Matiu 5:16 - Nupela Testamen long tokples Kandas

¹⁶ Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.

Matiu 5:16 Iomraidhean Croise

Matiu 23:5

Anundet a kum pinapam rop, det pami kut, sur a taro det in tama det. I perere bing anundet a kum boks liklik ra det ser uruk tar a kum du Buk Tabu uni ma det keri una kum masarindet. I walos bing anundet a kum kulo ra kura una sinisir ina nundet a kum malu na niaring.

Matiu 23:9

Ra gong mot tar tamamot un taio taginin upiso, uni ara Tamamot sot kut, ra i kis sapat una langit.

Matiu 5:45

Ra mot in pami lenra in ese i lena mot a kum nutnutun a Tamamot, ra i kis sapat una langit. Uni i pitar tar a suan sur in talapor una kum tene sakino ma a kum wakak na taro kai, ma i pitar tar a bato torom a kum tene tokodos ma torom det kai ra ka det tokodos.

Matiu 6:16

“Ra mot in wewel sur mot in wararing, gong mot tamtama na marmaris elar nama kum tene torotoro, uni det tamtama na marmaris sur a taro det in tama i lena det wewel. A inanos mot nama lingmulus, ra a taro det ulabo pas det lena det a kum tene lotu mulus, i ut ra anundet a kudulano ikul.

Matiu 6:9

“Mot in wararing lenri, ‘Tamamet sapat netes una langit, i wakak ra din ru a risam.

Matiu 9:8

A kunur na taro det tama i, ra det kisin doko uni, ma det rakon lekeleke pas o God, uni i pitar a dekdek lenri torom a taro.

Luk 11:2

Ra o Iesu i watungi tandet lena, “Ra mot in wararing, mot in wararing lenri, ‘Tamamet, i wakak ra din ru a risam. I wakak ra anum a matanitu in nanpat.

A Wakak na Wasiso un o Iesu Karisito o Jon i tumusi 15:8

“Ra mot in wu a susut na wimot, o Tita in los a minamar, ma a wimot in ese i lena mot anung a kum nat na ususer mulus.

Aposel 9:36

Ara ino tagun a taro na ususer i kis tong o Jopa, a risano o Tabita, ma una wasiso Grik di watungi nam o Dokas. A ino ri, i ser pam a susut na wakak na pinapam, ma i ser tabor a sibo na taro.

1 Korin 14:25

Ma a kum utna ra i kis eno unin balano, in nanpat pupuaso. Ra in puku, in masarino unago upiso, ra in lotu torom o God, ma in wasiso talapor lena, “A lingmulus ut, o God i kis epotor tamot.”

2 Korin 9:13

A pinapam ri mot pami, i upuaso a wakak na magiramot. Ma a susut na taro det in watung ulabo pas o God, uni anumot a nurnur una Wakak na Wasiso un o Karisito, i pam pati kai a petutna na mur wasiso. Ma det in watung ulabo pas o God, una numot a wakak na petutna ra mot tabor det, ma a taro gisen kai.

Galesia 1:24

Ra det watung ulabo pas o God uni i papam una nung a nilaun.

Epeses 2:10

Dat a sap na laman o God. Dat tagun o Karisito Iesu, ma o God i ukis dat sur dat in pam a kum wakak na pinapam, ra o God i sa waninar tari sur dat in pami.

Epeses 5:8

Numugu mot kis una dumirum, ikut uniri, mot kis una talapor uni mot tagun a Labino. Mot in laun elar nama kum nutnutun a talapor.

1 Tesalonaika 2:12

Metul udekdek mot, metul wasiso na emarom torom mot, ma metul inanos mot sur mot in laun nama ngas na nilaun ra i ugasgas o God, i ra i kabo pas mot sur anun a matanitu ma anun a minamar.

1 Timoti 2:10

A wardain ra det watungi lena det ser lotu torom o God, det in emar nama kum wakak na pinapam.

1 Timoti 5:10

ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gos ru a kubus gusun a kikin a taro anun o God, i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.

1 Timoti 5:25

Lenkutkai ra, una kum wakak na pinapam. A kum wakak na pinapam anun a ramano taro i sa wanpat talapor. Ikut, anun ara taro kai, ka din tama lele i uniri, numur ut in nanpat talapor.

1 Timoti 6:18

Un inanos det sur det in pam a wakakino, ma det in bukus nama kum wakak na pinapam, det in ser etabor, ma det in ser isuaro a utna kai torom lako taro.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Taitus 2:7

Una kum utna rop ra u pami, un pam a wakakino, sur a wakak na etowo torom det. Ra u ususer det, un papam nama lingmulus, ma a urur.

Taitus 3:14

Anundat a taro, det in lason sur det in pitar mulus tar det una wakak na pinapam, sur det in wu a wakak na windet una anundet a nilaun, ma det in warut a sibo na taro.

Taitus 3:4

Ikut, ra a wakak na petutna ma a marmaris anun o God, a Tene Ulaun anundat i wanpat,

Ibru 10:24

Dat in nuknuk sur lako kum kisapi sur dat in wangun etalai a nuknukin dat sur dat in nem a taro ma dat in pam a kum wakak na pinapam.

1 Pita 2:12

Mot in pam a wakak na petutna epotor tan a taro ra ka det nurnur, sur det ra det takun mot lena mot a kum tene pam sakino, det in tama anumot a kum wakak na pinapam, ma det in watung ulabo pas o God una bung ra in nanpat uni.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.

1 Pita 3:1

Lenkutkai ra, mot a kum nolin na wardain, mot in unatino pas mot torom anumot a kum musano. Ra a ramano tagun det ka det nurnur una wasiso anun o God, a wakak na magiramot kut in wasiso torom det. A magiramot in ben pas det torom o God,

1 Pita 3:16

Ma mot in ser mur a ngasino ra mot tasmani lena i tokodos, sur det ra det watung laulau a kum wakak na petutna mot pami ra mot mur o Karisito, det in maimai una wasiso ra det watung laulau mot nami.

1 Pita 4:11

Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.

1 Pita 4:14

Ra di watung laulau mot uni mot tagun o Karisito, mot dan. Uni a Nion o God, a Nion na minamar, i kis tomo nam mot.