Matiu 5:12 - Nupela Testamen long tokples Kandas

¹² Mot in gas, uni i labo sakit anumot a ikul sapat una langit. Uni di sa ban laulau mugu tar a kum poropet ra det laun numugu tamot, lenkutkai ra di pami un mot.

Matiu 5:12 Iomraidhean Croise

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Matiu 6:16

“Ra mot in wewel sur mot in wararing, gong mot tamtama na marmaris elar nama kum tene torotoro, uni det tamtama na marmaris sur a taro det in tama i lena det wewel. A inanos mot nama lingmulus, ra a taro det ulabo pas det lena det a kum tene lotu mulus, i ut ra anundet a kudulano ikul.

Luk 13:34

“Jerusalem, Jerusalem, ui ra u ser um doko a kum poropet, ma det ra di tulu ru det torom ui, u duku doko ru det kut nama watat. A susut na dino a nem na ben tomo a kum nutnutum, elar nama kereke ra i rakup bat tomo a kum nutnutunu utuntudu ina ru mebene, ikut ka mot nemi.

Luk 6:23

“Una bung ra din pam a kum utna ri torom mot, mot in gas, mot in sirsirok nama gasgas, uni i labo sakit anumot a ikul sapat una langit. Uni a kum utna ri, a kum tumtubun det tagun numugu det sa pam tari torom a kum poropet.

Luk 6:35

Ikut mot in nem anumot a kum ebar, ra mot in pam a wakakino torom det. Ra a taro det nemi sur det in los pas tu utna munung gusun mot, mot in pitari kut, ma gong mot nemi sur det in balu i. Ra mot in pami lenra, anumot a ikul in labo sakit, ma mot a kum nutnutun o God a Labino Sakit, ra i ser maris det ra ka det ser watung wakak toromi, ma a kum tene sakino kai.

Aposel 16:25

Una labino mirum, o Pol ma o Sailas der wararing, ma der kelekele torom o God. Ma a taro kai ra det kis una karabus, det longoro der.

Aposel 5:41

Ra a kum aposel det pirso gusun a kiwung, ma det gas, uni o God i tama det lena det wakak sur det in los a maimai una risan o Iesu.

A Pas anun o Pol torom a taro Rom 5:3

Ma awu sur i kut ra dat gas suri, dat gas utkai una kum mamaut ra dat taramo i, uni dat tasmani lena a kum mamaut i pam pat anundat a tuntunur dekdek.

1 Korin 3:8

O naro ra i marmarut ma o naro ra i pukpuki, a nuknukin der i takai kut. Ma der in los anunder a ikul elar ut nama nunder arara pinapam.

2 Korin 4:17

A kum mamaut ra met taramo det, ka det labo ma ka det in kis suano i, ikut det warut met, sur met in rakon pas a wakak na kinkinis una minamar, ra ken rop. A minamar ra, i labo sakit taun a kum mamaut ra met taramo i.

Pilipai 1:29

Uni o God i udan mot. Awu sur i udan mot nama numot a nurnur kut un o Karisito, awu, i udan mot nama mamaut kai, ra mot taramo i uni mot tagun o Karisito.

Pilipai 2:17

Anumot a pinapam ra anumot a nurnur i pam pati, i elar nama etabor torom o God. Ra kanapi an mat, a gaping in elar nama etabor ra di lingisi netes una numot a etabor. Ra an gas ma an gas tomo nam mot rop.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

Kolosi 3:24

Uni mot tasmani lena, numur a Labino in pitar a ikul torom mot, i a wakak na kinkinis ra numur mot in rakoni. Mot a kum tene ititula anun a Labino o Karisito, ma i ut anumot a mugumugu mulus.

1 Tesalonaika 2:15

det ra det um doko a Labino o Iesu ma a kum poropet, ma det lu ru metul kai. O God ke gas nam det, ma det kis na ebar nama taro rop,

Ibru 10:34

Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.

Ibru 11:26

I nuki lena, a maimai ra in taramo i una risan o Karisito, i wakak doko taun a kum ululeng tong o Ijip, ra a matano i ka doko, uni i tamtama sur anun a ikul numur.

Ibru 11:33

Una nundet a nurnur, a taro ri det waim tomo nama kum king ma det winim rop pas det, det papam nama tokodos na petutna, det los pas a kum utna ra o God i uliliman tar det nami, ra det pam bat a wan a kum laion.

Ibru 11:6

Ra taio ke nurnur, o God ken gas lar pas nami. Uni taio ra i nem na wan torom o God, in nurnur lena o God i kis, ma in nurnur kai lena, o God in pitar a ikul tandet ra det sisio mulus suri.

Jems 1:2

A kum tistising, ra lako kum ngas na maut in nanpat torom mot, mot in gas,

Jems 5:10

A kum tistising, mot in nuk pas a kum poropet tagun numugu, ra det ser wasiso nama risan a Labino. Det etorom a kum ngunungut, ikut a pinindet ke ngoro, det tur dekdek una nurnur. Ra det ese anundet a nilaun, ra i wakak sur mot kai mot in muri.

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.