Matiu 4:24 - Nupela Testamen long tokples Kandas

²⁴ Ma a wasiso un o Iesu i wan sarara una papor Siria rop. Ra det ben rop pas a taro ra a kum wur ngas na misait i ban laulau det, a taro ra a dekdek na ngunungut i ban laulau det, ma det ra a kum laulau na nion kura un det, det kai ra det ser mat lalang ma det ra a pinpinin det i mat. Ra o Iesu i ulangolango pas det rop.

Matiu 4:24 Iomraidhean Croise

Matiu 12:22

Det ben pat ara musano torom o Iesu, i ngat ma i pulu, ma a laulau na nion kura uni. O Iesu i ulangolango pasi, ra a musano ra, i wasiso ma i tamtama kai.

Matiu 14:1

Una kilalo ra, o Erod a mugumugu tagun a gapman i longoro a wasiso un o Iesu,

Matiu 15:22

Ara ino Kenan tagitiro una papor ra, i wanpat ma i kabo o Iesu lena, “Labino, a Nutun o Dewid un maris iau. A nutunglik a ino, a laulau na nion kura uni, ra i ser ban laulau i.”

Matiu 17:15

ma i watungi lena, “Labino, un maris a nutunglik a nat musano, i ser mat lalang, ma i ser taramo a labino ngunungut. A susut na bung i ser puku una sungun, o una danim.

Matiu 17:18

O Iesu i wasiso dekdek torom a laulau na nion, ra i pirso mut gusun a natlik. Ra una du bung utra i langolango.

Matiu 4:23

O Iesu i wan tuptupukus una papor Galili rop, ma i ususer a taro una nundet a kum rumu na lotu. I warawai nama Wakak na Wasiso una matanitu anun o God. Ma i ulangolango pas a taro gusun a kum wur ngas na misait rop.

Matiu 8:28

O Iesu i sot una ara papor tasi, una papor anun a taro Gadara. Aru musano ra a kum laulau na nion kura un der, der wan tagitong una kum kulam na minat, ra der wan barato i. Der ngalngalia doko, ma kataio i ser wan sakit tiro una kisapi ra.

Matiu 8:33

A taro ra det ser tabor a kabo liur na boro ra, det kalabor eno pas utiro utamon. Ra det wanpat, det inanos una kum utna rop ra i wanpat, ma un der kai, ra a kum laulau na nion numugu kura un der.

Matiu 8:6

I watungi lena, “Labino, ara tultul anung kurong ut una rumu i inep, a pinino rop i mat, ma i taramo a dekdek na ngunungut doko.”

Matiu 9:26

A wasiso una utna ri i wan sarara una papor rop ra.

Matiu 9:35

O Iesu i wan nanan una kum lamlabino tamon ma a kum natnat na tamon rop. Ra i ususer a taro una nundet a kum rumu na lotu, ma i warawai nama Wakak na Wasiso una matanitu anun o God, ma i ulangolango pas a taro gusun a kum wur ngas na misait rop.

A Wakak na Wasiso un o Iesu Karisito o Mak i tumusi 1:28

Ra a wasiso un o Iesu i wan sarara lakit utiro una kum tamon rop una papor Galili.

A Wakak na Wasiso un o Iesu Karisito o Mak i tumusi 1:32

Ra in matanas i sa sup taru, a taro det ben pat a kum misait rop torom o Iesu, ma det kai ra a kum laulau na nion kura un det.

A Wakak na Wasiso un o Iesu Karisito o Mak i tumusi 2:3

Ra a wat na musano det los ara musano a pinino i mat. Det losi torom o Iesu.

A Wakak na Wasiso un o Iesu Karisito o Mak i tumusi 2:4

Ikut ka det pet lar pasi, uni a taro det bukus doko. Ra det wan tito usapat una lur na rumu, ma det papok saro pas a nubual taltalai nam o Iesu i tur iai, ra det unoro pirso a misait tomo nama lu ra i inep uni.

A Wakak na Wasiso un o Iesu Karisito o Mak i tumusi 2:9

Osi na wasiso ra ke ngangitin sur an watungi tan a musano ri? Pepetlai, an watungi lena, ‘Di sa unus ru anum a kum sakino petutna,’ o, an lena, ‘Un katutur, un los anum a lu ma un nan’?

Luk 2:2

Iri a mugano dino ra di tumus a risandi una kum kilalo ra o Kwirinius i mugumugu tong o Siria.

Luk 4:14

O Iesu i milet melet utong una papor Galili nama dekdekin a Tokodos na Nion, ma a wasiso uni, i wan sarara una papor rop ra.

Luk 4:38

O Iesu i pirso gusun a rumu na lotu, ra i wan sur a rumu anun o Saimon. Ara ino a inumun o Saimon kura urumu, a pinino i mararong doko, ra det saring o Iesu sur in waruti.

Luk 5:15

Ikut a wasiso un o Iesu i wan sarara makai, ra a susut na taro det wan tomo sur det in longoro i, ma sur in ulangolango pas det gusun anundet a kum misait.

Luk 5:24

A wasiso ra an watungi, an watungi sur mot in tasmani lena, o God i pitar a warkurai torom a Nutun a Musano, sur in unus ru a kum sakino petutna nin upiso.” Ra i watungi torom a musano a pinino i mat lena, “A inanos ui, un katutur, un los anum a lu, ra un nan sur anum a rumu.”

Luk 7:17

Ra a wasiso ri un o Iesu i wan sarara tong una papor Judia rop, ma a kum tamon milau kai.

A Wakak na Wasiso un o Iesu Karisito o Jon i tumusi 10:21

Ikut ara taro det watungi lena, “Awu sur a ngas na wasiso ri anun taio ra a laulau na nion kura uni. Pepetlai, a laulau na nion in pet lar pasi sur in utamtama a taro ra det pulu?”

Aposel 10:38

Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Aposel 15:23

Ra det tumus tar a pas sur det in losi. A pas ra i watungi lenri: Met a kum aposel ma a kum mugumugu, met a kum tistisi mot, met tumtumus torom mot a kum tene nurnur tagun a taro ra awu sur a taro Juda ra mot kis tong o Antiok, ma una ru papor Siria ma o Silisia: A marmaris torom mot.

Aposel 15:41

Ra der wan tuptupukus epotor una papor Siria ma una papor Silisia, ma der udekdek a taro na lotu una kum tamon.

Aposel 28:9

Ra i sa pam tari lenri, a kum misait rop tagun a ailan, det wanpat ma di ulangolango det.

Aposel 8:7

I lakro ru a kum laulau na nion gusun a susut, ma a kum laulau na nion, ra det pirso, det kukukuk dekdek. Ma i ulangolango pas a susut ra a pinpinin det i mat, ma det kai, ra ka det wan lar pas.