Matiu 4:3 - Nupela Testamen long tokples Kandas

³ Ra a tene ululam i wanpat toromi, ma i watungi tano lena, “Ra ui a Nutun o God, un inanos a kum watat ri sur det in nanpat a beret.”

Matiu 4:3 Iomraidhean Croise

Matiu 14:33

Ra det, ra det kis taru una pot det lotu torom o Iesu, ma det watungi lena, “I lingmulus ut, ra ui a Nutun o God.”

Matiu 16:16

Ra o Saimon Pita i balu i lena, “Ui a Karisito, a Nutun o God ra i laun.”

Matiu 26:63

Ikut o Iesu ke wasiso. A tene etabor ra, i watungi tano lena, “Una risan o God, ra i laun, un inanos met ra ui a Karisito a Nutun o God, o awu.”

Matiu 3:17

Numur in nalngan ara tagisapat una langit i watungi lena, “Iri a Nutunglik, a nat na wakak, a gas doko nami.”

A Wakak na Wasiso un o Iesu Karisito o Mak i tumusi 1:1

Iri a Wakak na Wasiso un o Iesu Karisito, a Nutun o God.

A Wakak na Wasiso un o Iesu Karisito o Mak i tumusi 3:11

A taro ra a kum laulau na nion kura un det, ra det in tama i, det in puku piso sa numugu tano, ma det in woiwoi lena, “Ui a Nutun o God.”

A Wakak na Wasiso un o Iesu Karisito o Mak i tumusi 5:7

A musano ra i kukukuk namin labino walngano lena, “Iesu, a Nutun o God, a Labino Sakit, asau ra u nem na pami un iau? Un liliman umatan o God sur gong u ukadik iau.”

Luk 1:35

A ensel i balu i lena, “A Tokodos na Nion in kis un ui, ma a dekdekin o God a Labino Sakit in pulus bat ui. Ra a Tasur na Musano ra un usus pasi, din watungi a Nutun o God.

Luk 22:70

Ra det rop det ting o Iesu lena, “Ui a Nutun o God niko?” Ma i balu det lena, “Mot sa watung sot pasi, iau ut ri.”

Luk 4:3

Ra o Satan i watungi tano lena, “Ra ui a Nutun o God, un inanos a wat ri sur in nanpat a beret.”

Luk 4:41

Ma a kum laulau na nion kai det pirso gusun a susut, ra det kakabo lena, “Ui a Nutun o God.” Ra o Iesu i turbat det, sur gong det wasiso, uni det tasmani ut lena i a Karisito.

Luk 4:9

Numur o Satan i ben pasi usapat o Jerusalem, ma i utur tari sapat netes sakit una rumu na etabor. Ma i watungi tano lena, “Ra ui a Nutun o God, un sirok pirso taginin,

A Wakak na Wasiso un o Iesu Karisito o Jon i tumusi 1:34

A sa tama tar a utna ri i wanpat, ra a inanos uni lena, i a Nutun o God.”

A Wakak na Wasiso un o Iesu Karisito o Jon i tumusi 1:49

O Natanael i watungi tano lena, “Tene Ususer, ui a Nutun o God, ui a King anun a taro Israel.”

A Wakak na Wasiso un o Iesu Karisito o Jon i tumusi 20:31

Ikut di tumus ukai pas a ramano kum utna ri, sur mot in nurnur lena o Iesu i a Karisito, a Nutun o God. Ra mot in nurnur uni, mot in laun nama risano.

A Wakak na Wasiso un o Iesu Karisito o Jon i tumusi 9:35

O Iesu i longoro i lena, di sa lakro ru tar a musano ra gusun a rumu na lotu, ra i sisio suri, ma i sio pasi ra i tingi lena, “U nurnur ut una Nutun a Musano?”

Aposel 9:20

Uniutra i turpasi sur in warawai una kum rumu na lotu anun a taro Juda. I warawai un o Iesu lena, i a Nutun o God.

2 Korin 1:19

Iau ma o Sailas ma o Timoti, metul warawai torom mot un o Iesu Karisito, a Nutun o God. O Karisito ke ser mulaot ma numur in ipul. Awu. In pam sot pasi ut anun a wasiso.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

1 Tesalonaika 3:5

I mo ra a tulu ru o Timoti torom mot. A tulu ru i torom mot sur an mananos una numot a nurnur, uni a ngara doko un mot ma ka nem na kis liklik mo. A ngara, sako a tene ululam i sa ulam pas mot, ma anumetul a pinapam torom mot in utna oros kut.

Ibru 12:16

Mot in tumarong, sur gong taio i pam a pamuk na petutna, ma gong taio i rosumur gusun o God, elar nam o Iso. Ra i milau sur o Iso in los a susut na ululeng tan o tamano, uni i a mugano nutunu, o Iso i siuru ru a kum ululeng ra, sur ara pelet na utna kut.

Ibru 4:14

Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God.

Ibru 7:3

Katutaio i tasman o tamano ma o nano, ma anun a kabotaro. Katu turturkibin ina nun a nilaun, ma katu ururopino kai. O Melkisedek i elar nama Nutun o God, i kai a tene etabor torom o God, ma anun a pinapam in tur tukum.

1 Jon 3:8

Ma osi ra i pam a sakino petutna, i anun o Satan, uni o Satan a tene pam a sakino turpasi ut una turturkibino. Ikut, a Nutun o God i wanpat sur in kamar ru a pinapam anun o Satan.

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.