Matiu 3:2 - Nupela Testamen long tokples Kandas

² ra i watungi lena, “Mot in nukpukus, uni a matanitu tagisapat una langit i sa milau.”

Matiu 3:2 Iomraidhean Croise

Matiu 10:7

Ra mot nan, mot in warawai nanan lenri, ‘A matanitu tagisapat una langit i sa milau.’

Matiu 11:20

O Iesu i wasiso na kankan torom a taro una kum tamon ra i sa pam tar anun a susut na utna na ukisin doko tiro iai, uni ka det nukpukus.

Matiu 12:41

Una bung na warkurai, a taro Niniwe det in tur ma det in takun dekdek a taro tagun uniri, uni det nukpukus una warawai anun o Jona, ma o naro ra i labo taun o Jona kuri ut nin, ikut ka mot longoro i.

Matiu 13:11

Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.

Matiu 13:24

O Iesu i watung ara wasiso elelar bulung torom det lena, “A matanitu tagisapat una langit i elar nama musano ra i sapro a kum wakak na pitino wit una nun a kinobot.

Matiu 13:31

O Iesu i watung ara wasiso elelar bulung tandet lena, “A matanitu tagisapat una langit i elar namin pitino mastad, ra ara musano i los pasi, ma i marut tari una nun a kinobot.

Matiu 13:33

O Iesu i watung ara wasiso elelar bulung tandet lena, “A matanitu tagisapat una langit i elar nama is, ra ara ino i rakon pasi, ma i pam tomo tari nama labino palawa, ra a palawa rop i mubus nami.”

Matiu 13:47

“A matanitu tagisapat una langit i elar kai nama uben, ra di woro tari sa utasi, ma a wur ngas na kiripo det iru taru uni.

Matiu 13:52

Ra o Iesu i watungi tandet lena, “I mo ra a kum tene ususer rop tagun a Warkurai, ra det sa ususer pas una matanitu tagisapat una langit, det elar nam ara musano ra i uleng a kum wakak na utna una nun a rumu. Ra i upirso a kum wakak na utna ra, gusun anun a rumu sur in papam nami, a ramano kum utna, a kum matokino, ma a ramano kai, a kum turaino.”

Matiu 18:23

“I mo ra a matanitu tagisapat una langit i elar nam ara king, ra i nemi sur anun a kum tultul det in ukodos a mani ra det los papasi tano.

Matiu 20:1

“A matanitu tagisapat una langit i elar nama taman a kinobot na wain, i pirso una kobot raut sur in iting sur lako kum tene pinapam sur det in papam una nun a kinobot na wain.

Matiu 22:2

“A matanitu tagisapat una langit i elar nama king ra i sa waninar tar a lukaro na unolin sur o nutunu, a musano.

Matiu 23:13

O Iesu i watungi lena, “In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot tagar bat a taro sur gong det ruk una matanitu tagisapat una langit. Ma mot ut, ka mot ruk uni, ma ka mot mulaot a taro ra det nem na ruk, sur det in ruk.

Matiu 25:1

“Una du bung ra, a matanitu tagisapat una langit in elar nama noino toraro, ra det los pas anundet a kum lam, ma det wan sur det in barato a musano ra i nolin matok.

Matiu 25:14

“A matanitu tagisapat una langit i elar utkai nam ara musano ra i waninar sur in nan utiro una ra tamon gisen. I kabo pas anun a tulu tultul, ra i isuaro tar anun a kum ululeng tandetul sur detul in papam nami.

Matiu 4:17

Turpasi una kilalo ra, o Iesu i warawai lena, “Mot in nukpukus, uni a matanitu tagisapat una langit i sa milau.”

Matiu 4:23

O Iesu i wan tuptupukus una papor Galili rop, ma i ususer a taro una nundet a kum rumu na lotu. I warawai nama Wakak na Wasiso una matanitu anun o God. Ma i ulangolango pas a taro gusun a kum wur ngas na misait rop.

Matiu 5:10

Det ra di ban laulau det uni det mur a tokodos na petutna, det dan, uni anundet a matanitu tagisapat una langit.

Matiu 5:3

“Det ra det tasmani lena det sibo una niondet, det dan, uni anundet a matanitu tagisapat una langit.

Matiu 6:10

I wakak ra anum a matanitu in nanpat. I wakak ra din mur anum a nemnem nin una rakrakon bual, elar nami ra di ser muri sapat netes una langit.

Matiu 6:33

Mot in sisio mugu sur anun a matanitu ma anun a tokodos na petutna, ra in tabor mot kai nama kum utna rop ri.

A Wakak na Wasiso un o Iesu Karisito o Mak i tumusi 1:15

I watungi lena, “A du bung i sa sot, ma a matanitu anun o God i sa milau. Mot in nukpukus, ma mot in nurnur una Wakak na Wasiso.”

