Matiu 6:10 - Nupela Testamen long tokples Kandas

¹⁰ I wakak ra anum a matanitu in nanpat. I wakak ra din mur anum a nemnem nin una rakrakon bual, elar nami ra di ser muri sapat netes una langit.

Matiu 6:10 Iomraidhean Croise

Matiu 12:50

Uni osi ra i ser mur a nemnem anun o Tita ra i kis sapat una langit, i ra o tising a musano, ma o tising a ino, ma o nang.”

Matiu 16:28

A inanos mot nama lingmulus, lako taro tagun mot ri mot tur nin, ka mot in mat utmakai, ra mot in tama a Nutun a Musano in nanpat tomo nam anun a matanitu.”

Matiu 26:42

A manru na dino melet i wan gusun detul, ma i wararing lena, “Tita, ra ken sot sur un los ru a kap na mamaut ri gusun iau, an inumi ut. An muri ut anum a nemnem.”

Matiu 3:2

ra i watungi lena, “Mot in nukpukus, uni a matanitu tagisapat una langit i sa milau.”

Matiu 4:17

Turpasi una kilalo ra, o Iesu i warawai lena, “Mot in nukpukus, uni a matanitu tagisapat una langit i sa milau.”

Matiu 7:21

“Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu.

A Wakak na Wasiso un o Iesu Karisito o Mak i tumusi 11:10

“Dat in watung ulabo pas a matanitu anun a tamandat o Dewid ra in nanpat! Osana usapat netes sakit!”

A Wakak na Wasiso un o Iesu Karisito o Mak i tumusi 3:35

Uni osi ra i ser mur a nemnem anun o God, i ra o tising a musano, ma o tising a ino, ma o nang.”

Luk 19:11

A taro det longoro a kum wasiso ri, ra det nuki lena a matanitu anun o God in nanpat lakit, uni o Iesu i sa milau o Jerusalem. Ra i watungi kai ara wasiso elelar

Luk 19:38

“A king ra i wanpat nama risan a Labino i dan! Sng 118:26 A malmal sapat netes una langit, ma a minamar sapat netes sakit!”

Luk 22:42

“Tita, ra u nemi, un los ru a kap na mamaut ri gusun iau. Ikut gong u mur anung a nemnem, un muri ut anum a nemnem.” [

A Wakak na Wasiso un o Iesu Karisito o Jon i tumusi 4:34

O Iesu i watungi tandet lena, “Anga utna na inangon iri i, an pam sot pas a nemnem anun o naro ra i tulu ru iau urin, ma an urop anun a pinapam.

A Wakak na Wasiso un o Iesu Karisito o Jon i tumusi 6:40

Una nemnem anun o Tita, det rop ra det tamtama torom o Nutunu ma det nurnur uni, det in laun tukum, ma iau an ukatutur pas det gusun a minat una bung na warkurai.”

A Wakak na Wasiso un o Iesu Karisito o Jon i tumusi 7:17

Osi ra i nem na mur a nemnem anun o God, in tasmani lena anung a kum etowo i wan tagai. I wan tagisapat tan o God, o a nuknuking kut.

Aposel 13:22

Ra o God i sa rakon ru tar o Sol, numur i ubek tar o Dewid bulung sur in king anundet. Ma i watungi uni lena, ‘A tama o Dewid a nutun o Jesi, i a musano ra i elar nama nuknuking, ra in pam rop a kum utna ra a nemi.’

Aposel 21:14

Ra met lagano turturbat tari, met mana mukut, ma met watungi lena, “I wakak sur din pam sot pas a nemnem anun a Labino.”

Aposel 22:14

Ra o Ananias i watungi tang lena, ‘O God anun anundat a kabotaro tagun numugu i sa pilok tar ui, sur un tasman anun a nemnem, ma un tama a Tene Tokodos, ma un longoro anun a wasiso.

A Pas anun o Pol torom a taro Rom 12:2

Ma gong mo mot tamtama ususer una nilaun tagun a rakrakon bual. Mot in pitar tar mot torom o God, sur in pukus a nuknuki mot, ma in umatoki, sur mot in tasman lele anun a nemnem. Anun a nemnem ra i wakak, i tokodos sakit, ma i gas nami.

