Matiu 5:39 - Nupela Testamen long tokples Kandas

³⁹ Ikut iau, a watungi tamot lena, gong mot balu a sakino anun taio ra i pami torom mot. Ra taio in pasor tar a papor sot na wam, un pukus ara papor bulung toromi.

Matiu 5:39 Iomraidhean Croise

Matiu 5:40

Ra taio i nemi sur in dat tar ui una warkurai ma din pitar a warkurai tam sur un pitar anum a siot tano, un pitar tari kai anum a saket.

Luk 22:64

Det pulus bat pas arin matano, ma det watungi tano lena, “Ui a poropet, un inanos met. Osi ra i takalo ui?”

Luk 6:7

A kum Parisi ma a kum tene ususer tagun a Warkurai det sisio sur tu utna det in takun o Iesu nami. Det tamtama wakak taru ut uni, ra in ulangolango pas a musano ra una Bung na Sabat, o awu.

A Wakak na Wasiso un o Iesu Karisito o Jon i tumusi 18:23

O Iesu i balu i lena, “Ra a sa watung tar tu utna i raro, un watung talapori torom a taro rop ri. Ikut ra a utna ri a watungi i lingmulus ut, sur asau ra u pasor iau?”

1 Korin 6:7

A ngasino ri, mot ser muri ra mot ubek mot melet ut una warkurai, i upuaso i lena mot sa puku. Ilai ra ka mot madek ru det ra det pam a sakino torom mot? Ilai ra ka mot madek ru det ra det wolong mot?

1 Tesalonaika 5:15

Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.

Ibru 12:4

Mot waim tomo nama kum sakino petutna, ikut ka di um doko mot utmakai.

Jems 5:6

Mot ben tar a kum tene tokodos una warkurai, ra mot um doko det, ikut ka det balu mot.

1 Pita 3:9

Gong mot balu a laulau ino nama laulau ino, ma gong mot balu a sakino wasiso nama sakino wasiso. Mot in watung udan det ra det pam a laulau ino torom mot, uni o God i kabo pas mot sur mot in pami lenra, ra in watung udan mot.