A Wakak na Wasiso un o Iesu Karisito o Mak i tumusi 1:4

A musano ra, i o Jon a Tene Baptaiso. I kis una nubual kalako taro uni, ra i ser warawai lena, a taro det in nukpukus ma din baptaiso det, sur o God in unus ru anundet a kum sakino petutna.

A Wakak na Wasiso un o Iesu Karisito o Mak i tumusi 6:12

Ra det wan ma det warawai torom a taro, sur det in nukpukus.

Luk 1:16

Ma in ben pukus tar a susut na taro Israel torom a Labino anundet a God.

Luk 11:20

Ikut, ra an lakro ru a kum laulau na nion nama dekdekin o God, in ese i lena a matanitu anun o God i sa wanpat torom mot.

Luk 13:3

Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.

Luk 13:5

Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.”

Luk 15:10

A watungi tamot, i lenkutkai ra a gasgas epotor nisan a kum ensel anun o God un ara tene sakino ra i nukpukus.”

Luk 15:7

A watungi tamot, i lenkutkai ra sapat una langit, a gasgas una tene sakino ra i nukpukus in labo taun a gasgas una lisu na noino ma lisu ra det sa tokodos, ma ka det in nukpukus melet.

Luk 16:30

A tene gongon i watungi lena, ‘Awu, Tita Abaram, ra ut ra taio tagun a kum minat in nanpat torom det, det in nukpukus.’

Luk 21:31

Lenkutkai ra mot in tama a kum utna ra a wasiso taru uni in nanpat, mot in tasmani lena a matanitu anun o God i sa milau.

Luk 24:47

ma din warawai una risano torom a taro tagun a kum gapman rop, turpasi sapat o Jerusalem. Din warawai torom det lena, det in nukpukus ma o God in unus ru anundet a kum sakino petutna.

Luk 6:20

O Iesu i tama anun a taro na ususer ra i watungi lena, “Mot ra mot sibo, mot dan, uni a matanitu anun o God, anumot!

Luk 9:2

Ma i tulu ru det sur det in warawai una matanitu anun o God, ma det in ulangolango pas a kum misait.

Aposel 11:18

Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

Aposel 17:30

Una kum kilalo numugu, o God ke nuknuk una kum petutna anun a taro ra ka det nuk pasi. Ikut uniri, i pitar a warkurai sur a taro rop una rakrakon bual det in nukpukus.

Aposel 2:38

O Pita i balu det lena, “Mot rop taktakai mot in nukpukus, ma din baptaiso mot nama risan o Iesu Karisito, sur din unus ru anumot a kum sakino petutna, ra din tabor mot nama Tokodos na Nion.

Aposel 20:21

A warawai torom a taro rop, a taro Juda ma det ra awu sur a taro Juda kai, sur det in nukpukus torom o God ma det in nurnur una nundat a Labino o Iesu.

Aposel 26:20

A warawai mugu torom a taro tong o Damaskus, ma numur sapat o Jerusalem ma una kum tamon una papor Judia rop, ra numur torom det kai ra awu sur a taro Juda. A warawai lena, det in nukpukus, ma det in tupukus torom o God, ma det in pam a kum pinapam, sur in ese i lena det sa nukpukus.

Aposel 3:19

Mot in nukpukus, ma mot in nan torom o God, sur in unus ru anumot a kum sakino petutna,

2 Korin 7:10

A tupunuk ra o God i nemi, i utupunuk a taro sur det in nukpukus. Ra det in nukpukus, o God in ulaun det. Dat in gas una ngas na tupunuk ra. Ikut a tupunuk tagun a rakrakon bual, i pam pati kut a minat.

Kolosi 1:13

I sa ulaun pas dat gusun a dekdekin a dumirum, ma i sa ben ruk pas dat una matanitu anun o Nutunu ra i nem doko i,

2 Timoti 2:25

Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulusino.

Ibru 6:1

I mo ra dat in nan usa numugu sur a kum etowo bulung ra in sot sur a taro ra det sa labo una nurnur. Gong dat ususer melet una kum mugano etowo un o Karisito ra dat sa ususer pas uni. A kum etowo lenri: a nukpukus gusun a kum petutna ra in ben dat sur a minat, a nurnur un o God,

2 Pita 3:9

A Labino ke wowowon sur in pam sot pas anun a liliman lena in milet melet, elar nam ara taro det nuki. Awu, i kis langlang pas mot, uni ke nemi sur taio in iru. I nemi sur a taro rop det in nukpukus.

Tamtama 2:21

A sa pitar tar a du bung tano sur in nukpukus uni gusun anun a kum pamuk na petutna, ikut ke nemi.

Tamtama 2:5

Mot in nuk pas anumot a wakak na kinkinis sakit ra mot sa puku taru gusuni! Mot in nukpukus, ma mot in pam melet a kum pinapam ra numugu mot ser pami. Ra ka mot in nukpukus, an nanpat torom mot, ma an rakon ru anumot a turtur na lam gusun a kinano.