Matiu 6:6 - Nupela Testamen long tokples Kandas

⁶ Ikut ui, ra un wararing, un ruk una num a rumu ma un tagar bat pas ui, ma un wararing torom o Tamam ra kataio i tama i. Ma o Tamam ra i tama a utna ra u pam eno i, in pitar anum a ikul.

Matiu 6:6 Iomraidhean Croise

Matiu 14:23

Ra i sa tulu rop ru det, i sot mukut i wan tito usapat una tangai sur in wararing. Ra i sa lirop matano mirum i sot mukut i kis.

Matiu 6:18

sur gong a taro det tasmani lena u wewel. O Tamam kut, ra kataio i tama i, in tasmani. Ma o Tamam ra i tama a utna ra u pam eno i, in pitar anum a ikul.

Matiu 6:4

Ra u pami lenra, o Tamam ra i tama a utna ra u pam eno i, in pitar a ikul tam.

A Wakak na Wasiso un o Iesu Karisito o Jon i tumusi 1:48

O Natanael i ting o Iesu lena, “U tasman lan iau?” I balu i lena, “Ra o Pilip ke kabo pas ui utmakai, a sa tama mugu tar ui ra u kis taru nago utuntudu in nanai na fig.”

A Wakak na Wasiso un o Iesu Karisito o Jon i tumusi 20:17

O Iesu i watungi tano, “Gong u pam a pining, uni ka wan toto utmakai torom o Tita. Ikut un nan torom a kum tistising, ra un inanos det lena, an nan usapat netes torom o Tita, i ra a Tamamot kai, torom anung a God, i ra anumot a God kai.”

Aposel 10:30

Ra o Konelias i balu i lena, “Ara bung a wararing una nung a rumu una du bung lenri, una tulu pakano bung una lirop, ra a tama ara musano i tur sa numugu tang. Ma uniri i sa tulu bung bati. A musano ra a tama i, i emar namin namalu ra i pilpil doko, i wanpat kisin torom iau,

Aposel 10:9

Una bung numur detul wan. Ra in matanas i kis lekeleke, detul wanpat milau a tamon Jopa, ra o Pita kai i ka tito usapat netes una rumu, sur in wararing.

Aposel 9:40

O Pita i tulu pirso ru det rop gusun a kukur rumu ra, i kis butkeke, ma i wararing. I tupukus torom a ino ra i mat, ma i watungi lena, “Tabita, un katutur.” Ra o Tabita i tamtama pat, ma i tama o Pita, ra i kis mut.

A Pas anun o Pol torom a taro Rom 8:5

Det ra det mur a sakino nemnem ina pinindet, a nuknukin det kai i kis kut un asau ra a sakino nemnem ina pinindet i nemi. Ikut, det ra det mur a nemnem anun a Tokodos na Nion, a nuknukin det i kis un asau ra a Nion i nemi.

Epeses 3:14

I mo ra, a kis butkeke umatan a Tamandat nama niaring,