino una piso.