Matiu 21:29 - Nupela Testamen long tokples Kandas

²⁹ Ra o nutunulik i watungi lena, ‘Iau kan nan,’ ikut numur i pukus melet a nuknukino, ra i wan.

Matiu 21:29 Iomraidhean Croise

Matiu 21:28

O Iesu i inanos det lena, “Asau mot nuki? Ara musano aru nutnutunu, aru nat musano. I wan torom a mugano, ra i watungi tano lena, ‘Nutunglik, uniri un nan sur a kinobot na wain ma un papam.’

Matiu 21:30

Ra o tamano i wan bulung torom ara pasander, ra i inanosi utkai lenra, ra o nutunulik i balu i lena, ‘I wakak kut tita, an nan ut,’ ikut ke wan.

Matiu 21:31

Osi na pasander ra i mur a wasiso anun a tamander?” Det balu i lena, “A mugano.” O Iesu i watungi tandet lena, “A inanos mot nama lingmulus, a kum tene los takis ma a kum pamuk na ino, kuri det ruk mugu nanan tamot, una matanitu anun o God.

Aposel 26:20

A warawai mugu torom a taro tong o Damaskus, ma numur sapat o Jerusalem ma una kum tamon una papor Judia rop, ra numur torom det kai ra awu sur a taro Juda. A warawai lena, det in nukpukus, ma det in tupukus torom o God, ma det in pam a kum pinapam, sur in ese i lena det sa nukpukus.

1 Korin 6:11

Ara taro tagun mot, numugu mot ser pam a kum ngasino ri. Ikut, una risan a Labino o Iesu Karisito, ma una Nion o God anundat, o God i sa gos talapor pas mot gusun anumot a kum sakino petutna, sur mot anun a taro, ma i sa watung mot lena mot tokodos umatano.