Matiu 3:11 - Nupela Testamen long tokples Kandas

¹¹ Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.

Matiu 3:11 Iomraidhean Croise

Matiu 3:6

Det watung puaso anundet a kum sakino petutna, ra i baptaiso det una danim Jodan.

A Wakak na Wasiso un o Iesu Karisito o Mak i tumusi 1:4

A musano ra, i o Jon a Tene Baptaiso. I kis una nubual kalako taro uni, ra i ser warawai lena, a taro det in nukpukus ma din baptaiso det, sur o God in unus ru anundet a kum sakino petutna.

Luk 1:17

In dekdek elar nama poropet Elaija ma a magirano kai in elar ut nami. In mugu tan a Labino, sur in ben tomo melet a kum tamtaman a kum nat torom a kum nutnutun det sur det in emarom melet, ma in ben pas a taro na pitarngat melet sur a wakak na ninunuk anun a kum tokodos na taro, sur in waninar a taro anun a Labino sur anun a inawan pat.”

Luk 3:16

Ra o Jon i watungi tandet rop lena, “Iau, a baptaiso mot nama danim. Ikut o naro ra a dekdekino i labo taun a dekdeking in nanpat. Ka elar sur an palos aru su gusun aru kikino, uni a natino doko tano. In baptaiso mot nama Tokodos na Nion ma a sungun.

Luk 3:3

Ma i wan una kum nubual rop milau a danim Jodan, i ser warawai lena, a taro det in nukpukus ma din baptaiso det, sur o God in unus ru anundet a kum sakino petutna.

A Wakak na Wasiso un o Iesu Karisito o Jon i tumusi 1:15

O Jon i wasiso talapor uni, ma i watungi namin labino walngano lena, “I ut ri, ra a wasiso mugu taru uni lena, ‘I ra in mur tang, i labo tang, uni i laun raut numugu tang.’”

A Wakak na Wasiso un o Iesu Karisito o Jon i tumusi 1:30

A musano kut ri, ra a wasiso mugu taru uni lena, ‘A musano ra in mur tang, i labo tang, uni i laun raut numugu tang.’

Aposel 1:5

O Jon i baptaiso nama danim, ikut ken suano i, ra din baptaiso mot nama Tokodos na Nion.”

Aposel 19:4

Ra o Pol i watungi lena, “O Jon i baptaiso nama baptais na nukpukus. Ma i inanos a taro lena, det in nurnur un o naro ra in nanpat numur tano. I ra o Iesu.”

Aposel 8:36

Ra der wan nanan una kisapi, der wan taru un ara danim, ra a te Itiopia i watungi tan o Pilip lena, “Tama i, iri a danim, asau melet mo i turbat iau sur gong di baptaiso iau?”

Aposel 8:38

Ra i turbat a karis sur in tur. Numur der wan pirso sur a danim, ra o Pilip i baptaiso i.

1 Korin 12:13

Uni ara Nion kut i baptaiso dat rop, sur dat ara pinin o Karisito mukut, dat a taro Juda, ma dat ra awu sur a taro Juda, dat a kum tene ititula ma dat ra ka dat tene ititula. Ma o God i pitar ara Nion kut torom dat rop sur dat in inum taguni.

Epeses 3:8

Ma iau, a natino sakit tandet rop a taro anun o God. Ikut i maris iau, ra i pitar tar a pinapam ri tang, sur an warawai torom det ra awu sur a taro Juda una kum utna anun o Karisito ra i labo sakit, ma ken elar sur taio in tasman rop pasi.

Taitus 3:5

i ulaun dat. Awu sur un lako kum tokodos na pinapam ra dat sa pam tari, awu. I ulaun dat uni i maris dat. I ulaun dat ma i rus talapor dat. A utalapor ra, a Tokodos na Nion i pami una nundat a nilaun, ra i usus matok dat, ma anundat a nilaun i wanpat matok uni.

1 Pita 5:5

Lenkutkai ra, mot a kum barman ma a kum toraro, mot rop mot in ser unatino pas mot torom det a kum mugano tamot. Mot in unatino pas mot epotor tamot etetalai, i ra anumot a wakak na ememar. Uni a Buk Tabu i watungi lena, “O God i nget det ra det ser ulabo pas det, ikut i maris det ra det ser unatino pas det.” Snd 3:34