Matiu 6:9 - Nupela Testamen long tokples Kandas

⁹ “Mot in wararing lenri, ‘Tamamet sapat netes una langit, i wakak ra din ru a risam.

Matiu 6:9 Iomraidhean Croise

Matiu 10:29

Di ser kul arin nipiko liklik nama nat na mani kut, niko? Ikut ka tinolik tagun der in iru, ra a Tamamot ke mulaot uni.

Matiu 23:9

Ra gong mot tar tamamot un taio taginin upiso, uni ara Tamamot sot kut, ra i kis sapat una langit.

Matiu 26:29

A watungi tamot lena, kan inum meleti mo lako wain, tuk ra dat in inum a matok na wain una matanitu anun o Tita.”

Matiu 26:42

A manru na dino melet i wan gusun detul, ma i wararing lena, “Tita, ra ken sot sur un los ru a kap na mamaut ri gusun iau, an inumi ut. An muri ut anum a nemnem.”

Matiu 5:16

Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.

Matiu 5:48

I mo ra mot in tokodos mulus, elar nama Tamamot ra i kis sapat una langit, i tokodos mulus.”

Matiu 6:14

“Ra mot in dumano ru a kum sakino petutna ra a taro det pami un mot, a Tamamot, ra i kis sapat una langit, in unus ru anumot a kum sakino petutna kai.

Matiu 6:6

Ikut ui, ra un wararing, un ruk una num a rumu ma un tagar bat pas ui, ma un wararing torom o Tamam ra kataio i tama i. Ma o Tamam ra i tama a utna ra u pam eno i, in pitar anum a ikul.

Matiu 7:11

Mot a laulau na taro, ikut mot tasmani ut a kum wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama kum wakak na utna.

Luk 15:18

Uniri an katutur pas ra an milet melet sur o tita. An watungi tano lena, “Tita, a sa pam tar a sakino petutna torom o God ma torom ui kai.

Luk 15:21

Ra o nutunulik i watungi tano lena, ‘Tita, a sa pam tar a sakino petutna torom o God ma torom ui kai. Ka wakak mo sur un watung iau a nutumlik.’

Luk 2:14

“Dat in watung ulabo pas o God sapat netes sakit, ma a malmal una rakrakon bual rop torom det ra o God i gas sur det.”

A Wakak na Wasiso un o Iesu Karisito o Jon i tumusi 20:17

O Iesu i watungi tano, “Gong u pam a pining, uni ka wan toto utmakai torom o Tita. Ikut un nan torom a kum tistising, ra un inanos det lena, an nan usapat netes torom o Tita, i ra a Tamamot kai, torom anung a God, i ra anumot a God kai.”

A Pas anun o Pol torom a taro Rom 1:7

A tumtumus torom mot rop tiro o Rom, ra o God i maris mot, ma i kabo pas mot sur mot anun a taro. A marmaris ma a malmal tan o God a Tamandat ma a Labino o Iesu Karisito in kis tomo nam mot.

A Pas anun o Pol torom a taro Rom 8:15

Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, “Aba, Tita.”

Galesia 1:1

Iau o Pol, a aposel, a tumus a pas ri torom mot. Katutaio taginin upiso i pilok pas iau sur an aposel, ma awu sur a taro kai det tulu iau sur an pam a pinapam ri. O Iesu Karisito ut ma o God o Tamano der tulu iau, o God ra i ukatutur melet pas o Iesu gusun a minat.

Galesia 4:6

Mot a kum nutnutun o God ut. I ra a kibino ra i pitar ru a Tokodos na Nion, a Nion o Nutunulik, sur in kis ubalamot, ma i kakabo torom o God lena, “Aba! Tita!”

1 Timoti 6:16

I sot kut i laun tukum, ra i kis una labino talapor ra kataio in nan milau nisano. Kataio utmakai i tama tari ma ka din tama lar pasi. Din pitar tar a labino urur toromi, ma i utur ukai a labino dekdek ra ken rop ma ken rop. Amen.

1 Pita 1:17

Ra mot ser wararing, mot watung o God, a Tamamot. I wakak ra mot in laun nama nginara umatano, una anumot a kinkinis na usiro nin una rakrakon bual, uni i ra, in warkurai a taro rop nama tokodos na warkurai, una kum utna rop ra det sa pam tari.

Tamtama 4:11

“Anumet a Labino ma anumet a God, i tokodos sakit sur din ulabo pas ui ma din ru ui, ma i tokodos sakit sur un utur ukai a dekdek. Uni ui, u ukis a kum utna rop. U ukis det una num a nemnem ut, ma det laun kut tagun ui.”

Tamtama 5:12

Det kelekele namin labino walngandet lenri, “I tokodos sakit sur a Barman na Sipsip ra di sa um doko tari in utur ukai a dekdek, a labino ululeng, a mananos ma a dekdek sur in warkurai. Ma i tokodos sakit sur din ru i, din ulabo pasi ma din watung ulabo pasi!”