Matiu 26:3 - Nupela Testamen long tokples Kandas

³ Una du bung ut ra a kum lamlabino tene etabor torom o God ma a kum mugumugu anun a taro, det kis tomo una labino rumu anun o Kaiapas, a mugumugu na tene etabor.

Matiu 26:3 Iomraidhean Croise

Matiu 26:69

Ra o Pita i kis utmakai nago upiso una rumu ra, ara toraro, a tultul i wan toromi ra i watungi lena, “Ui kai ara tagun det ra mot ser wan tomo nam o Iesu a te Galili.”

Matiu 27:27

A kum tene inaim anun a mugumugu tagun a gapman det dat pas o Iesu utiro urumu una labino rumu anun anundet a mugumugu. Ra det ben tomo pas a kum tene inaim rop toromi.

A Wakak na Wasiso un o Iesu Karisito o Mak i tumusi 14:54

O Pita i mur nanan o Iesu, ikut i bakbak ut gusuni. I ruk una nubual anun a mugumugu na tene etabor torom o God, ra i minor nisan a sungun tomo nama kum tene tamtamabat.

A Wakak na Wasiso un o Iesu Karisito o Mak i tumusi 14:66

Ra o Pita i kis utmakai nago upiso una rumu ra, ara toraro, a tultul anun a mugumugu na tene etabor torom o God i wanpat.

A Wakak na Wasiso un o Iesu Karisito o Mak i tumusi 15:16

A kum tene inaim det dat pas o Iesu utiro urumu una labino rumu anun anundet a mugumugu, ra det kabo tomo pas a kum tene inaim rop.

Luk 22:55

Ra det sa tagol tar a sungun nago utamon, ma det kis tomo, o Pita kai det ut.

Luk 3:2

ma o Anas ma o Kaiapas der los a pinapam na mugumugu na tene etabor torom o God. Una kilalo ra, a wasiso anun o God i wanpat torom o Jon, a nutun o Sekaraia ra i kis una nubual kalako taro uni.

A Wakak na Wasiso un o Iesu Karisito o Jon i tumusi 11:57

A kum lamlabino tene etabor ma a kum Parisi det sa itula taru lena, ra taio i sa tama tar o Iesu, in inanos lakit uni ra kura i kis awai, sur det in pam ukai pasi.

A Wakak na Wasiso un o Iesu Karisito o Jon i tumusi 18:24

Ra ka di palosi utmakai a kineker gusun aru lamano, o Anas i tulu ru i torom o Kaiapas, i kai a mugumugu na tene etabor torom o God.

A Wakak na Wasiso un o Iesu Karisito o Jon i tumusi 18:28

Una kobot raut, di ben pas o Iesu gusun a rumu anun o Kaiapas sur a labino rumu anun o Pailat, ara mugumugu tagun a gapman Rom. A kum te Juda ka det nem na ruk una nun a rumu, uni det sa rus talapor pas det umatan o God, sur det in nangon una labino bung na lotu na Wanlakai. Uni osi ra in ruk una rumu anun taio, ra awu sur a te Juda, in dur umatan o God.