Matiu 6:25 - Nupela Testamen long tokples Kandas

²⁵ “I mo ra a watungi tamot lena, gong mot nuknuk doko una numot a nilaun sur asau mot in nani, ma asau mot in inumi. Ma gong mot nuknuk doko una pinimot kai sur asau mot in emar nami. A nilaun i labo taun a utna na inangon, niko? Ma a pinindi kai i labo taun in namalu, niko?

Matiu 6:25 Iomraidhean Croise

Matiu 10:19

Ra din dat pas mot, gong mot nuknuk bing sur asau ra mot in watungi, ma mot in wasiso pepetlai, uni una du bung ut ra, o God in unuk tar mot nama wasiso ra mot in watungi.

Matiu 13:22

A kum pitino ra det puku epotor una kum kuikui, i elar nam ara musano ra i longoro a wasiso, ikut a labino nuknuk sur a wakak na kinkinis nin upiso, ma a kum usobor tagun a kum ululeng taginin una rakrakon bual, i rau bat a wasiso anun o God, ra ke wu lako wino.

Matiu 6:31

Gong mot nuknuk doko ma mot watungi lena, ‘Asau ra dat in nani?’, o ‘Asau ra dat in inumi?’, o ‘Asau ra dat in emar nami?’

Matiu 6:34

I mo ra gong mot nuknuk doko sur a bung markan, uni markan in nuknuk ut suri. A ninunuk sur ara bung taktakai i topasi ut a bung ra.”

A Wakak na Wasiso un o Iesu Karisito o Mak i tumusi 13:11

Ra din dat pas mot sur a warkurai, gong mot nuknuk mugu sur asau ra mot in watungi. Una du bung ra, mot in watungi kut a wasiso ra di sa unuk tar mot nami. Uni awu sur mot ra mot in wasiso, a Tokodos na Nion ut.

A Wakak na Wasiso un o Iesu Karisito o Mak i tumusi 4:19

ikut a labino nuknuk sur a wakak na kinkinis nin upiso, ma a kum usobor tagun a kum ululeng taginin una rakrakon bual, ma a nemnem kai sur a ramano kum utna, i rau bat a wasiso anun o God, ra ka det wu lako windet.

Luk 12:11

Ra din dat pas mot sur a warkurai una kum rumu na lotu, ma umatan a kum tene warkurai ma a kum mugumugu, gong mot nuknuk bing sur asau ra mot in balu lako kum etakun nami, o asau ra mot in watungi.

Luk 8:14

A kum pitino ra det puku epotor una kum kuikui, det elar nama taro ra det longoro a wasiso, ikut a labino nuknuk una kinkinis anundet, a kum ululeng, ma a gasgas tagun a nilaun nin upiso, det rau bat a wasiso anun o God, ra ka det wu lako windet.

A Pas anun o Pol torom a taro Rom 8:32

O God ke maris bat o Nutunu, awu. I pitar tari kut sur in mat sur dat rop. Ra i pitar tar o Nutunu sur in mat sur dat, in pitar orosi utkai a kum wakak na utna rop torom dat.

1 Korin 7:32

A nemi sur mot in langolango gusun a kum nginara taginin upiso. A musano ra ke nolin, i balon una pinapam anun a Labino sur in ugasgas a Labino.

Pilipai 4:6

Gong mot nuknuk doko sur tu utna. Una kum utna rop, mot in wararing nama niaring na watung wakak torom o God. Ma mot in inanosi una numot a kum nemnem.

2 Timoti 2:4

A wakak na tene inaim ken balon una kum pinapam anun a taro oros kut, awu. In pami ut anun a pinapam sur in ugasgas anun a mugumugu.

1 Pita 5:7

Mot in pitar rop tar anumot a kum mamaut torom o God, uni i ser tamtamabat mot.