Matiu 26:41 - Nupela Testamen long tokples Kandas

⁴¹ Motul in koikoi, ma motul in wararing, sur gong motul puku una ululam. A niomotul i nemi, ikut a pinimotul i tungulu kut.”

Matiu 26:41 Iomraidhean Croise

Matiu 24:42

“I mo ra mot in tumarong, uni ka mot tasman a bung ra anumot a Labino in nanpat uni.

Matiu 25:13

“I mo ra mot in tumarong, uni ka mot tasman a bung o a du bung ra a Labino in nanpat uni.

Matiu 26:38

I watungi tandetul lena, “Anung a nilaun i maut doko nama tupunuk, milau mo an mat nami. Motul in kis kut nin, ma motul in koikoi taru ut tomo nam iau.”

Matiu 6:13

Gong u ben met una ululam. Un ulaun met gusun a Tene Sakino.’

A Wakak na Wasiso un o Iesu Karisito o Mak i tumusi 14:38

Motul in koikoi, ma motul in wararing, sur gong motul puku una ululam. A niomotul i nemi, ikut a pinimotul i tungulu kut.”

Luk 11:4

Un unus ru anumet a kum sakino petutna, uni met kai met dumano ru anundet a kum sakino petutna torom met. Gong u ben met una ululam.’”

Luk 21:36

Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.”

Luk 22:40

Ra det wanpat una nubual ra, i watungi tandet lena, “Mot in wararing, sur gong mot puku una ululam.”

Luk 22:46

Ra i watungi tandet lena, “Ilai ra mot inep dumun kut? Mot in katutur, ma mot in wararing, sur gong mot puku una ululam.”

Luk 8:13

Ra a kum pitino ra det puku una nubual na watat, det elar nama taro ra det longoro a wasiso, ra det pam ukai i nama gasgas. Ikut kalako wakakorin det, anundet a nurnur ke tur suano i. Ra a kum larlar i wanpat torom det, det puku.

A Pas anun o Pol torom a taro Rom 8:3

A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai. Ikut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna.

1 Korin 10:13

A kum ululam ra mot sa etorom tari, awu sur mot kut mot etoromi, awu, a susut na taro kai det etoromi. Ra o God ken madek ru mot sur tu ululam in nanpat torom mot, ra in labo taun a dekdeki mot. Ra tu ululam in nanpat, o God ut in waninar pas tu kisapi, sur mot in nan gisen gusuni ma mot in winim pasi. Ma asau ra o God i watungi in pam soti.

1 Korin 16:13

Mot in tumarong, ma mot in tur dekdek una nurnur. Mot in elar nama kum dekdek na musano, ra ka det ngara.

1 Korin 9:27

A tumtubul a pining sur in mur wakak anung a nemnem. A pami lenri, sako a sa warawai taru nama Wakak na Wasiso torom a taro gisen, ikut iau ut, o God in ipul ru iau, ma kan los tu ikul.

Galesia 5:24

A taro anun o Karisito Iesu, det sak wat a sakino nemnem ina pinindet unin nanai kutus anun o Karisito.

Epeses 6:18

Mot in wararing nama dekdekin a Tokodos na Nion una kum bung rop, nama kum wur ngas na niaring rop. Mot in kis na waninar, ma mot in ser wararing sur a taro rop anun o God.

1 Pita 4:7

A ururop ina kum utna rop i sa milau. I mo ra mot in nuknuk wakak ma mot in tamtamabat wakak anumot a nilaun, sur mot in pet lari sur mot in wararing.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

2 Pita 2:9

Ra a Labino i tasman a kisapi ra in ulaun pas a taro ra det ru i, gusun a kum larlar ra in barato det. Ma i tasmani kai a kisapi ra in ukadik a taro ra det rosumur gusuni, ma det kis langlang sur anundet a warkurai na minabalu, una bung na warkurai.

Tamtama 16:15

“Tama i, an nanpat elar nama tene wolong. Osi ra i kis na tamtamabat ma i waninar anun a kum malu, i dan, sur gong i mengere ma i maimai.”

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.