Matiu 24:4 - Nupela Testamen long tokples Kandas

⁴ O Iesu i balu det lena, “Mot in tumarong, sako taio in toro pas mot.

Matiu 24:4 Iomraidhean Croise

A Wakak na Wasiso un o Iesu Karisito o Mak i tumusi 13:22

Uni lako kum torotoro na Karisito, ma lako kum torotoro na poropet det in nanpat. Det in pam lako kum ukinalong ma lako kum utna na ukisin sur det in toro pas a taro ra o God i sa pilok pas det, raut ko ra det in pet lar pasi. Ikut, ka det in pet lar pasi.

Luk 21:8

I balu det lena, “Mot in tumarong, sako din toro pas mot. Uni a susut det in nanpat nama risang, ma det in warango det lena, ‘Iau a Karisito,’ ma lena, ‘A du bung i sa milau.’ Gong mot mur det.

Galesia 6:3

Ra taio i nuki lena i labo, ikut ra ke labo, i ut i toro melet pasi.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

Epeses 5:6

Gong mot madek tar taio sur in toro pas mot nam tu wasiso oros kut. Uni a kum petutna ra, in dat pas a kankan anun o God torom det ra det pitarngat.

Kolosi 2:18

Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino.

Kolosi 2:8

Mot in tumarong mot, sur gong taio i ukarabus mot nama mananos anun a taro kut, ra i a etowo oros kut ma a torotoro. A mananos ra, i wanpat kut tagun a kum etowo anun a kum tumtubun det tagun numugu, ma tan a kum laulau na nion tagun a rakrakon bual, ma awu sur tan o Karisito.

2 Tesalonaika 2:3

Gong mot madek tar taio sur in toro mot nam tu wasiso o tu kisapi sur mot in muri. Uni a bung ra, ken nanpat utmakai, tuk ut ra, lako susut na taro det in rosumur gusun o God, ma a tene lakai warkurai in nanpat pupuaso, i ra, numur in iru.

1 Jon 4:1

A kum wakak na paspasang, gong mot nurnur oros un taio ra i watungi lena a Tokodos na Nion i pitar tar a wasiso toromi. I wakak sur mot in lari munung a kum nion, ra det tagun o God o awu. Uni, a susut na torotoro na poropet kuri det una rakrakon bual.