Epeses 6:6

Gong mot muri kut anundet a wasiso ra det tama mot, sur mot in ugasgas tar det kut. Mot in papam elar nami ra mot a kum tene ititula anun o Karisito, ma mot in pam a pinapam ra o God i nemi, tomo nama anumot a nilaun rop.

Kolosi 1:13

I sa ulaun pas dat gusun a dekdekin a dumirum, ma i sa ben ruk pas dat una matanitu anun o Nutunu ra i nem doko i,

Kolosi 1:9

Iri a kibino ra, ka mir mana nama niaring sur mot, turpasi una bung ra mir longoro a wasiso un mot. Mir ser saring o God, sur in ubukus mot nama mananos sur mot in talapor una nun a nemnem, ma in ubukus mot nama mananos ma a wakak na nuknuk rop, ra a Niono i tabor mot nami.

1 Tesalonaika 4:3

O God i nemi sur anumot a nilaun gong i dur umatano, ra mot in nan gisen gusun a kum pamuk na petutna.

1 Tesalonaika 5:18

Mot in watung wakak torom o God un asau rop ra i wanpat torom mot, uni iri a nemnem ut anun o God torom mot, a taro anun o Karisito Iesu.

Ibru 1:14

A kum ensel rop det a kum nion, ra det papam torom o God, niko? I tulu ru det sur det in warut a taro, det ra in ulaun det.

Ibru 10:36

Gong a pinimot i ngoro, mot in tur dekdek sur mot in mur a nemnem anun o God, ma numur mot in los pas a kum utna ra i sa uliliman taru uni.

Ibru 10:7

Ra a watungi lena, ‘God, tama i, a sa wanpat, sur an pam sot pas anum a nemnem, elar nami ra di sa tumus tari un iau una num a buk.’” Sng 40:6-8

Ibru 13:21

A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.

1 Pita 2:15

Uni o God i nemi sur mot in pam a kum wakak na pinapam, sur mot in sakbat ru a kum wasiso oros kut anun a taro ra ka det mananos.

1 Pita 4:2

Ra ke pitar tari mo anun a nilaun una kum laulau na nemnem. I pitar tari mukut sur in mur a nemnem anun o God.

Tamtama 11:15

A ururop tagun a wonom mawit na ensel i wup anun in tuwuru, ra a susut na labino walngan a taro sapat una langit det watungi lena, “A gapman tagun a rakrakon bual i sa tupukus sur a matanitu mo anun anundat a Labino ma anun o Karisito. O Karisito anun a Labino. Ma anundat a Labino in kis na king tukum, ken rop ma ken rop.”

Tamtama 12:10

Ra a longoro in labino walngan ara sapat una langit i watungi lena, “Uniri anundat a God i sa ulaun pas a taro, i sa ese a dekdekino, ma anun a matanitu i sa wanpat, ma a warkurai anun o Karisito i sa wanpat. O Karisito anun o God. Uni di sa woro pirso ru a tene etakun ra i ser takun a kum tistisin dat, i ra i ser takun det umatan o God una kum mirum ma a waspi.

Tamtama 19:6

Ma a longoro a ugaia ra i elar nama walngan ara labino kunur na taro, a wungu ina danim, ra i noro, ma a pungpugur, i kukukuk lena, “Aleluia! Uni anundat a Labino o God, ra i dekdek sakit, i kis na king.

Tamtama 20:4

A tama a kum kiskis na king ma det ra det kis netes un det, ra di sa pitar tar a warkurai tandet sur det in warkurai. Ra a tama a nion a kum taro ra di sa tok kutus a kum kabarandet, kibino una nundet a wasiso talapor un o Iesu ma una wasiso anun o God. Ka det lotu torom a kuabor na wewegua o a malalarino, ma ka di ubek a ukinalong anun a kuabor na wewegua una kum masarindet o una kum lamandet. Det laun melet ma det warkurai tomo nam o Karisito ara arip na kilalo.